ਵਿਦੇਸ਼

Monthly Archives: SEPTEMBER 2017


'ਐਂਟੀ ਟਰੰਪ ਨਹੀਂ ਹੈ ਫੇਸਬੁੱਕ'
ਟਰੰਪ ਦੇ ਐਂਟੀ ਫੇਸਬੁੱਕ ਇਲਜ਼ਾਮ ਉੱਤੇ ਜ਼ੁਕਰਬਰਗ ਨੇ ਦਿੱਤਾ ਜਵਾਬ
28.09.17 - ਪੀ ਟੀ ਟੀਮ
ਟਰੰਪ ਦੇ ਐਂਟੀ ਫੇਸਬੁੱਕ ਇਲਜ਼ਾਮ ਉੱਤੇ ਜ਼ੁਕਰਬਰਗ ਨੇ ਦਿੱਤਾ ਜਵਾਬ



ਅਮਰੀਕੀ ਰਾਸ਼ਟਰਪਤੀ ਡਾਨਲਡ ਟਰੰਪ ਨੇ ਟਵੀਟ ਕਰ ਕੇ ਇਲਜ਼ਾਮ ਲਗਾਇਆ ਸੀ ਕਿ ਫੇਸਬੁੱਕ ਹਮੇਸ਼ਾ ਤੋਂ ਉਨ੍ਹਾਂ  ਦੇ ਖਿਲਾਫ ਰਿਹਾ ਹੈ। ਇਸ ਇਲਜ਼ਾਮ ਦੇ ਜਵਾਬ ਵਿੱਚ ਫੇਸਬੁੱਕ ਦੇ ਸੰਸਥਾਪਕ ਮਾਰਕ ਜ਼ੁਕਰਬਰਗ ਦਾ ਕਹਿਣਾ ਹੈ ਕਿ ਅਜਿਹਾ ਕੁੱਝ ਨਹੀਂ ਹੈ। ਦਰਅਸਲ ਟਰੰਪ ਨੇ ਟਵੀਟ ਕਰ ਕੇ ਕਿਹਾ ਸੀ, 'ਫੇਸਬੁੱਕ ਹਮੇਸ਼ਾ ਤੋਂ ਹੀ ਐਂਟੀ ਟਰੰਪ ਰਿਹਾ ਹੈ। ਨੈੱਟਵਰਕ ਵੀ ਐਂਟੀ ਟਰੰਪ ਰਹੇ ਹਨ, ਇੰਝ ਹੀ ਨਿਊ ਯਾਰਕ ਟਾਈਮਸ ਦੀ ਫੇਕ ਨਿਊਜ਼ (ਜਿਸ ਦੇ ਲਈ ਮਾਫੀ ਮੰਗੀ ਗਈ) ਅਤੇ ਵਾਸ਼ਿੰਗਟਨ ਪੋਸਟ ਵੀ ਐਂਟੀ ਟਰੰਪ ਰਹੇ ਹਨ। ਕੀ ਇਹ ਮਿਲੀਭਗਤ ਹੈ?

ਫੇਸਬੁੱਕ ਦੇ ਸੰਸਥਾਪਕ ਅਤੇ ਮਾਰਕ ਜ਼ੁਕਰਬਰਗ ਨੇ ਟਵੀਟ ਦੇ ਕੁੱਝ ਹੀ ਘੰਟਿਆਂ ਦੇ ਬਾਅਦ ਫੇਸਬੁੱਕ ਉੱਤੇ ਇੱਕ ਲੰਮੀ ਪੋਸਟ ਲਿਖ ਕੇ ਆਪਣਾ ਪੱਖ ਸਾਫ਼ ਕੀਤਾ ਹੈ। ਆਪਣੇ ਪੋਸਟ ਵਿੱਚ ਉਨ੍ਹਾਂ ਨੇ ਲਿਖਿਆ, "ਮੈਂ ਪ੍ਰੈਜ਼ੀਡੈਂਟ ਟਰੰਪ ਦੇ ਉਸ ਟਵੀਟ ਦਾ ਜਵਾਬ ਦੇਣਾ ਚਾਹੁੰਦਾ ਹਾਂ ਜੋ ਉਨ੍ਹਾਂ ਨੇ ਸਵੇਰੇ ਕੀਤਾ ਹੈ। ਇਸ ਵਿੱਚ ਉਨ੍ਹਾਂ ਨੇ ਦਾਅਵਾ ਕੀਤਾ ਹੈ ਕਿ ਫੇਸਬੁੱਕ ਹਮੇਸ਼ਾ ਤੋਂ ਉਨ੍ਹਾਂ ਦੇ ਖਿਲਾਫ ਰਿਹਾ ਹੈ।"

ਟਰੰਪ ਦੇ ਦਾਅਵਿਆਂ ਨੂੰ ਖਾਰਿਜ ਕਰਦੇ ਹੋਏ ਜ਼ੁਕਰਬਰਗ ਨੇ ਫੇਸਬੁੱਕ ਨੂੰ ਲੋਕਾਂ ਨੂੰ ਜੋੜਨ ਵਾਲਾ ਮਾਧਿਅਮ ਦੱਸਿਆ। ਉਨ੍ਹਾਂ ਨੇ ਆਪਣੇ ਪੋਸਟ ਵਿੱਚ ਲਿਖਿਆ, "ਮੈਂ ਹਰ ਦਿਨ ਲੋਕਾਂ ਨੂੰ ਨਾਲ ਲਿਆਉਣ ਅਤੇ ਸਾਰੇ ਲਈ ਇੱਕ ਜਨਤਕ ਮੰਚ ਤਿਆਰ ਕਰਨ ਲਈ ਕੰਮ ਕਰ ਰਿਹਾ ਹਾਂ। ਅਸੀਂ ਚਾਹੁੰਦੇ ਹਾਂ ਕਿ ਸਾਰਿਆਂ ਨੂੰ ਇੱਕ ਆਵਾਜ਼ ਮਿਲੇ ਅਤੇ ਅਜਿਹਾ ਮੰਚ ਤਿਆਰ ਹੋਵੇ ਜਿੱਥੇ ਸਾਰੇ ਆਪਣੀ ਗੱਲ ਰੱਖ ਸਕਣ।"

