ਵਿਦੇਸ਼

Monthly Archives: AUGUST 2016


ਇੱਥੇ ਸੱਚ ਵਿੱਚ ਦਰੱਖਤ ਉੱਤੇ ਲੱਗਦੇ ਹਨ ਪੈਸੇ
29.08.16 - ਪੀ ਟੀ ਟੀਮ
ਇੱਥੇ ਸੱਚ ਵਿੱਚ ਦਰੱਖਤ ਉੱਤੇ ਲੱਗਦੇ ਹਨ ਪੈਸੇ



ਤੁਸੀਂ ਕਈ ਲੋਕਾਂ ਨੂੰ ਕਹਿੰਦੇ ਸੁਣਿਆ ਹੋਵੇਗਾ - ਪੈਸੇ ਦਰੱਖਤ ਉੱਤੇ ਨਹੀਂ ਲੱਗਦੇ। ਤੁਸੀਂ ਜਾਣ ਕੇ ਹੈਰਾਨ ਰਹਿ ਜਾਓਗੇ ਕਿ ਪੈਸੇ ਦਰੱਖਤ ਉੱਤੇ ਵੀ ਲੱਗ ਸਕਦੇ ਹਨ। ਇੱਕ ਦਰੱਖਤ ਅਜਿਹਾ ਹੈ ਜਿਸ ਉੱਤੇ ਇੱਕ ਦੇਸ਼ ਦੇ ਨਹੀਂ ਸਗੋਂ ਦੂਜੇ ਕਈ ਦੇਸ਼ਾਂ ਦੇ ਪੈਸੇ ਵੀ ਲੱਗੇ ਹੋਏ ਹਨ। ਤੁਸੀਂ ਤਸਵੀਰਾਂ ਵਿੱਚ ਇਹ ਸਾਫ਼ ਤੌਰ 'ਤੇ ਵੇਖ ਸਕਦੇ ਹੋ।
ਹੁਣ ਜੇਕਰ ਤੁਸੀਂ ਸੋਚ ਰਹੇ ਹੋ ਕਿ ਇਸ ਦਰੱਖਤ ਤੋਂ ਤੁਸੀਂ ਪੈਸੇ ਤੋੜ ਲਵੋਗੇ ਤਾਂ ਅਸੀਂ ਤੁਹਾਨੂੰ ਦੱਸ ਦਈਏ ਕਿ ਅਜਿਹਾ ਨਹੀਂ ਹੋ ਸਕਦਾ, ਕਿਉਂਕਿ ਇਹ ਦਰੱਖਤ ਵਿਦੇਸ਼ੀ ਜ਼ਮੀਨ ਉੱਤੇ ਹੈ ਅਤੇ ਇਸਦਾ ਕੋਈ ਹੋਰ ਵੰਸ਼ਜ ਨਹੀਂ ਹੈ। ਇਹ ਆਪਣੇ ਖ਼ਾਨਦਾਨ ਦਾ ਆਖਰੀ ਚਿਰਾਗ ਹੈ।

ਇਹ ਅਨੋਖਾ ਦਰੱਖਤ ਯੂ.ਕੇ. ਵਿੱਚ ਸਕਾਟਿਸ਼ ਹਾਈਲੈਂਡ ਦੇ ਪੀਕ ਡਿਸਟ੍ਰਿਕਟ ਫਾਰੇਸਟ ਵਿੱਚ ਸਥਿਤ ਹੈ। ਪੈਸਿਆਂ ਨਾਲ ਲੱਦਿਆ ਇਹ ਦਰੱਖਤ 1700 ਸਾਲਾਂ ਤੋਂ  ਬ੍ਰਿਟਿਸ਼ ਸਿੱਕਿਆਂ ਨਾਲ ਜੜਿਆ ਹੋਇਆ ਹੈ। ਇਸ ਦਰੱਖਤ ਦੇ ਤਣੇ ਵਿੱਚ ਅਜਿਹੀ ਕੋਈ ਵੀ ਜਗ੍ਹਾ ਨਹੀਂ ਹੈ ਜਿੱਥੇ ਬ੍ਰਿਟਿਸ਼ ਸਿੱਕਾ ਨਹੀਂ ਲੱਗਿਆ ਹੋਵੇ। ਇਹ ਦਰੱਖਤ ਦੇਖਣ ਵਿੱਚ ਅਨੌਖਾ ਪ੍ਰਤੀਤ ਹੁੰਦਾ ਹੈ।

ਇਸ ਦਰੱਖਤ ਨੂੰ ਲੈ ਕੇ ਕਈ ਕਹਾਣੀਆਂ ਪ੍ਰਚੱਲਤ ਹਨ। ਕੋਈ ਕਹਿੰਦਾ ਹੈ ਕਿ ਇਸ ਦਰੱਖਤ ਉੱਤੇ ਭੂਤਾਂ ਦਾ ਵਾਸ ਹੈ, ਤਾਂ ਕੋਈ ਕਹਿੰਦਾ ਹੈ ਕਿ ਇੱਥੇ ਰੱਬ ਦੀ ਰਿਹਾਇਸ਼ ਹੈ। ਕ੍ਰਿਸਮਸ ਉੱਤੇ ਲੋਕ ਇੱਥੇ ਤੋਹਫੇ ਅਤੇ ਸਿੱਕੇ ਲੈ ਕੇ ਜਾਂਦੇ ਹਨ। ਮਾਨਤਾ ਹੈ ਕਿ ਅਜਿਹਾ ਕਰਨ ਨਾਲ ਇਨਸਾਨ ਆਪਣੇ ਜੀਵਨ ਵਿੱਚ ਹੋਰ ਤਰੱਕੀ ਕਰਦਾ ਹੈ। 

