ਵਿਦੇਸ਼

Monthly Archives: DECEMBER 2016


ਭਾਰਤ ਨੂੰ ਮਿਲ ਸਕਦਾ ਹੈ ਨਵੇਂ ਸਾਲ ਦਾ ਤੋਹਫ਼ਾ, ਹੋ ਸਕਦੀ ਹੈ ਐੱਨ.ਐੱਸ.ਜੀ. ਵਿਚ ਐਂਟਰੀ
29.12.16 - ਪੀ ਟੀ ਟੀਮ
ਭਾਰਤ ਨੂੰ ਮਿਲ ਸਕਦਾ ਹੈ ਨਵੇਂ ਸਾਲ ਦਾ ਤੋਹਫ਼ਾ, ਹੋ ਸਕਦੀ ਹੈ ਐੱਨ.ਐੱਸ.ਜੀ. ਵਿਚ ਐਂਟਰੀ



ਅਮਰੀਕਾ ਸਥਿਤ ਆਰਮ ਕੰਟਰੋਲ ਐਸੋਸੀਏਸ਼ਨ ਨੇ ਨਿਊਕਲੀਅਰ ਸਪਲਾਇਰ ਗਰੁੱਪ ਵਿੱਚ ਨਵੇਂ ਦੇਸ਼ਾਂ ਦੀ ਮੈਂਬਰਸ਼ਿਪ ਨੂੰ ਲੈ ਕੇ ਓਬਾਮਾ ਪ੍ਰਸ਼ਾਸਨ ਨੂੰ ਚਿਤਾਵਨੀ ਦਿੱਤੀ ਹੈ। ਸੂਤਰਾਂ ਦੇ ਮੁਤਾਬਿਕ, ਐੱਨ.ਐੱਸ.ਜੀ. ਦੀ ਮੈਂਬਰਸ਼ਿਪ ਲਈ ਜੋ ਦਸਤਾਵੇਜ਼ ਤਿਆਰ ਕੀਤੇ ਗਏ ਹਨ ਉਸ ਵਿੱਚ ਭਾਰਤ ਨੂੰ ਸ਼ਾਮਿਲ ਕਰਨ ਦੀ ਗੱਲ ਕਹੀ ਗਈ ਹੈ, ਉਥੇ ਹੀ ਪਾਕਿਸ‍ਤਾਨ ਨੂੰ ਇਸ ਤੋਂ ਬਾਹਰ ਰੱਖਣ ਦੀ ਵਕਾਲਤ ਕੀਤੀ ਗਈ ਹੈ।

ਪਿਛਲੇ ਹਫਤੇ, ਅਮਰੀਕੀ ਮੀਡੀਆ ਦੇ ਹਵਾਲੇ ਤੋਂ ਖਬਰ ਆਈ ਸੀ ਕਿ ਐੱਨ.ਐੱਸ.ਜੀ. ਦੇ ਸਾਬਕਾ ਚੇਅਰਮੈਨ ਰਾਫੇਲ ਮੈਰਿਆਨੋ ਦੁਆਰਾ ਤਿਆਰ ਦੋ ਪੰਨਿਆਂ ਦੇ ਦਸਤਾਵੇਜ਼ ਵਿੱਚ ਸਾਫ ਕੀਤਾ ਗਿਆ ਹੈ ਕਿ ਕਿਸ ਤਰ੍ਹਾਂ ਭਾਰਤ ਅਤੇ ਪਾਕਿਸ‍ਤਾਨ ਵਰਗੇ ਐੱਨ.ਪੀ.ਟੀ. (ਨਾਨ ਪ੍ਰੋਲੀਫਰੇਸ਼ਨ ਟ੍ਰੀਟੀ) ਦੇਸ਼ ਐੱਨ.ਐੱਸ.ਜੀ ਵਿੱਚ ਸ਼ਾਮਿਲ ਹੋ ਸਕਦੇ ਹਨ। ਰਾਫੇਲ, ਐੱਨ.ਐੱਸ.ਜੀ. ਦੇ ਵਰਤਮਾਨ ਚੇਅਰਮੈਨ ਸਾਂਨ‍ਗ ਯੰਗ ਵਾਨ ਵੱਲੋਂ ਕੰਮ ਕਰ ਰਹੇ ਹਨ ਅਤੇ ਉਨ੍ਹਾਂ ਦੇ ਇਸ ਦਸਤਾਵੇਜ਼ ਨੂੰ ਆਧਿਕਾਰਿਕ ਦਰਜਾ ਹਾਸਲ ਹੈ।