ਉਨ੍ਹਾਂ ਨੇ ਟਰੰਪ ਦੇ ਟਵੀਟ ਦਾ ਜਵਾਬ ਦਿੰਦੇ ਹੋਏ ਕਿਹਾ ਹੈ, "ਟਰੰਪ ਕਹਿੰਦੇ ਹਨ ਫੇਸਬੁੱਕ ਉਨ੍ਹਾਂ ਦੇ ਖਿਲਾਫ ਹੈ। ਲਿਬਰਲ ਲੋਕ ਕਹਿੰਦੇ ਹਨ ਅਸੀਂ ਟਰੰਪ ਦੀ ਮਦਦ ਕੀਤੀ ਹੈ। ਦੋਵੇਂ ਪਾਸੇ ਦੇ ਹੀ ਲੋਕ ਉਸ ਵਕਤ ਨਰਾਜ਼ ਹੋ ਜਾਂਦੇ ਹਨ ਜਦੋਂ ਕੰਟੈਂਟ ਉਨ੍ਹਾਂ ਦੀ ਪਸੰਦ ਦਾ ਨਹੀਂ ਹੁੰਦਾ।" ਫੇਸਬੁੱਕ ਦੇ ਸੰਸਥਾਪਕ ਨੇ ਅੰਕੜਿਆਂ ਦੇ ਹਵਾਲੇ ਨਾਲ ਆਪਣੀ ਨਿਰਪਖਤਾ ਸਾਫ਼ ਕੀਤੀ।

ਉਨ੍ਹਾਂ ਨੇ ਕਿਹਾ, "ਹਕੀਕਤ ਵਿੱਚ 2016 ਦੇ ਇਲੈਕਸ਼ਨ ਵਿੱਚ ਫੇਸਬੁੱਕ ਨੇ ਅਹਿਮ ਰੋਲ ਨਿਭਾਇਆ ਸੀ। ਇੱਥੇ ਲੱਖਾਂ ਲੋਕ ਸਨ ਜਿਨ੍ਹਾਂ ਨੇ ਫੇਸਬੁੱਕ ਉੱਤੇ ਕਈ ਮੁੱਦਿਆਂ ਉੱਤੇ ਚਰਚਾ ਕੀਤੀ। ਇਨ੍ਹਾਂ ਵਿੱਚ ਅਜਿਹੇ ਵਿਸ਼ਾ ਵੀ ਸ਼ਾਮਿਲ ਸਨ ਜਿਸ ਉੱਤੇ ਮੀਡੀਆ ਵਿੱਚ ਕਦੇ ਚਰਚਾ ਨਹੀਂ ਹੋਈ। ਇਹ ਪਹਿਲੀਆਂ ਅਮਰੀਕੀ ਚੋਣਾਂ ਰਹੀਆਂ ਜਦੋਂ ਇੰਟਰਨੈੱਟ ਚੋਣ ਪ੍ਚਾਰ ਲਈ ਸਭ ਤੋਂ ਵੱਡਾ ਮੰਚ ਬਣ ਗਿਆ।"





[home] [1] 2  [prev.]1-5 of 6


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਦੋਵੇਂ 'ਗਰਮ ਦਿਮਾਗ' ਨੇਤਾਵਾਂ ਨੂੰ ਸ਼ਾਂਤ ਕਰਨ ਲਈ ਇੱਕ ਵਿਰਾਮ ਦੀ ਜ਼ਰੂਰਤ
ਸਕੂਲੀ ਬੱਚਿਆਂ ਵਾਂਗ ਲੜ ਰਹੇ ਹਨ ਟਰੰਪ ਅਤੇ ਕਿਮ: ਰੂਸ
23.09.17 - ਪੀ ਟੀ ਟੀਮ
ਸਕੂਲੀ ਬੱਚਿਆਂ ਵਾਂਗ ਲੜ ਰਹੇ ਹਨ ਟਰੰਪ ਅਤੇ ਕਿਮ: ਰੂਸ



ਰੂਸ ਦੇ ਵਿਦੇਸ਼ ਮੰਤਰੀ ਸਰਗੇਈ ਲਾਵਰੋਫ ਨੇ ਕਿਹਾ ਹੈ ਕਿ ਡੋਨਲਡ ਟਰੰਪ ਅਤੇ ਕਿਮ ਜੋਂਗ-ਉਨ ਦੇ ਵਿੱਚ ਚੱਲ ਰਹੀ ਜੁਬਾਨੀ ਜੰਗ ਸਕੂਲੀ ਬੱਚਿਆਂ ਦੀ ਲੜਾਈ ਵਰਗੀ ਹੈ। ਲਾਵਰੋਫ ਨੇ ਕਿਹਾ ਕਿ ਦੋਵੇਂ 'ਗਰਮ ਦਿਮਾਗ' ਨੇਤਾਵਾਂ ਨੂੰ ਸ਼ਾਂਤ ਕਰਨ ਲਈ ਇੱਕ ਵਿਰਾਮ ਦੀ ਜ਼ਰੂਰਤ ਹੈ। ਉਨ੍ਹਾਂ ਨੇ ਕਿਹਾ, "ਸ਼ਾਂਤ ਰਹਿ ਕੇ ਉੱਤਰ ਕੋਰੀਆ ਦੇ ਪਰਮਾਣੂ ਫੌਜੀਕਰਣ ਨੂੰ ਵੇਖਣਾ ਨਾਮਨਜ਼ੂਰ ਹੈ ਲੇਕਿਨ ਨਾਲ ਹੀ ਕੋਰੀਆਈ ਪ੍ਰਾਇਦੀਪ ਵਿੱਚ ਯੁੱਧ ਛੇੜਨਾ ਵੀ ਨਾਮਨਜ਼ੂਰ ਹੈ।"

