ਵਿਦੇਸ਼

Monthly Archives: MARCH 2017


ਨਿਊਜ਼ੀਲੈਂਡ 'ਚ 24 ਸਾਲਾ ਸਿੱਖ ਨੌਜਵਾਨ 'ਗੋ ਬੱਸ ਡ੍ਰਾਈਵਰ ਆਫ ਯੀਅਰ' ਮੁਕਾਬਲੇ 'ਚ ਉਪ ਜੇਤੂ
31.03.17 - ਹਰਜਿੰਦਰ ਸਿੰਘ ਬਸਿਆਲਾ
ਨਿਊਜ਼ੀਲੈਂਡ 'ਚ 24 ਸਾਲਾ ਸਿੱਖ ਨੌਜਵਾਨ 'ਗੋ ਬੱਸ ਡ੍ਰਾਈਵਰ ਆਫ ਯੀਅਰ' ਮੁਕਾਬਲੇ 'ਚ ਉਪ ਜੇਤੂ



ਮਿਹਨਤ ਅਤੇ ਹੁਨਰ ਉਦੋਂ ਕਾਬਲੇ ਫ਼ਖ਼ਰ ਹੋ ਜਾਂਦੇ ਹਨ ਜਦੋਂ ਮੁੱਲ ਪਾਉਣ ਵਾਲੇ ਮੁੱਲ ਪਾ ਜਾਣ ਅਤੇ ਵੇਖਣ ਵਾਲੇ ਆਪਣਾ ਆਦਰਸ਼ ਬਣਾ ਲੈਣ। ਨਿਊਜ਼ੀਲੈਂਡ ਵਸਦੇ ਭਾਰਤੀ ਭਾਈਚਾਰੇ ਨੂੰ ਇਸ ਗੱਲ ਦਾ ਫ਼ਖ਼ਰ ਹੋਏਗਾ ਕਿ 24 ਸਾਲਾ ਸਿੱਖ ਨੌਜਵਾਨ ਅਰਵਿੰਦਰ ਸਿੰਘ ਦੇਸ਼ ਦੀ ਇਕ ਵੱਡੀ ਬੱਸ ਕੰਪਨੀ 'ਗੋ ਬੱਸ' ਵੱਲੋਂ ਆਪਣੇ 2200 ਦੇ ਕਰੀਬ ਅਰਬਨ ਫਲੀਟ ਵਾਲੇ ਡ੍ਰਾਈਵਰਾਂ ਦੇ ਹੁਨਰ ਮੁਕਾਬਲੇ 'ਗੋ ਬੱਸ ਡ੍ਰਾਈਵਰ ਆਫ ਯੀਅਰ' ਵਿਚ ਉਪ ਜੇਤੂ ਚੁਣਿਆ ਗਿਆ ਹੈ।

ਪਿੰਡ ਹਰੀਗੜ੍ਹ ਭੋਰਖ ਨੇੜੇ ਪਹੇਵਾ (ਕੁਰੂਕਸ਼ੇਤਰ) ਤੋਂ ਸਤੰਬਰ 2014 ਵਿਚ ਇਥੇ ਆ ਇਸ ਨੌਜਵਾਨ ਨੇ ਬਿਜ਼ਨਸ ਦੀ ਪੜ੍ਹਾਈ ਕੀਤੀ, ਫਿਰ ਸਬੰਧਿਤ ਖੇਤਰ ਵਿਚ ਨੌਕਰੀਆਂ ਦੀ ਘਾਟ ਕਾਰਨ ਸਤੰਬਰ 2015 ਵਿਚ ਬੱਸ ਡਰਾਈਵਰ ਦੀ ਨੌਕਰੀ ਸ਼ੁਰੂ ਕਰ ਲਈ। ਇਹ ਜਾਬ 'ਮੂਲ ਸਕਿੱਲ' ਦੇ ਵਿਚ ਹੋਣ ਕਰਕੇ ਕੰਪਨੀ ਨੇ ਸਹਾਇਤਾ ਕੀਤੀ ਅਤੇ ਵਰਕ ਵੀਜ਼ਾ ਮਿਲ ਗਿਆ।