ਇਸ ਦਰੱਖਤ ਉੱਤੇ ਸਿੱਕੇ ਲਗਾਉਣ ਲਈ ਲੋਕ ਦੂਰੋਂ-ਦੂਰੋਂ ਆਉਂਦੇ ਹਨ। ਕਈ ਲੋਕ ਤਾਂ ਵਿਦੇਸ਼ ਤੋਂ ਵੀ ਇੱਥੇ ਆਉਂਦੇ ਹਨ। ਇਹੀ ਵਜ੍ਹਾ ਹੈ ਕਿ ਇਸ ਦਰੱਖਤ ਉੱਤੇ ਵੱਖ-ਵੱਖ ਕਰੰਸੀ ਦੇ ਸਿੱਕੇ ਲੱਗੇ ਹੋਏ ਹਨ। ਇਸ ਦਰੱਖਤ ਨਾਲ ਜੁੜੀ ਇੱਕ ਹੋਰ ਮਾਨਤਾ ਇਹ ਹੈ ਕਿ ਇੱਥੇ ਸਿੱਕਾ ਲਗਾਉਣ ਨਾਲ ਰਿਸ਼ਤਾ ਸਾਲੋਂ-ਸਾਲ ਬਣਿਆ ਰਹਿੰਦਾ ਹੈ ਅਤੇ ਰਿਸ਼ਤੇ ਵਿੱਚ ਮਧੁਰਤਾ ਬਣੀ ਰਹਿੰਦੀ ਹੈ।




[home] [1] 2 3 4  [prev.]1-5 of 17


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਗਜਬ! ਇਸ ਪਿੰਡ ਵਿੱਚ ਆਉਂਦੇ ਹੀ ਲੰਬੇ ਸਮੇਂ ਲਈ ਡੂੰਘੀ ਨੀਂਦ ਸੌਂ ਜਾਂਦੇ ਹਨ ਲੋਕ
29.08.16 - ਪੀ ਟੀ ਟੀਮ
ਗਜਬ! ਇਸ ਪਿੰਡ ਵਿੱਚ ਆਉਂਦੇ ਹੀ ਲੰਬੇ ਸਮੇਂ ਲਈ ਡੂੰਘੀ ਨੀਂਦ ਸੌਂ ਜਾਂਦੇ ਹਨ ਲੋਕ



ਕੀ ਤੁਸੀਂ ਕਦੇ ਅਜਿਹਾ ਸੁਣਿਆ ਹੈ ਕਿ ਕਿਸੇ ਜਗ੍ਹਾ ਪੁੱਜਦੇ ਹੀ ਲੋਕ ਅਚਾਨਕ ਸੌਂ ਜਾਂਦੇ ਹੋਣ। ਅਜਿਹੀ ਇੱਕ ਜਗ੍ਹਾ ਹੈ।
 
ਕਜ਼ਾਕਿਸਤਾਨ ਵਿੱਚ ਕਚਾਲੀ ਨਾਮ ਦਾ ਇੱਕ ਅਜਿਹਾ ਪਿੰਡ ਹੈ ਜਿੱਥੇ ਕਦਮ ਰੱਖਦੇ ਹੀ ਅਚਾਨਕ ਨੀਂਦ ਆਉਣ ਲੱਗਦੀ ਹੈ। ਇਹ ਨੀਂਦ ਕੁੱਝ ਦਿਨਾਂ ਦੀ, ਕੁੱਝ ਮਹੀਨਿਆਂ ਦੀ ਜਾਂ ਫਿਰ ਕੁੱਝ ਸਾਲ ਲੰਮੀ ਵੀ ਹੋ ਸਕਦੀ ਹੈ। ਇਸ ਪਿੰਡ ਵਿੱਚ ਪਿਛਲੇ ਛੇ ਸਾਲ ਤੋਂ ਇਹ ਰਹੱਸਮਈ ਘਟਨਾ ਹੋ ਰਹੀ ਹੋ।

ਪਹਿਲੀ ਵਾਰ ਇਹ ਸਿਲਸਿਲਾ 2010 ਵਿੱਚ ਸ਼ੁਰੂ ਹੋਇਆ, ਜਦੋਂ ਇਸ ਪਿੰਡ ਦੇ ਲੋਕ ਅਚਾਨਕ ਹੀ ਡੂੰਘੀ ਨੀਂਦ ਵਿੱਚ ਸੌਣ ਲੱਗੇ। ਲੋਕਾਂ ਨੂੰ ਕਿਤੇ ਵੀ, ਕਦੇ ਵੀ ਨੀਂਦ ਆਉਣ ਲੱਗੀ। ਉੱਥੇ ਅੱਜ ਵੀ ਇਹ ਰਹੱਸਮਈ ਨੀਂਦ ਕਾਇਮ ਹੈ। ਇਹ ਨੀਂਦ ਕੁੱਝ ਦਿਨਾਂ ਤੋਂ ਲੈ ਕੇ ਕੁੱਝ ਮਹੀਨਿਆਂ ਤੱਕ ਚੱਲਦੀ ਹੈ। ਇਹ ਰਹੱਸ ਇੰਨਾ ਉਲਝਿਆ ਕਿ ਕਜ਼ਾਕਿਸਤਾਨ ਦੀ ਸਰਕਾਰ ਨੇ ਲੋਕਾਂ ਨੂੰ ਪਿੰਡ ਛੱਡਣ ਦੀ ਅਪੀਲ ਕੀਤੀ ਹੈ।