ਲਾਵਰੋਫ ਨੇ ਕਿਹਾ ਹੈ ਕਿ ਮੌਜੂਦਾ ਸੰਕਟ ਨਾਲ ਰਾਜਨੀਤਕ ਪ੍ਰਕਿਰਿਆ ਦੇ ਜ਼ਰੀਏ ਨਿਬਟਿਆ ਜਾਣਾ ਚਾਹੀਦਾ ਹੈ ਜੋ ਕਿ ਸੰਯੁਕਤ ਰਾਸ਼ਟਰ ਦੀ ਸੁਰੱਖਿਆ ਕੌਂਸਲ ਦੀ ਪ੍ਰਕਿਰਿਆ ਦਾ ਅਹਿਮ ਹਿੱਸਾ ਹੈ। ਉਨ੍ਹਾਂ ਨੇ ਕਿਹਾ, "ਚੀਨ ਦੇ ਨਾਲ ਮਿਲ ਕੇ ਅਸੀਂ ਤਰਕਸ਼ੀਲ ਰਵੱਈਆ ਅਪਣਾਵਾਂਗੇ, ਨਾ ਕਿ ਭਾਵੁਕ ਰਵੱਈਆ ਜਿਵੇਂ ਕ‌ਿ ਜਦੋਂ ਸਕੂਲੀ ਬੱਚੇ ਲੜਨਾ ਸ਼ੁਰੂ ਕਰ ਦਿੰਦੇ ਹਨ ਤਾਂ ਉਨ੍ਹਾਂ ਨੂੰ ਕੋਈ ਨਹੀਂ ਰੋਕ ਸਕਦਾ ਹੈ।"

ਵਰਣਨਯੋਗ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਅਤੇ ਉੱਤਰ ਕੋਰੀਆ ਦੇ ਸ਼ਾਸਕ ਕਿਮ ਜੋਂਗ-ਉਨ ਦੇ ਵਿੱਚ ਹਾਲ ਹੀ ਵਿੱਚ ਤਿੱਖੀ ਬਿਆਨਬਾਜ਼ੀ ਹੋਈ ਹੈ। ਦੋਵੇਂ ਨੇਤਾਵਾਂ ਨੇ ਇੱਕ ਦੂਜੇ ਉੱਤੇ ਹਮਲਾ ਕਰਦੇ ਹੋਏ ਇੱਕ ਦੂਜੇ ਨੂੰ 'ਸਨਕੀ' ਅਤੇ 'ਪਾਗਲ' ਕਿਹਾ ਹੈ।

ਕਿਮ ਜੋਂਗ-ਉਨ ਨੇ ਕਿਹਾ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ 'ਹਤਾਸ਼ਾ' ਤੋਂ ਉਨ੍ਹਾਂ ਨੂੰ ਭਰੋਸਾ ਹੋ ਗਿਆ ਹੈ ਕਿ ਉੱਤਰ ਕੋਰੀਆ ਦੁਆਰਾ ਹਥਿਆਰਾਂ ਨੂੰ ਵਿਕਸਿਤ ਕਰਨਾ ਠੀਕ ਹੈ। ਉੱਤਰ ਕੋਰੀਆ ਦੇ ਸਰਕਾਰੀ ਮੀਡੀਆ ਨੂੰ ਦਿੱਤੇ ਇੱਕ ਬਿਆਨ ਵਿੱਚ ਉੱਤਰ ਕੋਰੀਆਈ ਸ਼ਾਸਕ ਨੇ ਕਿਹਾ ਕਿ ਟਰੰਪ ਨੂੰ ਸੰਯੁਕਤ ਰਾਸ਼ਟਰ ਵਿੱਚ ਦਿੱਤੇ ਆਪਣੇ ਹਾਲ ਦੇ ਭਾਸ਼ਣ ਦੇ ਨਤੀਜੇ ਭੁਗਤਣੇ ਹੋਣਗੇ।

ਟਰੰਪ ਨੇ ਸੰਯੁਕਤ ਰਾਸ਼ਟਰ ਵਿੱਚ ਦਿੱਤੇ ਆਪਣੇ ਭਾਸ਼ਣ ਵਿੱਚ ਕਿਮ ਜੋਂਗ-ਉਨ ਬਾਰੇ ਕਿਹਾ ਸੀ ਕਿ 'ਰਾਕੇਟ ਮੈਨ', 'ਖੁਦਕੁਸ਼ੀ ਦੇ ਮਿਸ਼ਨ' ਉੱਤੇ ਹੈ। ਟਰੰਪ ਨੇ ਇਹ ਵੀ ਕਿਹਾ ਕਿ ਜੇਕਰ ਅਮਰੀਕਾ ਨੇ ਆਪਣੀ ਰੱਖਿਆ ਕਰਨੀ ਹੈ ਤਾਂ ਉਸ ਨੂੰ ਉੱਤਰ ਕੋਰੀਆ ਨੂੰ ਪੂਰੀ ਤਰ੍ਹਾਂ ਨਸ਼ਟ ਕਰਨਾ ਹੋਵੇਗਾ।

ਉੱਤਰ ਕੋਰੀਆ ਲਗਾਤਾਰ ਬੈਲਿਸਟਿਕ ਮਿਸਾਈਲ ਪਰੀਖਣ ਕਰ ਰਿਹਾ ਹੈ ਅਤੇ ਅੰਤਰਰਾਸ਼ਟਰੀ ਆਲੋਚਨਾ ਦੇ ਬਾਵਜੂਦ ਇਸ ਨੇ ਛੇਵਾਂ ਪਰਮਾਣੂ ਪਰੀਖਣ ਕੀਤਾ ਹੈ। ਟਰੰਪ ਦੀਆਂ ਟਿੱਪਣੀਆਂ ਦੀ ਤੁਲਨਾ 'ਕੁੱਤੇ ਦੇ ਭੌਂਕਣ' ਨਾਲ ਕਰਨ ਵਾਲੇ ਉੱਤਰ ਕੋਰੀਆ ਦੇ ਵਿਦੇਸ਼ ਮੰਤਰੀ ਰੀ ਯੋਂਗ-ਹੋ ਨੇ ਚਿਤਾਵਨੀ ਦਿੱਤੀ ਹੈ ਕਿ ਟਰੰਪ ਦੀਆਂ ਧਮਕੀਆਂ ਦੇ ਜਵਾਬ ਵਿੱਚ ਉੱਤਰ ਕੋਰੀਆ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਹਾਈਡਰੋਜਨ ਬੰਬ ਦਾ ਪਰੀਖਣ ਕਰ ਸਕਦਾ ਹੈ। ਦੱਖਣ ਕੋਰੀਆ ਦੀ ਨਿਊਜ਼ ਏਜੰਸੀ ਯੋਨਹੈਪ ਨੇ ਯੋਂਗ-ਹੋ ਦੀ ਚਿਤਾਵਨੀ ਉੱਤੇ ਲਿਖਿਆ ਕਿ ਇਹ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਹਾਈਡਰੋਜਨ ਬੰਬ ਦਾ ਸਭ ਤੋਂ ਸ਼ਕਤੀਸ਼ਾਲੀ ਵਿਸਫੋਟ ਹੋ ਸਕਦਾ ਹੈ। ਹਾਲਾਂਕਿ ਯੋਂਗ ਨੇ ਕਿਹਾ, "ਸਾਨੂੰ ਨਹੀਂ ਪਤਾ ਕਿ ਕੀ ਕਾਰਵਾਈ ਕੀਤੀ ਜਾ ਸਕਦੀ ਹੈ ਕਿਉਂਕਿ ਆਦੇਸ਼ ਕਿਮ ਜੋਂਗ-ਉਨ ਹੀ ਦੇਣਗੇ।"