ਬੀਤੇ ਦਿਨੀਂ ਕੰਪਨੀ ਵੱਲੋਂ ਡ੍ਰਾਈਵਰਾਂ ਦਾ ਹੁਨਰ ਮੁਕਾਬਲਾ ਕਰਵਾਇਆ ਗਿਆ ਜਿਸ ਵਿਚ ਰੋਡ ਕੋਡ, ਕਸਟਮਰ ਸਰਵਿਸ, ਰਵੱਈਆ ਅਤੇ ਪ੍ਰੀ ਡ੍ਰਾਈਵ ਵਹੀਕਲ ਟੈਸਟ ਆਦਿ ਨੂੰ ਸ਼ਾਮਿਲ ਕੀਤਾ ਗਿਆ। ਇਸ ਮੁਕਾਬਲੇ ਵਿਚ ਇਹ ਨੌਜਵਾਨ ਉਪ ਜੇਤੂ ਚੁਣਿਆ ਗਿਆ। ਕੰਪਨੀ ਵੱਲੋਂ ਪ੍ਰਸੰਸ਼ਾ ਪੱਤਰ, ਸੁੰਦਰ ਟ੍ਰਾਫੀ ਸਮੇਤ ਹੋਰ ਕਈ ਵਸਤਾਂ ਇਨਾਮ ਵਜੋਂ ਦਿੱਤੀਆਂ ਗਈਆਂ। ਥੋੜ੍ਹੇ ਜਿਹੇ ਅੰਕਾਂ ਦੇ ਫਰਕ ਨਾਲ ਫਿਲਪਾਈਨ ਮੂਲ ਦਾ ਡ੍ਰਾਈਵਰ ਪਹਿਲੇ ਨੰਬਰ ਉਤੇ ਜਦ ਕਿ ਫੀਜ਼ੀ ਭਾਰਤੀ ਡ੍ਰਾਈਵਰ ਤੀਜੇ ਨੰਬਰ ਉਤੇ ਆਇਆ।




[home] [1] 2  [prev.]1-5 of 7


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਘਰ ਵਿੱਚ ਵੜ ਕੇ ਆਰਾਮ ਨਾਲ ਚੋਰੀ ਕੀਤੀ, ਭੱਜਣ ਦੇ ਚੱਕਰ ਵਿੱਚ ਦੋ ਦਿਨ ਤੱਕ ਚਿਮਨੀ ਵਿੱਚ ਫੱਸਿਆ ਰਿਹਾ ਚੋਰ
31.03.17 - ਪੀ ਟੀ ਟੀਮ
ਘਰ ਵਿੱਚ ਵੜ ਕੇ ਆਰਾਮ ਨਾਲ ਚੋਰੀ ਕੀਤੀ, ਭੱਜਣ ਦੇ ਚੱਕਰ ਵਿੱਚ ਦੋ ਦਿਨ ਤੱਕ ਚਿਮਨੀ ਵਿੱਚ ਫੱਸਿਆ ਰਿਹਾ ਚੋਰ



ਕਦੇ-ਕਦੇ ਚੋਰ ਦੀ ਹੋਸ਼ਿਆਰੀ ਹੀ ਉਸ ਦੇ ਫੜੇ ਜਾਣ ਦਾ ਸਬੱਬ ਬਣਦੀ ਹੈ। ਅਜਿਹਾ ਹੀ ਇੱਕ ਮਾਮਲਾ ਅਫਰੀਕੀ ਦੇਸ਼ ਜ਼ਿੰਬਾਬਵੇ ਦਾ ਹੈ। ਉੱਥੇ ਤਿੰਨ ਚੋਰ ਘਾਤ ਲਗਾ ਕੇ ਇੱਕ ਬਿਲਡਿੰਗ ਵਿੱਚ ਚੋਰੀ ਲਈ ਘੁਸੇ। ਆਪਣੇ ਪ‍ਲਾਨ ਦੇ ਤਹਿਤ ਇਨ੍ਹਾਂ ਨੇ ਬਿਲਡਿੰਗ ਦੀਆਂ ਦੋ ਚਿਮਨੀਆਂ ਤੋਂ ਅੰਦਰ ਵੜਣ ਦਾ ਪ‍ਲਾਨ ਬਣਾਇਆ ਸੀ। ਅੰਦਰ ਪਹੁੰਚ ਕੇ ਇਨ੍ਹਾਂ ਨੇ ਉਥੋਂ ਕੰਪਿਊਟਰ, ਲੈਪਟਾਪ ਵਰਗੀਆਂ ਚੀਜਾਂ ਚੋਰੀ ਕੀਤੀਆਂ। ਇਸ ਦੇ ਬਾਅਦ ਇਨ੍ਹਾਂ ਨੇ ਉਥੋਂ ਨਿਕਲਣ ਦੀ ਕੋਸ਼ਿਸ਼ ਕੀਤੀ।