ਇੱਥੇ ਨੀਂਦ ਕਿਉਂ ਆਉਂਦੀ ਹੈ, ਇਸਦੀ ਵਜ੍ਹਾ ਲੱਭਣ ਦੀਆਂ ਕਈ ਕੋਸ਼ਿਸ਼ਾਂ ਕੀਤੀਆਂ ਜਾ ਚੁੱਕੀਆਂ ਹਨ, ਪਰ ਵਜ੍ਹਾ ਨਹੀਂ ਮਿਲ ਸਕੀ ਹੈ। ਇਸ ਪਿੰਡ ਦੀ ਆਬਾਦੀ 810 ਹੈ, ਜਿਸ ਵਿਚੋਂ 200 ਤੋਂ ਜ਼ਿਆਦਾ ਲੋਕ ਇਸ ਰਹੱਸਮਈ ਨੀਂਦ ਦਾ ਸ਼ਿਕਾਰ ਹਨ ਅਤੇ ਹਰ ਦਿਨ ਇਹ ਗਿਣਤੀ ਵੱਧਦੀ ਜਾ ਰਹੀ ਹੈ ਪਰ ਸਭ ਤੋਂ ਜ਼ਿਆਦਾ ਅਸਰ ਇਸ ਪਿੰਡ ਦੇ ਬੱਚਿਆਂ ਉੱਤੇ ਹੈ।

ਕੁੱਝ ਵਕਤ ਪਹਿਲਾਂ ਕਈ ਵਿਗਿਆਨੀਆਂ ਨੇ ਇਸ ਰਹੱਸ ਨੂੰ ਸੁਲਝਾਣ ਦਾ ਦਾਅਵਾ ਕੀਤਾ ਅਤੇ ਇਸ ਰਹੱਸਮਈ ਨੀਂਦ ਦੀ ਵਜ੍ਹਾ ਮੰਨਿਆ ਗਿਆ ਇਸ ਪਿੰਡ ਦੀ ਬਣਾਵਟ ਅਤੇ ਮੌਸਮ ਨੂੰ। ਅਜਿਹਾ ਕਿਹਾ ਗਿਆ ਕਿ ਇੱਥੋਂ ਨਿਕਲਣ ਵਾਲਾ ਧੂੰਆਂ ਉੱਤੇ ਜਾਣ ਦੇ ਬਜਾਏ ਹੇਠਾਂ ਹੀ ਰਹਿ ਜਾਂਦਾ ਹੈ ਅਤੇ ਇਹ ਨੀਂਦ ਉਸੀ ਧੂੰਏ ਦਾ ਅਸਰ ਹੈ, ਪਰ ਸਵਾਲ ਇਹ ਸੀ ਕਿ ਜੇਕਰ ਸੱਚ ਵਿੱਚ ਅਜਿਹਾ ਹੈ ਤਾਂ ਇਸ ਰਹੱਸਮਈ ਨੀਂਦ ਦਾ ਸ਼ਿਕਾਰ ਸਿਰਫ ਇਨਸਾਨ ਹੀ ਕਿਉਂ ਹੋਏ, ਜਾਨਵਰ ਕਿਉਂ ਨਹੀਂ।

ਪਿਛਲੇ ਸਾਲ ਵਿਗਿਆਨੀਆਂ ਨੇ ਇੱਥੇ ਫਿਰ ਤੋਂ ਜਾਂਚ ਕੀਤੀ ਤਾਂ ਪਾਇਆ ਕਿ ਇੱਥੇ ਕਾਰਬਨ ਮੋਨੋ ਆਕਸਾਈਡ ਗੈਸ ਦੀ ਮਾਤਰਾ ਆਮ ਨਾਲੋਂ 10 ਗੁਣਾ ਜ਼ਿਆਦਾ ਹੈ ਅਤੇ ਸ਼ਾਇਦ ਇਹੀ ਗੈਸ ਪਿੰਡ ਦੀ ਕੁੰਭਕਰਣੀ ਨੀਂਦ ਦੀ ਵਜ੍ਹਾ ਵੀ ਹੈ। ਕਾਰਬਨ ਮੋਨੋ ਆਕਸਾਈਡ ਗੈਸ ਯੂਰੇਨੀਅਮ ਖਾਣਾਂ ਤੋਂ ਨਿਕਲਦੀ ਹੈ, ਜੋ ਇੱਥੋਂ ਕਾਫ਼ੀ ਕਰੀਬ ਹਨ। ਪਰ ਇਹ ਥਿਊਰੀ ਵੀ ਇਸ ਦਲੀਲ ਉੱਤੇ ਆ ਕੇ ਫਸ ਗਈ ਕਿ ਇਸ ਗੈਸ ਦਾ ਅਸਰ ਸਿਰਫ ਇਨਸਾਨਾਂ ਉੱਤੇ ਹੀ ਕਿਉਂ ਹੋਇਆ। ਛੇ ਸਾਲ ਬਾਅਦ ਵੀ ਕਚਾਲੀ ਪਿੰਡ ਦਾ ਰਹੱਸ, ਸੱਚ ਤੋਂ ਕਈ ਕਦਮਾਂ ਦੇ ਫ਼ਾਸਲੇ ਉੱਤੇ ਹੈ।




[home] [1] 2 3 4  [prev.]1-5 of 17


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



670 ਕਰੋੜ ਦਾ ਮੋਤੀ 10 ਸਾਲ ਪਲੰਗ ਦੇ ਹੇਠਾਂ ਰੱਖ ਕੇ ਸੌਂਦਾ ਰਿਹਾ ਮਛੇਰਾ
24.08.16 - ਪੀ ਟੀ ਟੀਮ
670 ਕਰੋੜ ਦਾ ਮੋਤੀ 10 ਸਾਲ ਪਲੰਗ ਦੇ ਹੇਠਾਂ ਰੱਖ ਕੇ ਸੌਂਦਾ ਰਿਹਾ ਮਛੇਰਾ