ਕੇਸੀਐੱਨਏ ਏਜੰਸੀ ਵਿੱਚ ਆਏ ਕਿਮ ਦੇ ਇੱਕ ਅੰਗਰੇਜ਼ੀ ਬਿਆਨ ਦੇ ਮੁਤਾਬਕ, "ਟਰੰਪ ਦੀ ਟਿੱਪਣੀ ਨੇ ਡਰਾਉਣ ਜਾਂ ਰੋਕਣ ਦੀ ਬਜਾਏ ਮੈਨੂੰ ਭਰੋਸਾ ਦੁਆ ਦਿੱਤਾ ਹੈ ਕਿ ਜੋ ਵੀ ਰਸਤਾ ਮੈਂ ਚੁਣਿਆ ਹੈ, ਉਹ ਠੀਕ ਹੈ ਅਤੇ ਇਸ ਉੱਤੇ ਮੈਂ ਅੰਤ ਤੱਕ ਚੱਲਣਾ ਹੈ।" ਉਨ੍ਹਾਂ ਨੇ ਕਿਹਾ, "ਹੁਣ ਜਦੋਂ ਕਿ ਟਰੰਪ ਨੇ ਪੂਰੀ ਦੁਨੀਆ ਦੇ ਸਾਹਮਣੇ ਮੇਰੇ ਅਤੇ ਮੇਰੇ ਦੇਸ਼ ਦੇ ਵਜੂਦ ਨੂੰ ਨਕਾਰਦੇ ਹੋਏ ਬੇਇੱਜ਼ਤੀ ਕੀਤੀ ਹੈ, ਇਤਿਹਾਸ ਦੇ ਸਭ ਤੋਂ ਭਿਆਨਕ ਯੁੱਧ ਦੀ ਘੋਸ਼ਣਾ ਕੀਤੀ ਹੈ ਤਾਂ ਟਰੰਪ ਨੂੰ ਉਨ੍ਹਾਂ ਦੇ ਭਾਸ਼ਣ ਦਾ ਕਰਾਰਾ ਜਵਾਬ ਦੇਣ ਲਈ ਉੱਤਰ ਕੋਰੀਆ ਹੁਣ ਤੱਕ ਦੀ ਆਪਣੀ ਸਭ ਤੋਂ ਵੱਡੀ ਕਾਰਵਾਈ ਕਰੇਗਾ।" ਅੰਤ ਵਿੱਚ ਕਿਮ ਨੇ ਕਿਹਾ, "ਮਾਨਸਿਕ ਰੂਪ ਨਾਲ ਅਸਥਿਰ ਅੱਗ ਨਾਲ ਖੇਡਣ ਦੇ ਸ਼ੌਕੀਨ ਅਮਰੀਕੀ ਬੁੱਢੇ ਨੂੰ ਯਕੀਨਨ ਵਸ ਵਿੱਚ ਕਰਾਂਗਾ।"

ਮਾਹਰਾਂ ਦਾ ਕਹਿਣਾ ਹੈ ਕਿ ਇਹ ਪਹਿਲੀ ਵਾਰ ਹੈ ਜਦੋਂ ਉੱਤਰ ਕੋਰੀਆ ਦੇ ਕਿਸੇ ਨੇਤਾ ਨੇ ਅੰਤਰਰਾਸ਼ਟਰੀ ਸਮਾਜ ਨੂੰ ਸਿੱਧਾ ਸੰਬੋਧਿਤ ਕੀਤਾ ਹੋਵੇ।

ਕਿਮ ਦੇ ਬਿਆਨ ਦੀ ਜਾਪਾਨ ਸਰਕਾਰ ਨੇ ਤਿੱਖੀ ਆਲੋਚਨਾ ਕੀਤੀ ਹੈ। ਮੁੱਖ ਕੈਬੀਨਟ ਸਕੱਤਰ ਯੋਸ਼ਿਹਿਦੇ ਸੁਗਾ ਨੇ ਸ਼ੁੱਕਰਵਾਰ ਨੂੰ ਕਿਹਾ, "ਉੱਤਰ ਕੋਰੀਆ ਦਾ ਬਿਆਨ ਅਤੇ ਉਸ ਦਾ ਸੁਭਾਅ ਇਸ ਖੇਤਰ ਅਤੇ ਅੰਤਰਰਾਸ਼ਟਰੀ ਸੁਰੱਖਿਆ ਲਈ ਖਤਰਾ ਹੈ।" ਉੱਤਰ ਕੋਰੀਆ ਨੇ ਪਿਛਲੇ ਮਹੀਨੇ ਜਾਪਾਨ ਦੇ ਵੱਲ ਦੋ ਬੈਲਿਸਟਿਕ ਮਿਸਾਇਲਾਂ ਦਾ ਪਰੀਖਣ ਕੀਤਾ ਜਿਸ ਦੇ ਨਾਲ ਇਸ ਖੇਤਰ ਵਿੱਚ ਤਣਾਅ ਹੋਰ ਵੱਧ ਗਿਆ।

ਉਥੇ ਹੀ ਰੂਸ ਦੇ ਵਿਦੇਸ਼ ਮੰਤਰੀ ਸਰਗੇਈ ਲਾਵਰੋਫ ਨੇ ਖ਼ਬਰਦਾਰ ਕੀਤਾ ਕਿ ਪਰਮਾਣੂ ਪਰੀਖਣ ਉੱਤੇ ਫੌਜੀ ਸਨਕ ਤ੍ਰਾਸਦੀ ਦੇ ਵੱਲ ਲੈ ਜਾਵੇਗਾ, ਜਦੋਂ ਕਿ ਚੀਨ ਦੇ ਵਿਦੇਸ਼ ਮੰਤਰੀ ਵਾਂਗ ਯੀ ਨੇ ਕਿਹਾ ਉੱਤਰ ਕੋਰੀਆ ਨੂੰ 'ਖਤਰਨਾਕ ਦਿਸ਼ਾ' ਵਿੱਚ ਨਹੀਂ ਜਾਣਾ ਚਾਹੀਦਾ।