ਦੋ ਚੋਰ ਤਾਂ ਕੁੱਝ ਸਾਮਾਨ ਲੈ ਕੇ ਇੱਕ ਚਿਮਨੀ ਦੇ ਰਸ‍ਤੇ ਹੀ ਬਾਹਰ ਨਿਕਲ ਆਏ ਲੇਕਿਨ ਜਦੋਂ ਤੀਸਰੇ ਨੇ ਕੋਸ਼ਿਸ਼ ਕੀਤੀ ਤਾਂ ਚਿਮਨੀ ਅੰਦਰੋਂ ਕਿਸੇ ਪ੍ਰਕਾਰ ਆਪਣੇ ਆਪ ਬੰਦ ਹੋ ਗਈ ਅਤੇ ਦੂਜੀ ਚਿਮਨੀ ਦੇ ਨਾਲ ਵੀ ਅਜਿਹਾ ਹੀ ਹੋਇਆ। ਉਹ ਅੰਦਰ ਇਨ੍ਹਾਂ ਨੂੰ ਖੋਲ੍ਹਣ ਦੀ ਕੋਸ਼ਿਸ਼ ਕਰਦਾ ਰਿਹਾ ਲੇਕਿਨ ਨਾਕਾਮ ਰਿਹਾ। ਇਸ ਦੌਰਾਨ ਉਸ ਦੇ ਸਾਥੀ ਜੋ ਬਾਹਰ ਨਿਕਲ ਚੁੱਕੇ ਸਨ, ਉਹ ਚੁਪਕੇ ਜਿਹੇ ਉਥੋਂ ਗਾਇਬ ਹੋ ਗਏ। ਉਨ੍ਹਾਂ ਨੇ ਇਸ ਦੇ ਬਾਰੇ ਕਿਸੇ ਨੂੰ ਕੁੱਝ ਦੱਸਿਆ ਵੀ ਨਹੀਂ। ਨਤੀਜਾ ਇਹ ਹੋਇਆ ਕਿ ਤੀਜਾ ਅੰਦਰ ਫੱਸਿਆ ਚੋਰ ਦੋ ਦਿਨਾਂ ਤੱਕ ਅੰਦਰ ਹੀ ਫੱਸਿਆ ਰਹਿ ਗਿਆ।

ਦੋ ਦਿਨ ਬਾਅਦ ਜਦੋਂ ਇੱਕ ਸਫਾਈ ਕਰਮਚਾਰੀ ਗਲੀ ਵਿੱਚ ਸਫਾਈ ਕਰ ਰਿਹਾ ਸੀ ਤਾਂ ਉਸ ਨੂੰ ਇਮਾਰਤ ਦੇ ਅੰਦਰੋਂ ਮਦਦ ਦੀ ਗੁਹਾਰ ਵਾਲੀ ਆਵਾਜ਼ ਸੁਣਾਈ ਦਿੱਤੀ। ਉਸ ਨੇ ਬਾਹਰੋਂ ਝਾਤੀ ਮਾਰੀ ਤਾਂ ਉਸ ਨੂੰ ਲੱਗਾ ਕਿ ਅੰਦਰ ਕੋਈ ਹੈ। ਨਾਲ ਦੀ ਨਾਲ ਹੀ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ। ਪੁਲਿਸ ਨੇ ਬੰਦ ਇਮਾਰਤ ਨੂੰ ਖੋਲਿਆ ਤਾਂ ਵੇਖਿਆ ਕਿ ਬੇਹਾਲ ਅਵਸਥਾ ਵਿੱਚ ਉੱਥੇ ਇੱਕ ਆਦਮੀ ਮੌਜੂਦ ਹੈ। ਉਸ ਤੋਂ ਪੁੱਛਗਿਛ ਕੀਤੀ ਗਈ ਤਾਂ ਉਸ ਨੇ ਪੂਰਾ ਮਾਮਲਾ ਦੱਸਿਆ। ਫਿਲਹਾਲ ਹਾਲੇ ਤੱਕ ਉਸ ਦੇ ਸਾਥੀਆਂ ਨੂੰ ਨਹੀਂ ਫੜਿਆ ਜਾ ਸਕਿਆ ਹੈ।




[home] [1] 2  [prev.]1-5 of 7


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਇਸਲਾਮ ਕਬੂਲ ਕਰੋ, ਕਤਲ ਦੇ ਇਲਜ਼ਾਮ ਤੋਂ ਬਰੀ ਹੋ ਜਾਓਗੇ: ਪਾਕਿਸਤਾਨ ਵਿੱਚ ਸਰਕਾਰੀ ਵਕੀਲ
30.03.17 - ਪੀ ਟੀ ਟੀਮ
ਇਸਲਾਮ ਕਬੂਲ ਕਰੋ, ਕਤਲ ਦੇ ਇਲਜ਼ਾਮ ਤੋਂ ਬਰੀ ਹੋ ਜਾਓਗੇ: ਪਾਕਿਸਤਾਨ ਵਿੱਚ ਸਰਕਾਰੀ ਵਕੀਲ