670 ਕਰੋੜ ਦੇ ਮੋਤੀ ਦਾ ਮਾਲਿਕ ਜੇ ਘੋਰ ਗਰੀਬੀ ਦੀ ਮਾਰ ਝੱਲਦਾ ਰਹੇ ਤਾਂ ਇਹ ਉਸ ਦੀ ਮਾੜੀ ਕਿਸਮਤ ਹੀ ਕਹੀ ਜਾ ਸਕਦੀ ਹੈ।
 
ਦੱਖਣ ਪੂਰਬੀ ਏਸ਼ੀਆ ਦੇ ਦੇਸ਼ ਫਿਲੀਪੀਂਸ ਵਿੱਚ ਗਰੀਬੀ ਨਾਲ ਲੜਦੇ ਇੱਕ ਮਛੇਰੇ ਨੂੰ ਕਰੀਬ ਦਸ ਸਾਲ ਪਹਿਲਾਂ ਮੱਛੀ ਫੜਦੇ ਸਮੇਂ ਕਰੀਬ 34 ਕਿਲੋਗ੍ਰਾਮ ਦਾ ਕਰੋੜਾਂ ਦੀ ਕੀਮਤ ਦਾ ਮੋਤੀ ਤਾਂ ਮਿਲਿਆ ਪਰ ਮਛੇਰੇ ਦੀ ਗਰੀਬੀ ਦੂਰ ਨਹੀਂ ਕਰ ਸਕਿਆ। ਕਾਰਣ ਇਹ ਸੀ ਕਿ ਮਛੇਰਾ ਜਾਣਦਾ ਹੀ ਨਹੀਂ ਸੀ ਕਿ ਇਹ ਮੋਤੀ ਕਿੰਨਾ ਅਨਮੋਲ ਹੈ। ਉਹ ਤਾਂ ਕਰੀਬ ਦਸ ਸਾਲ ਤੱਕ ਇਸਨੂੰ ਆਪਣਾ ਗੁਡਲਕ ਚਾਰਮ ਸਮਝ ਕੇ ਪਲੰਗ ਦੇ ਹੇਠਾਂ ਰੱਖ ਕੇ ਸੌਂਦਾ ਰਿਹਾ।

ਮਛੇਰੇ ਦੇ ਲੱਕੜੀ ਦੇ ਘਰ ਵਿੱਚ ਅੱਗ ਲੱਗਣ ਤੋਂ ਬਾਅਦ ਉਸ ਨੇ ਇਹ ਮੋਤੀ ਨੂੰ ਜਦੋਂ ਇੱਕ ਸੈਰ ਸਪਾਟਾ ਅਧਿਕਾਰੀ ਨੂੰ ਦਿੱਤਾ ਤਾਂ ਉਹ ਵੀ ਹੈਰਾਨ ਰਹਿ ਗਿਆ। ਉਸ ਨੂੰ ਪਤਾ ਲੱਗਿਆ ਕਿ ਇਹ ਦੁਨੀਆ ਦਾ ਸਭ ਤੋਂ ਵੱਡਾ ਮੋਤੀ ਹੈ।

ਇਹ ਮੋਤੀ ਪਿਛਲੇ ਰਿਕਾਰਡ ਨਾਲੋਂ ਕਰੀਬ ਪੰਜ ਗੁਣਾ ਵੱਡਾ ਹੈ। ਇਸ ਮੋਤੀ ਦੀ ਕੀਮਤ 100 ਮਿਲੀਅਨ ਡਾਲਰ ਯਾਨੀ ਲੱਗਭੱਗ 670 ਕਰੋੜ ਰੁਪਏ ਆਂਕੀ ਗਈ ਹੈ। ਮਛੇਰੇ ਨੂੰ ਆਪ ਇਹ ਗੱਲ ਜਾਣ ਕੇ ਹੈਰਾਨੀ ਹੋਈ ਕਿ ਉਸਨੇ ਇਹ ਪਿਛਲੇ ਦਸ ਸਾਲ ਤੋਂ ਆਪਣੇ ਘਰ ਵਿੱਚ ਰੱਖਿਆ ਹੋਇਆ ਸੀ। ਮਛੇਰੇ ਨੇ ਦੱਸਿਆ ਕਿ ਦਸ ਸਾਲ ਪਹਿਲਾਂ ਪਾਲਾਵਾਨ ਟਾਪੂ ਸਥਿਤ ਸਮੁੰਦਰ ਦੇ ਫਿਲੀਪੀਂਸ ਤੱਟ ਉੱਤੇ ਇਹ ਮੋਤੀ ਮਿਲਿਆ ਸੀ।

ਮੋਤੀ ਨੂੰ ਹੁਣ ਜੇਮੋਲਾਜੀ ਇੰਸਟੀਚਿਊਟ ਵਿੱਚ ਮੁਲਾਂਕਣ ਕਰਨ ਲਈ ਭੇਜਿਆ ਜਾਵੇਗਾ। ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਕੁਦਰਤੀ (ਨੈਚੁਰਲ) ਮੋਤੀ ਹੈ। ਇਸਨੂੰ ਫਿਲੀਪੀਂਸ ਵਿੱਚ ਹੀ ਰੱਖਿਆ ਜਾਵੇਗਾ। ਫਿਲੀਪੀਂਸ ਦੇ ਅਧਿਕਾਰੀ ਉਮੀਦ ਕਰ ਰਹੇ ਹਨ ਕਿ ਇਸ ਮੋਤੀ ਨੂੰ ਆਪਣੇ ਕੋਲ ਰੱਖਣ ਨਾਲ ਜ਼ਿਆਦਾ ਟੂਰਿਸਟ ਇਸਨੂੰ ਦੇਖਣ ਲਈ ਇੱਥੇ ਆਣਗੇ।