[home] [1] 2  [prev.]1-5 of 6


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਡੇਅ ਲਾਈਟ ਸੇਵਿੰਗ- ਐਤਵਾਰ ਨੂੰ ਬਦਲੇਗਾ ਸਮਾਂ
24 ਸਤੰਬਰ ਤੋਂ ਨਿਊਜ਼ੀਲੈਂਡ ਦੀਆਂ ਘੜੀਆਂ ਇਕ ਘੰਟਾ ਅੱਗੇ ਹੋ ਜਾਣਗੀਆਂ
18.09.17 - ਹਰਜਿੰਦਰ ਸਿੰਘ ਬਸਿਆਲਾ
24 ਸਤੰਬਰ ਤੋਂ ਨਿਊਜ਼ੀਲੈਂਡ ਦੀਆਂ ਘੜੀਆਂ ਇਕ ਘੰਟਾ ਅੱਗੇ ਹੋ ਜਾਣਗੀਆਂ



ਨਿਊਜ਼ੀਲੈਂਡ ਦੇ ਵਿਚ ਡੇਅ ਲਾਈਟ ਸੇਵਿੰਗ ਤਹਿਤ ਘੜੀਆਂ ਦਾ ਸਮਾਂ ਆਉਂਦੇ ਐਤਵਾਰ 24 ਸਤੰਬਰ ਨੂੰ ਤੜਕੇ ਸਵੇਰੇ ਇਕ ਘੰਟਾ ਅੱਗੇ ਕਰ ਦਿੱਤਾ ਜਾਵੇਗਾ। ਇਹ ਸਮਾਂ ਇਸੀ ਤਰ੍ਹਾਂ 31 ਮਾਰਚ 2018 ਤੱਕ ਜਾਰੀ ਰਹੇਗਾ ਅਤੇ ਫਿਰ 1 ਅਪ੍ਰੈਲ 2018 ਨੂੰ ਘੜੀਆਂ ਇਕ ਘੰਟਾ ਪਿਛੇ ਕਰ ਦਿੱਤੀਆਂ ਜਾਣਗੀਆਂ।

ਆਮ ਤੌਰ 'ਤੇ ਲੋਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਇਕ ਦਿਨ ਪਹਿਲਾਂ ਸ਼ਨੀਵਾਰ ਨੂੰ ਸੌਣ ਤੋਂ ਪਹਿਲਾਂ ਆਪਣੀਆਂ ਘੜੀਆਂ ਇਕ ਘੰਟਾ ਅੱਗੇ ਕਰ ਲੈਣ ਤਾਂ ਕਿ ਉਨ੍ਹਾਂ ਨੂੰ ਸਵੇਰੇ ਉਠਣ ਸਾਰ ਬਦਲਿਆ ਹੋਇਆ ਸਮਾਂ ਮਿਲ ਸਕੇ। ਬਦਲੇ ਹੋਏ ਸਮੇਂ ਅਨੁਸਾਰ ਜਦੋਂ ਇੰਡੀਆ ਦੁਪਹਿਰ ਦੇ 12 ਵੱਜਣਗੇ ਤਾਂ ਨਿਊਜ਼ੀਲੈਂਡ ਦੇ ਵਿਚ ਸ਼ਾਮ ਦੇ 7.30 ਹੋਇਆ ਕਰਨਗੇ।




[home] [1] 2  [prev.]1-5 of 6


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਦੋ ਮਹੀਨੇ ਬੀਤ ਜਾਣ 'ਤੇ ਵੀ ਉਤਰਾਖੰਡ ਸਰਕਾਰ ਤੇ ਜ਼ਿਲ੍ਹਾ ਪ੍ਰਸ਼ਸ਼ਾਨ ਦੇ ਹੱਥ ਖਾਲੀ
ਹੇਮਕੁੰਟ ਯਾਤਰਾ ਦੌਰਾਨ ਲਾਪਤਾ ਹੋਏ ਦੋ ਜੀਆਂ ਦੀ ਤਲਾਸ਼ ਲਈ ਅਮਰੀਕੀ ਪ੍ਰੀਵਾਰ ਨੇ ਲਾਈ ਐੱਫ.ਬੀ.ਆਈ. ਪਾਸ ਗੁਹਾਰ
15.09.17 - ਨਰਿੰਦਰ ਪਾਲ ਸਿੰਘ
ਹੇਮਕੁੰਟ ਯਾਤਰਾ ਦੌਰਾਨ ਲਾਪਤਾ ਹੋਏ ਦੋ ਜੀਆਂ ਦੀ ਤਲਾਸ਼ ਲਈ ਅਮਰੀਕੀ ਪ੍ਰੀਵਾਰ ਨੇ ਲਾਈ ਐੱਫ.ਬੀ.ਆਈ. ਪਾਸ ਗੁਹਾਰ