ਪਾਕਿਸਤਾਨ ਵਿੱਚ ਇੱਕ ਸਰਕਾਰੀ ਵਕੀਲ ਉੱਤੇ ਇਲਜ਼ਾਮ ਲਗਾ ਹੈ ਕਿ ਉਸ ਨੇ ਕਤਲ ਦੇ 42 ਆਰੋਪੀਆਂ ਨੂੰ ਬਰੀ ਹੋਣ ਲਈ ਇਸਲਾਮ ਅਪਨਾਉਣ ਦਾ ਲਾਲਚ ਦਿੱਤਾ। ਇਹ ਸਾਰੇ ਆਰੋਪੀ ਕ੍ਰਿਸ਼ਚੀਅਨ ਕਮਿਊਨਿਟੀ ਤੋਂ ਹਨ ਅਤੇ ਇਲਜ਼ਾਮ ਹੈ ਕਿ ਇਨ੍ਹਾਂ ਨੇ ਦੋ ਸਾਲ ਪਹਿਲਾਂ ਕਥਿਤ ਤੌਰ ਉੱਤੇ ਦੋ ਮੁਸਲਮਾਨਾਂ ਦੀ ਹੱਤਿਆ ਕੀਤੀ ਸੀ।

ਨਿਊਜ ਏਜੰਸੀ ਨੇ ਪਾਕਿਸਤਾਨ ਦੇ ਅਖਬਾਰ 'ਦ ਟ੍ਰਿਬਿਊਨ' ਦੇ ਹਵਾਲੇ ਤੋਂ ਇਹ ਖਬਰ ਦਿੱਤੀ ਹੈ। ਰਿਪੋਰਟ ਦੇ ਮੁਤਾਬਕ, 15 ਮਾਰਚ 2015 ਨੂੰ ਲਾਹੌਰ ਦੇ ਈਸਾਈ ਬਹੁਲ ਇਲਾਕੇ ਯੋਹਾਨਾਬਾਦ ਦੇ ਦੋ ਚਰਚਾਂ ਉੱਤੇ ਫਿਦਾਈਨ ਹਮਲੇ ਦੇ ਬਾਅਦ ਹਿੰਸਾ ਹੋਈ। ਇਸ ਵਿੱਚ ਦੋ ਮੁਸਲਮਾਨ ਮਾਰੇ ਗਏ। ਮਰਡਰ ਦੇ ਇਲਜ਼ਾਮ ਵਿੱਚ 42 ਕ੍ਰਿਸ਼ਚੀਅੰਸ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਖਾਸ ਗੱਲ ਇਹ ਹੈ ਕਿ ਇਨ੍ਹਾਂ ਲੋਕਾਂ ਉੱਤੇ ਬਲਾਸਟ ਦਾ ਇਲਜ਼ਾਮ ਵੀ ਦਰਜ ਕੀਤਾ ਗਿਆ।

ਆਰੋਪੀਆਂ ਦੀ ਮਦਦ ਲਈ ਜੋਸੇਫ ਫਰੇਂਸੀ ਨਾਮ ਦੇ ਇੱਕ ਸੋਸ਼ਲ ਐਕਟੀਵਿਸਟ ਸਾਹਮਣੇ ਆਏ। ਜੋਸੇਫ ਹੀ ਇਨ੍ਹਾਂ ਆਰੋਪੀਆਂ ਦਾ ਮੁਕੱਦਮਾ ਵੀ ਲੜ ਰਹੇ ਹਨ।

ਫਰੇਂਸੀ ਦਾ ਇਲਜ਼ਾਮ ਹੈ ਕਿ ਲਾਹੌਰ ਦੇ ਡਿਪਟੀ ਡਿਸਟ੍ਰਿਕਟ ਪਬਲਿਕ ਪ੍ਰੋਸੀਕਿਊਟਰ ਸੈਯਦ ਅਨੀਸ ਸ਼ਾਹ ਨੇ ਆਰੋਪੀਆਂ ਦੇ ਸਾਹਮਣੇ ਬਰੀ ਹੋਣ ਲਈ ਇੱਕ ਸ਼ਰਤ ਰੱਖੀ। ਅਨੀਸ ਨੇ ਆਰੋਪੀਆਂ ਨੂੰ ਕਿਹਾ ਕਿ ਜੇਕਰ ਉਹ ਇਸ ਮਾਮਲੇ ਵਿੱਚ ਬਰੀ ਹੋਣਾ ਚਾਹੁੰਦੇ ਹੈ ਤਾਂ ਈਸਾਈ ਧਰਮ ਛੱਡ ਕੇ ਇਸਲਾਮ ਆਪਣਾ ਲੈਣ।

ਫਰੇਂਸੀ ਦੇ ਮੁਤਾਬਕ- ਅਨੀਸ ਨੇ ਆਰੋਪੀਆਂ ਨੂੰ ਕਿਹਾ, ਤੁਸੀਂ ਲੋਕ ਇਸਲਾਮ ਕਬੂਲ ਕਰ ਲਓ ਤਾਂ ਮੈਂ ਗਾਰੰਟੀ ਦਿੰਦਾ ਹਾਂ ਕਿ ਤੁਸੀਂ ਇਸ ਕੇਸ ਤੋਂ ਬਰੀ ਹੋ ਜਾਓਗੇ। ਫਰੇਂਸੀ ਨੇ ਕਿਹਾ ਕਿ ਸਾਰੇ ਆਰੋਪੀ ਅਨੀਸ ਦੀ ਗੱਲ ਸੁਣ ਕੇ ਹੈਰਾਨ ਰਹਿ ਗਏ।