ਇਸ ਅਨਮੋਲ ਮੋਤੀ 2.2 ਫੀਟ ਲੰਮਾ ਅਤੇ 1 ਫੀਟ ਚੋੜਾ ਹੈ ਅਤੇ ਇਸ ਦਾ ਭਾਰ 34 ਕਿਲੋਗ੍ਰਾਮ ਹੈ। ਹੁਣ ਤੱਕ ਦੁਨੀਆ ਦਾ ਸਭ ਤੋਂ ਵੱਡਾ ਮੋਤੀ ਪਰਲ ਆਫ ਅੱਲ੍ਹਾ ਸੀ, ਜਿਸ ਦਾ ਭਾਰ 6.4 ਕਿਲੋਗ੍ਰਾਮ ਹੈ ਅਤੇ ਕੀਮਤ 260 ਕਰੋੜ ਰੁਪਏ ਹੈ।

ਮਛੇਰੇ ਨੇ ਦੱਸਿਆ ਕਿ ਸਾਲ 2006 ਵਿੱਚ ਉਹ ਆਪਣੀ ਕਿਸ਼ਤੀ ਵਿੱਚ ਸਫਰ ਕਰ ਰਿਹਾ ਸੀ। ਉਸ ਨੇ ਜਦੋਂ ਆਪਣਾ ਮੱਛੀ ਫੜ੍ਹਨ ਵਾਲਾ ਜਾਲ ਸਮੁੰਦਰ ਵਿੱਚ ਸੁੱਟਿਆ ਤਾਂ ਉਹ ਇੱਕ ਚੱਟਾਨ ਉੱਤੇ ਜਾ ਕੇ ਫਸ ਗਿਆ। ਜਦੋਂ ਉਸ ਨੇ ਤੇਜੀ ਨਾਲ ਆਪਣਾ ਜਾਲ ਖਿੱਚਿਆ ਤਾਂ ਉਸਨੂੰ ਇਹ ਅਲੌਕਿਕ ਸੀਪ ਆਪਣੀ ਵੱਲ ਆਉਂਦੀ ਵਿਖਾਈ ਦਿੱਤੀ। ਇਸ ਚਮਕਦਾਰ ਮੋਤੀ ਨੂੰ ਆਪਣੇ ਨਾਲ ਘਰ ਲੈ ਆਇਆ।

ਆਮ ਤੌਰ ਉੱਤੇ ਕਿਸੇ ਵੀ ਮੋਤੀ ਦਾ ਆਕਾਰ 1 ਸੈਂਟੀਮੀਟਰ ਤੋਂ 3 ਸੈਂਟੀਮੀਟਰ ਤੱਕ ਦਾ ਹੁੰਦਾ ਹੈ, ਪਰ ਇਹ ਮੋਤੀ 26 ਇੰਚ ਲੰਮਾ ਅਤੇ 12 ਇੰਚ ਚੋੜਾ ਹੈ।




[home] [1] 2 3 4  [prev.]1-5 of 17


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਮਾਲੀ ਦੀ ਨੌਕਰੀ ਲਈ ਤਨਖਾਹ 14 ਲੱਖ ਰੁਪਏ, ਅਰਜ਼ੀ ਦੀ ਅੰਤਿਮ ਮਿਤੀ 9 ਸਤੰਬਰ
23.08.16 - ਪੀ ਟੀ ਟੀਮ
ਮਾਲੀ ਦੀ ਨੌਕਰੀ ਲਈ ਤਨਖਾਹ 14 ਲੱਖ ਰੁਪਏ, ਅਰਜ਼ੀ ਦੀ ਅੰਤਿਮ ਮਿਤੀ 9 ਸਤੰਬਰ



ਕਦੀ ਸੋਚਿਆ ਹੈ ਕਿ ਮਾਲੀ ਦੀ ਤਨਖਾਹ 14 ਲੱਖ ਰੁਪਏ ਸਲਾਨਾ ਹੋ ਸਕਦੀ ਹੈ? ਨਾਲ ਮਿਲੇ ਰਹਿਣ ਦੀ ਥਾਂ ਅਤੇ ਰਿਟਾਇਰ ਹੋਣ ਤੋਂ ਬਾਅਦ ਪੈਨਸ਼ਨ ਵੀ।
 
ਇਹ ਕੋਈ ਮਜ਼ਾਕ ਨਹੀਂ, ਸੱਚ ਹੈ। ਇੱਕ ਵੈੱਬਸਾਈਟ ਰਾਹੀਂ ਇਸ ਨੌਕਰੀ ਲਈ ਇਸ਼ਤਿਹਾਰ ਕੱਢਿਆ ਗਿਆ ਹੈ ਅਤੇ 9 ਸਤੰਬਰ ਅਰਜ਼ੀ ਭੇਜਣ ਦੀ ਆਖਰੀ ਤਰੀਕ ਹੈ। ਜੇਕਰ ਤੁਸੀਂ ਇਸ ਨੌਕਰੀ ਦੀ ਸ਼ਰਤਾਂ ਮੁਤਾਬਕ ਯੋਗ ਹੋ ਤਾਂ ਬਿਨ੍ਹਾਂ ਸਮਾਂ ਗਵਾਏ ਤੁਰੰਤ ਅਰਜ਼ੀ ਭੇਜੋ।