ਜੁਲਾਈ 2017 ਵਿੱਚ ਸ੍ਰੀ ਹੇਮਕੁੰਟ ਸਾਹਿਬ ਦੀ ਯਾਤਰਾ ਤੋਂ ਪਰਤ ਰਹੇ ਤੇ ਗਾਇਬ ਹੋ ਗਏ 8 ਸ਼ਰਧਾਲੂਆਂ ਵਿੱਚ ਦੋ ਜੀਅ ਭਾਰਤੀ ਮੂਲ ਦੇ ਸਿੱਖ ਸਨ ਜੋ ਇਸ ਵੇਲੇ ਅਮਰੀਕਾ ਵਿੱਚ ਨਿਵਾਸ ਰੱਖ ਰਹੇ ਸਨ। ਸ਼ਰਧਾਲੂਆਂ ਦੀ ਤਲਾਸ਼ ਹਿੱਤ ਉਤਰਾਖੰਡ ਸਰਕਾਰ ਵਲੋਂ ਕੀਤੇ ਗਏ ਯਤਨਾਂ ਤੋਂ ਹਤਾਸ਼ ਅਮਰੀਕੀ ਸ਼ਰਧਾਲੂਆਂ ਦੇ ਪਰਿਵਾਰ ਨੇ ਅਮਰੀਕੀ ਖੁਫੀਆ ਏਜੰਸੀ ਐੱਫ.ਬੀ.ਆਈ. ਪਾਸ ਗੁੰਮ ਹੋਏ ਜੀਆਂ ਦੀ ਭਾਲ ਲਈ ਪਹੁੰਚ ਕੀਤੀ ਹੈ। ਲਾਪਤਾ ਹਰਕੇਵਲ ਸਿੰਘ ਦੀ ਸੁਪਤਨੀ ਮਨਜੀਤ ਕੌਰ ਨੇ ਸੈਕਰਾਮੈਨਟੋ ਤੋਂ ਟੈਲੀਫੋਨ 'ਤੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਸ੍ਰੀ ਹੇਮਕੁੰਟ ਸਾਹਿਬ ਦੀ ਯਾਤਰਾ ਤੋਂ ਵਾਪਸੀ ਸਮੇਂ 6 ਜੁਲਾਈ 2017 ਨੂੰ ਅਮਰੀਕੀ ਨਾਗਰਿਕ ਹਰਕੇਵਲ ਸਿੰਘ ਅਤੇ ਪ੍ਰੇਮਜੀਤ ਸਿੰਘ ਉਨ੍ਹਾਂ 8 ਸ਼ਾਰਧਾਲੂਆਂ ਵਿੱਚ ਸ਼ਾਮਿਲ ਸਨ ਜੋ ਲਾਪਤਾ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਬਾਕੀ 6 ਸ਼ਰਧਾਲੂਆਂ ਵਿੱਚ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਕਸਬਾ ਮਹਿਤਾ ਦੇ ਵਸਨੀਕ ਕਿਰਪਾਲ ਸਿੰਘ, ਜਸਬੀਰ ਸਿੰਘ, ਕੁਲਬੀਰ ਸਿੰਘ, ਡਰਾਈਵਰ ਮਹਿੰਗਾ ਸਿੰਘ ਅਤੇ ਹਰਪਾਲ ਸਿੰਘ ਸ਼ਾਮਿਲ ਸਨ ਜਦੋਂ ਕਿ ਵਰਿੰਦਰ ਸਿੰਘ ਗੁਰਦਾਸਪੁਰ ਦੇ ਪਿੰਡ ਡੱਲਾ ਦਾ ਵਸਨੀਕ ਸੀ।

ਮਨਜੀਤ ਕੌਰ ਨੇ ਦੱਸਿਆ ਕਿ ਪ੍ਰੇਮਜੀਤ ਸਿੰਘ ਅਤੇ ਉਨ੍ਹਾਂ ਦੇ ਦਾਮਾਦ ਹਰਕੇਵਲ ਸਿੰਘ ਕੈਲੇਫੋਰਨੀਆ ਸਟੇਟ ਦੇ ਸੈਕਰਾਮੈਂਟੋ ਦੇ ਵਸਨੀਕ ਸਨ। ਉਨ੍ਹਾਂ ਦੱਸਿਆ ਕਿ ਉਤਰਾਖੰਡ ਪੁਲਿਸ ਅਤੇ ਪੰਜਾਬ ਤੋਂ ਪੁਜੀ ਇਕ ਟੀਮ ਨੇ ਦਾਅਵਾ ਕੀਤਾ ਸੀ ਕਿ ਇਹ ਸਾਰੇ ਲੋਕ ਇੱਕ ਹਾਦਸੇ (ਐਕਸੀਡੈਂਟ) ਵਿੱਚ ਮਾਰੇ ਗਏ ਸਨ। ਜਦੋਂ ਕਿ ਗੁਰਦੁਆਰਾ ਗੋਬਿੰਦ ਘਾਟ ਦੇ ਪ੍ਰਬੰਧਕ ਇਹ ਖਦਸ਼ਾ ਜਤਾ ਰਹੇ ਹਨ ਕਿ ਮੰਦ ਭਾਗੀ ਗੱਡੀ ਅਲਕਨੰਦਾ ਦਰਿਆ ਵਿੱਚ ਜਾ ਡਿੱਗੀ ਹੋਵੇਗੀ। ਲਾਪਤਾ ਹਰਕੇਵਲ ਸਿੰਘ ਦੀ ਸੁਪਤਨੀ ਮਨਜੀਤ ਕੌਰ ਨੇ ਕਿਹਾ ਹੈ ਕਿ ਗੁਰਦੁਆਰਾ ਗੋਬਿੰਦ ਘਾਟ ਦੇ ਪ੍ਰਬੰਧਕ ਜਾਂ ਕੋਈ ਹੋਰ ਜਾਂਚ ਏਜੰਸੀ ਤਸੱਲੀ ਬਖਸ਼ ਜਵਾਬ ਨਹੀ ਦੇ ਸਕੀ। ਜੇਕਰ ਉਨ੍ਹਾਂ ਪਾਸ ਕੋਈ ਛੋਟਾ ਮੋਟਾ ਸਬੂਤ ਹੈ ਤਾਂ ਉਹ ਵੀ ਸਿਰਫ ਕਿਸੇ ਐੱਸ.ਯੂ.ਵੀ, ਗੱਡੀ ਦਾ ਟਾਟਾ ਕੰਪਨੀ ਦਾ ਲੋਗੋ, ਦੋ ਬਾਰੀਆਂ ਦੇ ਵਾਈਜਰ, ਅਗਲੀ ਲਾਈਟ ਅਤੇ ਰਬੜ ਦੇ ਲੰਮੇ ਟੁਕੜੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਸਮਾਨ ਤਾਂ ਕਿਸੇ ਵੀ ਗੱਡੀ ਦਾ ਹੋ ਸਕਦੈ, ਜ਼ਰੂਰੀ ਨਹੀਂ ਉਸੇ ਗੱਡੀ ਦਾ ਹੋਵੇ ਜਿਸ ਵਿੱਚ ਇਹ ਲੋਕ ਸਫਰ ਕਰ ਰਹੇ ਸਨ। ਮਨਜੀਤ ਕੌਰ ਨੇ ਕਿਹਾ ਕਿ ਪਰਿਵਾਰ ਨੇ ਉਤਰਾਖੰਡ ਪ੍ਰਸ਼ਾਸ਼ਨ ਨੂੰ ਇਹ ਵੀ ਸਪਸ਼ਟ ਕਰ ਦਿੱਤਾ ਹੈ ਕਿ ਜੋ ਦਸਤਾਰ ਹਾਦਸੇ ਵਾਲੀ ਥਾਂ ਤੋਂ ਮਿਲੀ ਦੱਸੀ ਜਾ ਰਹੀ ਹੈ ਉਹ ਇਨ੍ਹਾਂ ਅੱਠ ਸ਼ਰਧਾਲੂਆਂ ਵਿਚੋਂ ਕਿਸੇ ਦੀ ਵੀ ਨਹੀਂ ਹੋ ਸਕਦੀ ਕਿਉਂਕਿ ਦਸਤਾਰ ਕਾਫੀ ਪੁਰਾਣੀ ਅਤੇ ਪਾਟੀ ਹੋਈ ਹੈ।