ਇਸ ਮਾਮਲੇ ਨਾਲ ਜੁੜੇ ਇੱਕ ਹੋਰ ਵਕੀਲ ਨਸੀਬ ਅੰਜੁਮ ਨੇ ਕਿਹਾ- ਅਨੀਸ ਨੇ ਇਹ ਹਰਕੱਤ ਪਹਿਲੀ ਵਾਰ ਨਹੀਂ ਕੀਤੀ। ਛੇ ਮਹੀਨੇ ਪਹਿਲਾਂ ਵੀ ਉਸ ਨੇ ਕਿਸੇ ਆਰੋਪੀ ਨੂੰ ਇਹੀ ਆਫਰ ਦਿੱਤਾ ਸੀ। ਅਸੀਂ ਚਾਹੁੰਦੇ ਹਾਂ ਕਿ ਕੋਰਟ ਵਿੱਚ ਤਾਂ ਘੱਟ ਤੋਂ ਘੱਟ ਆਜ਼ਾਦੀ ਹਾਸਲ ਹੋਵੇ। ਲੇਕਿਨ ਇੱਥੇ ਵੀ ਬਲੈਕਮੇਲ ਕੀਤਾ ਜਾ ਰਿਹਾ ਹੈ।

ਅੰਜੁਮ ਨੇ ਕਿਹਾ- ਸਰਕਾਰ ਇਸ ਤਰ੍ਹਾਂ ਦੇ ਲੋਕਾਂ ਨੂੰ ਝੱਟਪੱਟ ਬਾਹਰ ਕਰੇ ਕਿਉਂਕਿ ਇਸ ਤੋਂ ਮੁਲਕ ਦੀ ਬੇਇੱਜ਼ਤੀ ਹੁੰਦੀ ਹੈ।

ਅਨੀਸ ਨੇ ਸਫਾਈ ਵਿੱਚ ਕਿਹਾ ਕਿ ਉਸ ਨੇ ਆਰੋਪੀਆਂ ਨੂੰ ਇਸਲਾਮ ਕਬੂਲ ਕਰਨ ਨੂੰ ਨਹੀਂ ਕਿਹਾ ਸੀ।

ਦੱਸ ਦਈਏ ਕਿ ਪਾਕਿਸਤਾਨ ਵਿੱਚ ਮਾਈਨੋਰਿਟੀਜ਼ ਉੱਤੇ ਹਮਲਿਆਂ ਦੇ ਕਈ ਮਾਮਲੇ ਅਕਸਰ ਸਾਹਮਣੇ ਆਉਂਦੇ ਹਨ। ਹਿਊਮਨ ਰਾਈਟਸ ਕਮਿਸ਼ਨ ਵੀ ਇਸ ਮਸਲੇ ਉੱਤੇ ਪਾਕਿਸਤਾਨ ਨੂੰ ਫਟਕਾਰ ਲਗਾ ਚੁੱਕਿਆ ਹੈ।




[home] [1] 2  [prev.]1-5 of 7


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਡੋਨਲਡ ਟਰੰਪ ਨੇ ਜਰਮਨ ਚਾਂਸਲਰ ਮਰਕੇਲ ਨਾਲ ਹੱਥ ਮਿਲਾਉਣ ਤੋਂ ਕੀਤਾ ਇਨਕਾਰ, ਟਵਿੱਟਰ 'ਤੇ ਹੋਈ ਆਲੋਚਨਾ
18.03.17 - ਪੀ ਟੀ ਟੀਮ
ਡੋਨਲਡ ਟਰੰਪ ਨੇ ਜਰਮਨ ਚਾਂਸਲਰ ਮਰਕੇਲ ਨਾਲ ਹੱਥ ਮਿਲਾਉਣ ਤੋਂ ਕੀਤਾ ਇਨਕਾਰ, ਟਵਿੱਟਰ 'ਤੇ ਹੋਈ ਆਲੋਚਨਾ