ਬ੍ਰਿਟੇਨ ਦੀ ਮਹਾਰਾਣੀ ਏਲਿਜ਼ਾਬੇਥ-II ਨੂੰ ਬਕਿੰਘਮ ਪੈਲੇਸ ਵਿੱਚ ਆਪਣੇ ਬਗੀਚਿਆਂ ਦੀ ਸ਼ਾਨਦਾਰ ਖੂਬਸੂਰਤੀ ਅਤੇ ਸਾਜ-ਸੱਜਾ ਨੂੰ ਬਣਾਏ ਰੱਖਣ ਲਈ ਮਾਹਰ ਦੀ ਤਲਾਸ਼ ਹੈ। ਇਸ ਕੰਮ ਲਈ 16,500 ਪਾਊਂਡ ਯਾਨੀ 14 ਲੱਖ ਰੁਪਏ ਤੋਂ ਜ਼ਿਆਦਾ ਸਾਲਾਨਾ ਤਨਖਾਹ ਦਿੱਤੀ ਜਾਵੇਗੀ। ਅਰਜ਼ੀ ਭੇਜਣ ਦੀ ਅੰਤਮ ਮਿਤੀ 9 ਸਤੰਬਰ ਰੱਖੀ ਗਈ ਹੈ।

ਜੇਕਰ ਬਕਿੰਘਮ ਪੈਲੇਸ ਵਿੱਚ ਮਾਲੀ ਦੀ ਨੌਕਰੀ ਵੀ ਮਿਲ ਜਾਵੇ ਤਾਂ ਕੀ ਕਹਿਣਾ! ਬਕਿੰਘਮ ਪੈਲੇਸ ਇੰਗਲੈਂਡ ਦੇ ਰਾਜ ਪਰਿਵਾਰ ਦਾ ਆਧਿਕਾਰਿਕ ਸ਼ਾਹੀ ਨਿਵਾਸ ਹੈ। ਰਾਜਘਰਾਣਿਆਂ ਵਿੱਚ ਬ੍ਰਿਟੇਨ ਦਾ ਰਾਜਘਰਾਣਾ ਸਭ ਤੋਂ ਜ਼ਿਆਦਾ ਮਸ਼ਹੂਰ ਹੈ।

ਮਹਾਰਾਣੀ ਅਤੇ ਰਾਜਪਰਿਵਾਰ ਨੂੰ ਰੋਜ਼ਾਨਾ ਦੀਆਂ ਸੇਵਾਵਾਂ ਪ੍ਰਦਾਨ ਕਰਨ ਵਾਲੇ ਰਾਇਲ ਹਾਊਸਹੋਲਡ ਨੇ ਆਪਣੀ ਵੈੱਬਸਾਈਟ ਉੱਤੇ ਲਿਖਿਆ ਹੈ, ‘‘ਕੁਸ਼ਲ ਮਾਲੀਆਂ ਦੀ ਇਸ ਛੋਟੀ ਜਿਹੀ ਟੀਮ ਵਿੱਚ ਸ਼ਾਮਿਲ ਹੋ ਕੇ ਤੁਸੀਂ ਇਹ ਸੁਨਿਸਚਿਤ ਕਰਨ ਵਿੱਚ ਮਦਦ ਕਰੋਗੇ ਕਿ ਸ਼ਾਹੀ ਬਾਗ਼ ਅਤੇ ਬਕਿੰਘਮ ਪੈਲੇਸ ਅਤੇ ਸੇਂਟ ਜੇਮਸ ਪੈਲੇਸ ਦੇ ਆਸਪਾਸ ਦੇ ਖੇਤਰ ਬਿਹਤਰੀਨ ਢੰਗ ਨਾਲ ਸੋਹਣੇ ਬਣੇ ਰਹਿਣ।’’

ਕਰਮਚਾਰੀ ਨੂੰ ਪੂਰਾ ਸਮਾਂ ਕੰਮ ਕਰਨਾ ਹੋਵੇਗਾ ਅਤੇ ਉਸਨੂੰ ਰਹਿਣ ਦੀ ਸਹੂਲਤ ਦਿੱਤੀ ਜਾਵੇਗੀ। ਮਾਲੀ ਨੂੰ ਇਹ ਸੁਨਿਸਚਿਤ ਕਰਨਾ ਹੋਵੇਗਾ ਕਿ ਸਾਲ ਭਰ ਬਾਗ ਦੀ ਦੇਖਭਾਲ ਹੋਵੇ ਜਿਸ ਵਿੱਚ ਘਾਹ ਦੀ ਕਟਾਈ, ਸਿੰਚਾਈ, ਖਾਦ ਪਾਉਣਾ ਆਦਿ ਕੰਮ ਸ਼ਾਮਿਲ ਹੋਣਗੇ। ਇਸਦੇ ਇਲਾਵਾ ਉਸ ਵਿੱਚ ਹੋਰ ਵੀ ਕਈ ਖੂਬੀਆਂ ਦੀ ਲੋੜ ਹੈ, ਜਿਨ੍ਹਾਂ ਵਿੱਚ ਯੂ.ਕੇ. ਦਾ ਡਰਾਈਵਿੰਗ ਲਾਇਸੰਸ ਅਤੇ ਖੇਡਾਂ ਦੇ ਟਰਫ ਲੈਵਲ 2 ਦੀ ਰਸਮੀ ਯੋਗਤਾ ਸ਼ਾਮਿਲ ਹੈ। ਕਰਮਚਾਰੀ ਨੂੰ ਸਾਲ ਦੀਆਂ 33 ਛੁੱਟੀਆਂ ਤੋਂ ਇਲਾਵਾ ਪੈਨਸ਼ਨ ਸਕੀਮ, ਭੋਜਨ, ਟ੍ਰੇਨਿੰਗ, ਮਨੋਰੰਜਨ ਆਦਿ ਦੀ ਸਹੂਲਤ ਵੀ ਦਿੱਤੀ ਜਾਵੇਗੀ।