ਮਨਜੀਤ ਕੌਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਲਾਪਤਾ ਹੋਏ ਸ਼ਰਧਾਲੂਆਂ ਤੇ ਵਿਸ਼ੇਸ਼ ਕਰਕੇ ਦੋ ਅਮਰੀਕੀ ਵਸਨੀਕਾਂ ਦੀ ਖੋਜ ਨੂੰ ਲੈ ਕੇ ਵਾਰ-ਵਾਰ ਉਤਰਾਖੰਡ ਸਰਕਾਰ ਤੇ ਅੰਮ੍ਰਿਤਸਰ ਪ੍ਰਸ਼ਾਸ਼ਨ ਨਾਲ ਰਾਬਤਾ ਕਾਇਮ ਕੀਤਾ ਹੈ, ਪ੍ਰੰਤੂ ਕੋਈ ਤਸੱਲੀਬਖਸ਼ ਜਵਾਬ ਨਹੀਂ ਮਿਲਿਆ। ਉਹ ਉਤਰਾਖੰਡ ਸਰਕਾਰ ਪਾਸੋਂ ਘਟਨਾ ਸਥਾਨ ਦੇ ਨੇੜਲੇ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀ ਫੁਟੇਜ ਵੀ ਮੰਗ ਚੁੱਕੇ ਹਨ ਪ੍ਰੰਤੂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ।

ਉਧਰ ਭਾਰਤ ਸਥਿਤ ਅਮਰੀਕੀ ਦੂਤਘਰ ਨੇ ਬੀਬੀ ਮਨਜੀਤ ਕੌਰ ਨੂੰ ਲਿਖੇ ਪੱਤਰ ਵਿੱਚ ਐਨਾ ਹੀ ਕਿਹਾ ਹੈ ਕਿ ਅਲਕਨੰਦਾ ਦਰਿਆ ਵਿੱਚ ਪਾਣੀ ਦਾ ਵਹਾਅ ਤੇਜ ਹੋਣ ਕਾਰਨ ਉਤਰਾਖੰਡ ਪ੍ਰਸ਼ਾਸ਼ਨ ਸਿਰਫ ਦਰਿਆ ਦੇ ਕਿਨਾਰਿਆਂ ਦੀ ਹੀ ਤਲਾਸ਼ੀ ਲੈ ਸਕਿਆ ਹੈ। ਦੂਤਘਰ ਨੇ ਯਕੀਨ ਦਿਵਾਇਆ ਹੈ ਕਿ ਪਾਣੀ ਦਾ ਵਹਾਅ ਘਟਦਿਆਂ ਹੀ ਹੋਈ ਤਲਾਸ਼ ਬਾਰੇ ਪਰਿਵਾਰ ਨੂੰ ਦੁਬਾਰਾ ਜਾਣਕਾਰੀ ਭੇਜੀ ਜਾਵੇਗੀ। ਮਨਜੀਤ ਕੌਰ ਨੇ ਦੱਸਿਆ ਕਿ ਉਪਰੋਕਤ ਹਾਲਾਤਾਂ ਦੇ ਮੱਦੇਨਜ਼ਰ ਉਨ੍ਹਾਂ ਨੇ ਅਮਰੀਕੀ ਖੁਫੀਆ ਏਜੰਸੀ ਐੱਫ.ਬੀ.ਆਈ. ਪਾਸ ਗੁੰਮ ਹੋਏ ਜੀਆਂ ਦੀ ਭਾਲ ਲਈ ਪਹੁੰਚ ਕੀਤੀ ਹੈ।




[home] [1] 2  [prev.]1-5 of 6


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਵੇਖੋ ਵੀਡੀਓ
ਮੀਟ ਦੀ ਐੱਡ ਵਿੱਚ ਭਗਵਾਨ ਗਣੇਸ਼ ਨੂੰ ਵਿਖਾਉਣ ਨਾਲ ਖੜ੍ਹਾ ਹੋਇਆ ਵਿਵਾਦ
06.09.17 - ਪੀ ਟੀ ਟੀਮ
ਮੀਟ ਦੀ ਐੱਡ ਵਿੱਚ ਭਗਵਾਨ ਗਣੇਸ਼ ਨੂੰ ਵਿਖਾਉਣ ਨਾਲ ਖੜ੍ਹਾ ਹੋਇਆ ਵਿਵਾਦ



ਆਸਟ੍ਰੇਲੀਆ ਵਿੱਚ ਇੱਕ ਕੰਪਨੀ ਨੇ ਇੱਕ ਇਸ਼ਤਿਹਾਰ ਦੇ ਜ਼ਰੀਏ ਮੇਮਣੇ ਦੇ ਮਾਸ ਨੂੰ ਪ੍ਰਮੋਟ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਇਸ ਇਸ਼ਤਿਹਾਰ ਵਿੱਚ ਭਗਵਾਨ ਗਣੇਸ਼ ਨੂੰ ਵੀ ਵਿਖਾਇਆ ਗਿਆ ਹੈ। ਇਸ਼ਤਿਹਾਰ ਦੇ ਜਾਰੀ ਹੋਣ ਦੇ ਬਾਅਦ ਹਿੰਦੂ ਸਮਾਜ ਕਾਫ਼ੀ ਨਰਾਜ਼ ਹੈ ਅਤੇ ਇਸ ਉੱਤੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਉਨ੍ਹਾਂ ਨੇ ਇਸ ਇਸ਼ਤਿਹਾਰ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ ਹੈ। ਇਸ ਵੀਡੀਓ ਵਿੱਚ ਗਣੇਸ਼ ਦੇ ਇਲਾਵਾ ਯੀਸ਼ੂ (ਜੀਸਸ), ਬੁੱਧ, ਥਾਰ, ਜਿਊਸ ਨੂੰ ਖਾਣੇ ਦੀ ਇੱਕ ਮੇਜ ਦੇ ਚਾਰੇ ਪਾਸੇ ਬੈਠ ਕੇ ਮੇਮਣੇ ਦਾ ਮਾਸ ਖਾਂਦੇ ਹੋਏ ਅਤੇ ਆਪਣੇ ਲਈ ਨਵੀਂ ਮਾਰਕੇਟਿੰਗ ਨੀਤੀ ਉੱਤੇ ਵਿਚਾਰ ਕਰਦੇ ਹੋਏ ਵਿਖਾਇਆ ਗਿਆ ਹੈ।