ਡੋਨਲਡ ਟਰੰਪ- ਇੱਕ ਅਜਿਹੇ ਅਮਰੀਕੀ ਰਾਸ਼ਟਰਪਤੀ ਜੋ ਜਦੋਂ ਤੋਂ ਚੁਣ ਕੇ ਆਏ ਹਨ ਮੀਡੀਆ ਦੀ ਕੜੀ ਆਲੋਚਨਾ ਦਾ ਸ਼ਿਕਾਰ ਹੋ ਰਹੇ ਹਨ। ਕਦੇ ਉਨ੍ਹਾਂ ਦੇ ਦੁਆਰਾ ਲਿਆ ਗਿਆ ਟ੍ਰੈਵਲ ਬੈਨ ਦਾ ਫੈਸਲਾ ਤਾਂ ਕਦੇ ਉਨ੍ਹਾਂ ਦਾ ਆਪਣੇ ਹੀ ਦੇਸ਼ ਦੀ ਸਭ ਤੋਂ ਉੱਚ ਅਦਾਲਤ ਨੂੰ ਕੋਸਣਾ। ਸਿਰਫ ਕੋਰਟ ਹੀ ਨਹੀਂ, ਉਨ੍ਹਾਂ ਨੇ ਅਮਰੀਕੀ ਮੀਡੀਆ ਨੂੰ ਵੀ 'ਫਰਜ਼ੀ' ਅਤੇ 'ਮਨਘੜਤ' ਕਰਾਰ ਦਿੱਤਾ ਹੈ। ਮੋਟੇ ਤੌਰ ਉੱਤੇ ਉਨ੍ਹਾਂ ਦਾ ਰਵੱਈਆ ਅਤੇ ਉਨ੍ਹਾਂ ਦੇ ਭਾਸ਼ਣ ਦੋਵੇਂ ਹੀ ਕਈ ਵਾਰ ਸਮਝ ਦੇ ਪਰੇ ਮੰਨੇ ਜਾਂਦੇ ਹਨ। ਅਜਿਹਾ ਹੀ ਕੁੱਝ ਹੋਇਆ ਜਦੋਂ ਜਰਮਨ ਚਾਂਸਲਰ ਐਂਜੇਲਾ ਮਰਕੇਲ ਨਾਲ ਵ੍ਹਾਈਟ ਹਾਊਸ ਵਿੱਚ ਉਨ੍ਹਾਂ ਦੀ ਪਹਿਲੀ ਅਧਿਕਾਰਿਕ ਮੁਲਾਕਾਤ ਹੋਈ।

ਦੋਵੇਂ ਨੇਤਾਵਾਂ ਦੇ ਵਿੱਚ ਗੱਲਬਾਤ ਦੇ ਬਾਅਦ ਰਸਮੀ ਤਸਵੀਰ ਖਿਚਵਾਉਣ ਦੀ ਵਾਰੀ ਆਈ ਜਿਸ ਦੇ ਲਈ ਤਮਾਮ ਪ੍ਰੈਸ ਫੋਟੋਗ੍ਰਾਫਰ ਮੌਜੂਦ ਸਨ। ਰਿਵਾਜ ਦੇ ਮੁਤਾਬਕ ਦੋਵੇਂ ਦੇਸ਼ਾਂ ਦੇ ਪ੍ਰਮੁੱਖ ਇੱਕ ਦੂਜੇ ਨਾਲ ਹੱਥ ਮਿਲਾਉਂਦੇ ਹੋਏ ਤਸਵੀਰ ਖਿਚਾਉਂਦੇ ਹਨ। ਇਸ ਵਾਰ ਵੀ ਫੋਟੋਗ੍ਰਾਫਰਾਂ ਨੇ ਦੋਵਾਂ ਨੇਤਾਵਾਂ ਨੂੰ ਹੈਂਡਸ਼ੇਕ ਲਈ ਕਿਹਾ ਲੇਕਿਨ ਟਰੰਪ ਨੇ ਇਸ ਗੱਲ ਵੱਲ ਧਿਆਨ ਹੀ ਨਹੀਂ ਦਿੱਤਾ। ਜਦੋਂ ਟਰੰਪ ਨੇ ਪ੍ਰੈਸ ਦੇ ਬੇਨਤੀ ਨੂੰ ਅਣਸੁਣਿਆ ਕੀਤਾ ਤਾਂ ਖੁਦ ਐਂਜੇਲਾ ਨੇ ਟਰੰਪ ਨੂੰ ਕਿਹਾ ਕਿ ਇਹ ਲੋਕ ਸਾਨੂੰ ਹੈਂਡਸ਼ੇਕ ਕਰਨ ਲਈ ਕਹਿ ਰਹੇ ਹਨ। ਟਰੰਪ ਨੇ ਇਸ ਦੇ ਬਾਵਜੂਦ ਵੀ ਮਰਕੇਲ ਨਾਲ ਹੱਥ ਮਿਲਾਉਣਾ ਤਾਂ ਦੂਰ ਉਨ੍ਹਾਂ ਦੀ ਤਰਫ ਵੇਖਿਆ ਵੀ ਨਹੀਂ।