ਬਕਿੰਘਮ ਪੈਲੇਸ ਨਾਲ ਜੁੜੀਆਂ ਰੋਚਕ ਜਾਣਕਾਰੀਆਂ:
— ਮਹਾਰਾਣੀ ਅਤੇ ਉਨ੍ਹਾਂ ਦਾ ਪਰਿਵਾਰ ਬਕਿੰਘਮ ਪੈਲੇਸ ਵਿੱਚ ਪੂਰੀ ਸ਼ਾਨੋ-ਸ਼ੌਕਤ ਦੇ ਨਾਲ ਰਹਿੰਦਾ ਹੈ।

— ਬਕਿੰਘਮ ਪੈਲੇਸ ਮਹਾਰਾਣੀ ਦੀ ਨਿਜੀ ਜਾਇਦਾਦ ਨਹੀਂ ਹੈ। ਮਾਲਿਕਾਨਾ ਹੱਕ ਬ੍ਰਿਟਿਸ਼ ਸਰਕਾਰ ਦਾ ਹੈ।

— ਇਸ ਵਿੱਚ ਕੁਲ 775 ਕਮਰੇ ਹਨ। ਇਨ੍ਹਾਂ 'ਚੋਂ 52 ਸ਼ਾਹੀ ਕਮਰੇ ਹਨ। ਕੁਲ ਖੇਤਰਫਲ 77 ਹਜ਼ਾਰ ਸਕੁਏਅਰ ਮੀਟਰ ਹੈ।

— ਕਰੀਬ ਤਿੰਨ ਸੌ ਸਾਲ ਪਹਿਲਾਂ ਡਿਊਕ ਆਫ ਬਕਿੰਘਮ ਨੇ ਲੰਦਨ ਵਿੱਚ ਰਹਿਣ ਲਈ ਇਸ ਨੂੰ ਘਰ ਦੇ ਤੌਰ ਉੱਤੇ ਬਣਵਾਇਆ ਸੀ। ਇਸਦੇ ਕਰੀਬ ਸੌ ਸਾਲ ਬਾਅਦ ਇਸਨੂੰ ਮਹਿਲ ਵਿੱਚ ਬਦਲ ਦਿੱਤਾ ਗਿਆ ਅਤੇ 1837 ਵਿੱਚ ਪਹਿਲੀ ਵਾਰ ਕਵੀਨ ਵਿਕਟੋਰੀਆ ਨੇ ਇਸ ਮਹਿਲ ਨੂੰ ਆਪਣਾ ਘਰ ਬਣਾਇਆ।

— ਕੁਲ 800 ਕਰਮਚਾਰੀ ਇਥੇ ਕੰਮ ਕਰਦੇ ਹਨ। ਮਹਿਲ ਦਾ ਆਪਣਾ ਡਾਕਖ਼ਾਨਾ, ਹਸਪਤਾਲ ਅਤੇ ਸਿਨੇਮਾ ਹਾਲ ਹੈ।

— ਇੱਥੇ ਪਹਿਲੀ ਵਾਰ ਸਾਲ 1883 ਵਿੱਚ ਬਿਜਲੀ ਆਈ ਸੀ। ਅੱਜ ਮਹਿਲ ਨੂੰ ਰੋਸ਼ਨ ਕਰਨ ਲਈ 40 ਹਜ਼ਾਰ ਬਲਬਾਂ ਦਾ ਇਸਤੇਮਾਲ ਹੁੰਦਾ ਹੈ।

— ਮਹਿਲ ਵਿੱਚ ਕੁਲ 1514 ਦਰਵਾਜੇ ਅਤੇ 760 ਖਿੜਕੀਆਂ ਹਨ।

— ਮਹਿਲ ਵਿੱਚ 350 ਤੋਂ ਜ਼ਿਆਦਾ ਘੜੀਆਂ ਲੱਗੀਆਂ ਹੋਈਆਂ ਹਨ।

— ਬਗੀਚਾ 40 ਏਕੜ ਵਿੱਚ ਫੈਲਿਆ ਹੋਇਆ ਹੈ।

— ਮਹਿਲ ਵਿੱਚ ਹੈਲੀਕਾਪਟਰ ਤੱਕ ਉਤਾਰਣ ਦੀ ਸਹੂਲਤ ਹੈ।

— ਦੂਜੀ ਸੰਸਾਰ ਜੰਗ ਦੇ ਦੌਰਾਨ ਇੱਥੇ ਜਰਮਨੀ ਨੇ 9 ਵੱਡੇ ਬੰਬ ਸੁੱਟੇ ਸਨ। ਹਮਲਿਆਂ ਦੇ ਦੌਰਾਨ ਕਵੀਨ ਏਲਿਜ਼ਾਬੇਥ ਅਤੇ ਕਿੰਗ ਜਾਰਜ ਮਹਿਲ ਦੇ ਅੰਦਰ ਹੀ ਸਨ ਪਰ ਉਹ ਬਾਲ-ਬਾਲ ਬੱਚ ਗਏ ਸਨ।




[home] [1] 2 3 4  [prev.]1-5 of 17


Comment by: Aasjot singh

I am graduate.I can do this job for my best hard work.
plzz give me the job plzz.

reply


Comment by: Sarbjit singh

Sir i am sarbjit singh indian army soldier and 17year gardner experience i am aply to job

reply


Comment by: Harminder Singh

Sir I am graduate.I love gardning,i love nature,i shall prove do my work very sincerely so please given me a one chance under your consideration.thanks

reply


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਚੀਨ ਵਿੱਚ ਦੁਨੀਆ ਦਾ ਸਭ ਤੋਂ ਲੰਮਾ ‘ਗ‍ਲਾਸ ਬ੍ਰਿਜ’, ਵੇਖ ਸਕਦੇ ਹੋ ਆਰ-ਪਾਰ
21.08.16 - ਪੀ ਟੀ ਟੀਮ
ਚੀਨ ਵਿੱਚ ਦੁਨੀਆ ਦਾ ਸਭ ਤੋਂ ਲੰਮਾ ‘ਗ‍ਲਾਸ ਬ੍ਰਿਜ’, ਵੇਖ ਸਕਦੇ ਹੋ ਆਰ-ਪਾਰ