'ਮੀਟ ਐਂਡ ਲਿਵਸਟਾਕ ਆਸਟ੍ਰੇਲੀਆ' (ਐੱਮ.ਐੱਲ.ਏ.) ਨਾਮ ਦੀ ਇਸ ਕੰਪਨੀ ਦੀ ਵੈੱਬਸਾਈਟ ਉੱਤੇ ਕੰਪਨੀ ਨੇ ਆਪਣੇ ਆਪ ਨੂੰ ਆਸਟ੍ਰੇਲੀਆਈ ਸਰਕਾਰ ਦੀ ਸਹਿਯੋਗੀ ਕੰਪਨੀ ਦੱਸਿਆ ਹੈ। ਇਸ ਇਸ਼ਤਿਹਾਰ ਨੂੰ ਸੋਮਵਾਰ ਨੂੰ ਜਾਰੀ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਆਸਟ੍ਰੇਲੀਆ ਵਿੱਚ ਇਸ ਤਰ੍ਹਾਂ ਦੇ ਐੱਡ ਕੰਟੈਂਟ ਉੱਤੇ ਨਜ਼ਰ ਰੱਖਣ ਵਾਲੀ ਏਜੰਸੀ 'ਆਸਟ੍ਰੇਲੀਅਨ ਸਟੈਂਡਰਡਸ ਬਿਊਰੋ' ਇਸ ਦੀ ਜਾਂਚ ਕਰ ਰਹੀ ਹੈ। ਐੱਡ ਦੀ ਟੈਗ ਲਾਈਨ 'ਦ ਮੀਟ- ਵੀ ਕੈਨ ਆਲ ਈਟ' ਯਾਨੀ 'ਉਹ ਮੀਟ ਜਿਸ ਨੂੰ ਅਸੀਂ ਸਾਰੇ ਖਾ ਸਕਦੇ ਹਾਂ' ਵੀ ਵਿਵਾਦਿਤ ਹੈ।

'ਇੰਡੀਅਨ ਸੋਸਾਇਟੀ ਆਫ ਵੈਸਟਰਨ ਆਸਟ੍ਰੇਲੀਆ' ਦੇ ਬੁਲਾਰੇ ਨਿਤਿਨ ਵਸ਼ਿਸ਼ਠ ਨੇ ਇਸ਼ਤਿਹਾਰ ਨੂੰ ਅਸੰਵੇਦਨਸ਼ੀਲ ਕਰਾਰ ਦਿੰਦੇ ਹੋਏ ਕਿਹਾ, 'ਹਿੰਦੂ ਸਮਾਜ ਦੇ ਲਿਹਾਜ਼ ਨਾਲ ਉਹ ਬਹੁਤ ਅਸੰਵੇਦਨਸ਼ੀਲ ਹੈ।'

ਐੱਮ.ਐੱਲ.ਏ. ਗਰੁੱਪ ਦੇ ਮਾਰਕੇਟਿੰਗ ਮੈਨੇਜਰ ਐਂਡਰਿਊ ਹੋਵੀ ਨੇ ਕਿਹਾ ਕਿ "'ਯੂ ਨੈਵਰ ਲੈਂਬ ਅਲੋਨ' ਦੇ ਬੈਨਰ ਤਲੇ ਇਹ ਅਭਿਆਨ ਚੱਲ ਰਿਹਾ ਹੈ। ਇਸ ਵਿੱਚ ਦੱਸਿਆ ਗਿਆ ਹੈ ਕਿ ਤੁਸੀਂ ਕਿਸੇ ਵੀ ਧਰਮ ਨੂੰ ਮੰਨਣ ਵਾਲੇ ਹੋਵੋ, ਚਾਹੇ ਜੋ ਵੀ ਤੁਹਾਡੀ ਪਿੱਠਭੂਮੀ ਹੋਵੇ, ਲੇਕਿਨ ਇਸ ਮੀਟ ਲਈ ਸਭ ਇੱਕ ਹੋ ਜਾਂਦੇ ਹਨ। ਮੇਮਣੇ ਦਾ ਮਾਸ ਕਈ ਦਹਾਕਿਆਂ ਤੋਂ ਲੋਕਾਂ ਨੂੰ ਜੋੜਦਾ ਰਿਹਾ ਹੈ ਅਤੇ ਇਹ ਮਾਡਰਨ ਬਾਰਬੇਕਿਊ ਹੈ। ਸਾਡੀ ਮਾਰਕੇਟਿੰਗ ਦਾ ਟਾਰਗੇਟ ਵੱਖ-ਵੱਖ ਧਰਮਾਂ ਤੱਕ ਇਸ ਨੂੰ ਪਹੁੰਚਾਉਣਾ ਹੈ।"

ਇਸ ਇਸ਼ਤਿਹਾਰ ਨੂੰ ਲੈ ਕੇ ਲੋਕਾਂ ਦੀ ਤਿੱਖੀ ਪ੍ਰਤੀਕਿਰਿਆ ਸੋਸ਼ਲ ਮੀਡੀਆ ਉੱਤੇ ਦੇਖਣ ਨੂੰ ਮਿਲ ਰਹੀ ਹੈ।

ਵੇਖੋ ਵੀਡੀਓ:




[home] [1] 2  [prev.]1-5 of 6


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 







MOST VISITED
YOU MAY LIKE

TOPIC CLOUD

TAGS CLOUD

ARCHIVE




Copyright © 2016-2017










NEWS LETTER