 
ਇਸ ਘਟਨਾ ਨੂੰ ਅੰਤਰਰਾਸ਼ਟਰੀ ਮਾਮਲਿਆਂ ਦੇ ਜਾਣਕਾਰ ਜਿਵੇਂ ਵੀ ਦੇਖਣ ਲੇਕਿਨ ਟਵਿੱਟਰ 'ਤੇ ਲੋਕਾਂ ਨੇ ਬਿਨ੍ਹਾਂ ਕਿਸੇ ਦੇਰੀ ਦੇ ਆਪਣੀ ਰਾਏ ਦੇਣੀ ਸ਼ੁਰੂ ਵੀ ਕਰ ਦਿੱਤੀ। ਕੁੱਝ ਦਾ ਕਹਿਣਾ ਸੀ ਕਿ ਟਰੰਪ ਦੀ ਬਾਡੀ ਲੈਂਗਵੇਜ਼ ਤੋਂ ਲੱਗ ਰਿਹਾ ਸੀ ਕਿ ਉਹ ਸਹਿਜ ਨਹੀਂ ਸਨ ਤਾਂ ਕੁੱਝ ਨੇ ਚੁਟਕੀ ਲੈਂਦੇ ਹੋਏ ਕਿਹਾ ਕਿ ਉਹ ਐਂਜੇਲਾ ਵਰਗੀ ਮਜਬੂਤ ਔਰਤ ਤੋਂ ਡਰ ਗਏ।

ਇੱਕ ਟਵਿੱਟਰ ਯੂਜ਼ਰ ਵੱਲੋਂ ਮਰਕੇਲ ਦੀ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀਆਂ ਅਤੇ ਵਰਤਮਾਨ ਰਾਸ਼ਟਰਪਤੀ ਨਾਲ ਮੁਲਾਕਾਤ ਦੀ ਵੀ ਤੁਲਨਾ ਕਰ ਦਿੱਤੀ ਗਈ-
ਉਂਜ ਇਸ ਦਾ ਇੱਕ ਪਹਿਲੂ ਇਹ ਵੀ ਹੋ ਸਕਦਾ ਹੈ ਕਿ ਹਾਲ ਹੀ ਵਿੱਚ ਡੋਨਲਡ ਟਰੰਪ ਦੇ ਹੱਥ ਮਿਲਾਉਣ ਦੇ ਅੰਦਾਜ਼ ਦੀ ਕਾਫ਼ੀ ਆਲੋਚਨਾ ਕੀਤੀ ਗਈ ਸੀ। ਅਜਿਹਾ ਕਿਹਾ ਜਾ ਰਿਹਾ ਸੀ ਕਿ ਉਨ੍ਹਾਂ ਦੇ ਹੱਥ ਮਿਲਾਉਣ ਦਾ ਤਰੀਕਾ ਕੁੱਝ ਅਜਿਹਾ ਹੈ ਜਿਸ ਦੇ ਨਾਲ ਅੰਤਰਰਾਸ਼ਟਰੀ ਨੇਤਾ ਵੀ ਅਸਹਿਜ ਹੋ ਜਾਂਦੇ ਹਨ।

 
ਅਜਿਹੇ ਵਿੱਚ ਹੋ ਸਕਦਾ ਹੈ ਕਿ ਇਸ ਨਿੰਦਾ ਨੂੰ ਸੁਣ ਕੇ ਡੋਨਾਲਡ ਟਰੰਪ ਨੇ ਸੋਚਿਆ ਕਿ ਇਸ ਤੋਂ ਚੰਗਾ ਹੱਥ ਹੀ ਨਾ ਮਿਲਾਇਆ ਜਾਵੇ. . .




[home] [1] 2  [prev.]1-5 of 7


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਖਾਲਸਾ ਸਕੂਲ ਵੱਲੋਂ ਪੰਜ ਰੋਜ਼ਾ ਗੁਰਮਤਿ ਕੈਂਪ ਲਗਾਇਆ ਗਿਆ
18.03.17 - ਡਾ. ਮਹਿੰਦਰ ਪਾਲ ਸਿੰਘ
ਖਾਲਸਾ ਸਕੂਲ ਵੱਲੋਂ ਪੰਜ ਰੋਜ਼ਾ ਗੁਰਮਤਿ ਕੈਂਪ ਲਗਾਇਆ ਗਿਆ



ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਸਪਰਿੰਗ ਬ੍ਰੇਕ ਦੌਰਾਨ ਬ੍ਰਿਟਿਸ਼ ਕੋਲੰਬੀਆ ਵਿਚ ਗੁਰਮਤਿ ਦੇ ਪ੍ਰਚਾਰ ਅਤੇ ਪ੍ਰਸਾਰ ਲਈ ਵੱਖ-ਵੱਖ ਥਾਂਵਾਂ 'ਤੇ ਗੁਰਮਤਿ ਕੈਂਪ ਲਗਾਏ ਗਏ।
ਇਨ੍ਹਾਂ ਕੈਂਪਾਂ ਵਿਚੋਂ ਇੱਕ 5 ਰੋਜ਼ਾ ਕੈਂਪ ਗੁਰਦਵਾਰਾ ਬਾਬਾ ਬੰਦਾ ਸਿੰਘ ਬਹਾਦਰ ਐਬੋਟਸਫੋਰਟ ਵਿਖੇ 13 ਮਾਰਚ ਤੋਂ 17 ਮਾਰਚ ਤੱਕ ਲਗਾਇਆ ਗਿਆ।
ਗੁਰਦਵਾਰਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਦੇ ਸਹਿਯੋਗ ਨਾਲ ਇਹ ਕੈਂਪ ਖਾਲਸਾ ਸਕੂਲ ਵੱਲੋਂ ਲਗਾਇਆ ਗਿਆ। ਕੈਂਪ ਵਿਚ ਗੁਰਬਾਣੀ, ਕੀਰਤਨ, ਪੰਜਾਬੀ, ਸਿੱਖ ਹਿਸਟਰੀ, ਤਬਲਾ ਆਦਿ ਦੀ ਮੁੱਢਲੀ ਜਾਣਕਾਰੀ ਬੱਚਿਆਂ ਨੂੰ ਦਿੱਤੀ ਗਈ।
ਡਾ. ਮਹਿੰਦਰਪਾਲ ਸਿੰਘ ਦੀ ਅਗਵਾਈ ਹੇਠ ਖਾਲਸਾ ਸਕੂਲ ਦੇ ਟੀਚਰ ਕਮਲਜੀਤ ਕੌਰ ਤਾਤਲਾ, ਸਾਜਨਬੀਰ ਕੌਰ, ਨਾਨਕ ਸਿੰਘ ਅਤੇ ਕੁਲਬੀਰ ਸਿੰਘ ਦੀ ਟੀਮ ਨੇ ਇਸ ਕੈਂਪ ਵਿਚ ਬੱਚਿਆਂ ਨੂੰ ਬੜੇ ਹੀ ਸੁਚੱਜੇ ਢੰਗ ਨਾਲ ਗੁਰਮਤਿ ਨਾਲ ਜੋੜਿਆ ਅਤੇ ਗੁਰਮਤਿ ਦੀ ਮੁੱਢਲੀ ਜਾਣਕਾਰੀ ਦਿੱਤੀ ਜਿਸ ਦੀ ਸੰਗਤਾਂ ਵੱਲੋਂ ਖੂਬ ਤਾਰੀਫ ਕੀਤੀ ਗਈ।
ਗੁਰਮਤਿ ਸਿਖਲਾਈ ਦੇ ਨਾਲ-ਨਾਲ ਬੱਚਿਆਂ ਦੇ ਲਈ ਖੇਡਣ ਦਾ ਵੀ ਪ੍ਰਬੰਧ ਵੀ ਕੀਤਾ ਗਿਆ। ਲੰਗਰ ਵਿਚ ਵੀ ਬੱਚਿਆਂ ਲਈ ਵੱਖ-ਵੱਖ ਤਰ੍ਹਾਂ ਦੇ ਪਕਵਾਨ ਸੰਗਤਾਂ ਅਤੇ ਗੁਰਦਵਾਰਾ ਕਮੇਟੀ ਵੱਲੋਂ ਵਰਤਾਏ ਗਏ।
ਲੱਗਭੱਗ 100 ਤੋਂ ਵੱਧ ਬੱਚਿਆਂ ਅਤੇ ਵਲੰਟੀਅਰਜ਼ ਨੇ ਇਸ ਕੈਂਪ ਵਿਚ ਭਾਗ ਲਿਆ। ਸਕੂਲ ਵੱਲੋਂ ਬੱਚਿਆਂ ਨੂੰ ਇਨਾਮ ਅਤੇ ਸਰਟੀਫਿਕੇਟ ਨਾਲ ਸਨਮਾਨਿਤ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਸਕੂਲ ਵੱਲੋਂ ਟੀ-ਸ਼ਰਟ ਵੀ ਦਿੱਤੀਆਂ ਗਈਆਂ।
ਕੈਂਪ ਦੌਰਾਨ ਅੰਮ੍ਰਿਤ ਪ੍ਰਚਾਰ ਨਾਲ ਬੱਚਿਆਂ ਨੂੰ ਜੋੜਦਿਆਂ 4 ਬੱਚਿਆਂ ਨੂੰ ਅੰਮ੍ਰਿਤ ਛਕਣ ਵਾਸਤੇ ਤਿਆਰ ਕਰ ਲਿਆ ਗਿਆ ਹੈ ਅਤੇ ਉਨ੍ਹਾਂ ਨੂੰ 24 ਮਾਰਚ ਨੂੰ ਅੰਮ੍ਰਿਤ ਛਕਾਇਆ ਜਾਵੇਗਾ।




[home] [1] 2  [prev.]1-5 of 7


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 







MOST VISITED
YOU MAY LIKE

TOPIC CLOUD

TAGS CLOUD

ARCHIVE




Copyright © 2016-2017










NEWS LETTER