ਚੀਨ ਦੇ ਹੁਨਾਨ ਪ੍ਰਾਂਤ ਵਿੱਚ ਸ਼ਨੀਵਾਰ ਨੂੰ ਦੁਨੀਆ ਦਾ ਸਭ ਤੋਂ ਉੱਚਾ ਅਤੇ ਸਭ ਤੋਂ ਲੰਮਾ ‘ਗਲਾਸ ਬ੍ਰਿਜ’ ਯਾਤਰੀਆਂ ਲਈ ਖੋਲਿਆ ਗਿਆ।

ਸ਼ੀਸ਼ੇ ਦੇ ਇਸ ਪਾਰਦਰਸ਼ੀ ਪੁੱਲ ਦੀ ਲੰਬਾਈ 1,410 ਫੀਟ (430 ਮੀਟਰ) ਹੈ।
ਹੁਨਾਨ ਵਿੱਚ ਝੰਗਜਿਆਜੇ ਕੈਨਯੋਨ ਤੱਕ ਫੈਲਿਆ ਇਹ ਪੁੱਲ ਜ਼ਮੀਨ ਤੋਂ 300 ਮੀਟਰ ਉੱਚਾ ਹੈ।

ਚੀਨ ਦੀ ਸਥਾਨਕ ਨਿਊਜ਼ ਏਜੰਸੀ ਸ਼ਿੰਹੁਆ ਦੇ ਅਨੁਸਾਰ 99 ਗਲਾਸ ਪੈਨਲ ਨਾਲ ਬਣਿਆ ਇਹ ਪੁੱਲ ਇੱਕ ਵਾਰ ਵਿੱਚ 800 ਲੋਕਾਂ  ਦੇ ਭਾਰ ਨੂੰ ਸਹਿ ਸਕਦਾ ਹੈ।
ਯਾਤਰੀਆਂ ਨੂੰ ਇਸਦੇ ਲਈ ਐਡਵਾਂਸ ਵਿੱਚ ਹੀ ਟਿਕਟ ਬੁੱਕ ਕਰਾਉਣੀ ਹੋਵੇਗੀ ਕਿਉਂਕਿ ਇੱਕ ਦਿਨ ਵਿੱਚ ਇਸ ਪੁੱਲ ਉੱਤੇ ਸਿਰਫ 8,000 ਲੋਕਾਂ ਨੂੰ ਹੀ ਜਾਣ ਦੀ ਆਗਿਆ ਦਿੱਤੀ ਜਾਵੇਗੀ।
 
ਪ੍ਰਤੀ ਵਿਅਕਤੀ 138 ਯੁਆਨ ਯਾਨੀ 20 ਡਾਲਰ ਦੀ ਇੱਕ ਟਿਕਟ ਹੈ।
ਇਹ ਪੁੱਲ ਟਿਆਨਮੇਨ ਮਾਉਂਟੇਨ ਨੈਸ਼ਨਲ ਪਾਰਕ ਵਿੱਚ ਦੋ ਚੋਟੀਆਂ ਨਾਲ ਜੋੜਿਆ ਗਿਆ ਹੈ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਇਸ ਪੁੱਲ ਦਾ ਨਿਰਮਾਣ ਜੇਮਸ ਕੈਮਰੂਨ ਦੀ ਫਿਲਮ 'ਅਵਤਾਰ' ਤੋਂ ਪ੍ਰੇਰਿਤ ਹੈ।

ਇਸ ਬ੍ਰਿਜ ਨੂੰ ਬਣਾਉਣ ਵਿੱਚ 3.4 ਮਿਲੀਅਨ ਡਾਲਰ ਦਾ ਖਰਚ ਆਇਆ ਹੈ।
ਅਧਿਕਾਰੀਆਂ ਦੇ ਅਨੁਸਾਰ, 6 ਮੀਟਰ ਚੌੜਾਈ ਵਾਲੇ ਇਸ ਪੁੱਲ ਦੀ ਡਿਜ਼ਾਈਨਿੰਗ ਇਜ਼ਰਾਇਲੀ ਆਰਕੀਟੈਕਟ ਹੈਮ ਡੋਟਨ ਨੇ ਕੀਤਾ ਹੈ। ਕੰਸਟ੍ਰਕਸ਼ਨ ਅਤੇ ਆਰਕੀਟੈਕਚਰ ਦੇ ਮਾਮਲੇ ਵਿੱਚ ਇਸਨੇ ਵਰਲਡ ਰਿਕਾਰਡ ਕਾਇਮ ਕੀਤਾ ਹੈ।

ਜੂਨ ਮਹੀਨੇ ਵਿੱਚ ਇਸਦੀ ਸਿਲਸਿਲੇਵਾਰ ਸੁਰੱਖਿਆ ਜਾਂਚ ਕੀਤੀ ਗਈ ਸੀ। ਉਸ ਵਕਤ ਪੁੱਲ ਅਤੇ ਪਬਲਿਕ ਦੀ ਸੁਰੱਖਿਆ ਲਈ ਜਾਂਚ ਕਰਨ ਦੇ ਦੌਰਾਨ ਗਲਾਸ ਦਾ ਇੱਕ ਪੈਨਲ ਟੁੱਟ ਗਿਆ ਸੀ।




[home] [1] 2 3 4  [prev.]1-5 of 17


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 







MOST VISITED
YOU MAY LIKE

TOPIC CLOUD

TAGS CLOUD

ARCHIVE




Copyright © 2016-2017










NEWS LETTER