ਸੂਤਰਾਂ ਦੀ ਮੰਨੀਏ ਤਾਂ ਐੱਨ.ਪੀ.ਟੀ. ਵਿੱਚ ਪਾਕਿਸ‍ਤਾਨ ਦੇ ਸ਼ਾਮਿਲ ਹੋਣ ਦੇ ਮਾਮਲੇ ਵਿੱਚ ਭਾਰਤ ਉਸ ਦਾ ਰਾਸ‍ਤਾ ਨਾ ਰੋਕੇ, ਇਸ ਖਾਤਰ ਰਾਫੇਲ ਨੇ ਇੱਕ ਪ੍ਰਸਤਾਅ ਦਿੱਤਾ ਸੀ। ਇਸ ਵਿੱਚ ਕਿਹਾ ਗਿਆ ਸੀ ਕਿ ਇੱਕ ਗੈਰ ਐੱਨ.ਪੀ.ਟੀ. ਮੈਂਬਰ ਦੇਸ਼ ਨੂੰ ਇਸ ਗੱਲ ਉੱਤੇ ਸਹਿਮਤ ਹੋਣਾ ਚਾਹੀਦਾ ਹੈ ਕਿ ਉਹ ਅਜਿਹੇ ਕਿਸੇ ਦੂਜੇ ਗੈਰ ਐੱਨ.ਪੀ.ਟੀ. ਮੈਂਬਰ ਦੇਸ਼ ਦੇ ਰਸ‍ਤੇ ਵਿੱਚ ਰੁਕਾਵਟ ਨਾ ਬਣੇ।

ਕਿਸੇ ਵੀ ਦੇਸ਼ ਨੂੰ ਐੱਨ.ਐੱਸ.ਜੀ. ਦੀ ਮੈਂਬਰਸ਼ਿਪ ਲਈ ਐੱਨ.ਪੀ.ਟੀ. ਉੱਤੇ ਦਸਤਖ਼ਤ ਕਰਨਾ ਜ਼ਰੂਰੀ ਹੈ। ਭਾਰਤ, ਪਾਕਿਸ‍ਤਾਨ ਅਤੇ ਇਜ਼ਰਾਇਲ ਨੇ ਹੁਣ ਤੱਕ ਐੱਨ.ਪੀ.ਟੀ. ਉੱਤੇ ਦਸਤਖ਼ਤ ਨਹੀਂ ਕੀਤੇ ਹਨ। ਇਸ ਨੂੰ ਆਧਾਰ ਬਣਾ ਕੇ ਚੀਨ ਸਮੇਤ ਕੁੱਝ ਦੇਸ਼ ਐੱਨ.ਐੱਸ.ਜੀ. ਵਿੱਚ ਭਾਰਤ ਦੀ ਐਂਟਰੀ ਦਾ ਵਿਰੋਧ ਕਰ ਰਹੇ ਹਨ। ਹਾਲਾਂਕਿ, ਕੀਮਬਾਲ ਨੇ ਕਿਹਾ ਕਿ ਰਾਫੇਲ ਨੇ ਜੋ ਫਾਰਮੂਲਾ ਸੁਝਾਇਆ ਹੈ, ਉਸ ਦੇ ਆਧਾਰ ਉੱਤੇ ਭਾਰਤ ਇਹ ਦਾਅਵਾ ਕਰ ਸਕਦਾ ਹੈ ਕਿ ਉਸ ਨੇ ਸਦੱਸਤਾ ਦੀ ਖਾਤਰ ਜ਼ਰੂਰੀ ਸਾਰੇ ਕਦਮ ਚੁੱਕ ਲਏ ਹਨ। ਇਸ ਵਜ੍ਹਾ ਨਾਲ ਭਾਰਤ ਨੂੰ ਐੱਨ.ਐੱਸ.ਜੀ. ਵਿੱਚ ਐਂਟਰੀ ਮਿਲ ਸਕਦੀ ਹੈ ਅਤੇ ਪਾਕਿਸ‍ਤਾਨ ਇਸ ਤੋਂ ਬਾਹਰ ਹੋ ਸਕਦਾ ਹੈ।




[home] [1] 2 3 4  [prev.]1-5 of 19


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਕ੍ਰਿਸਮਸ ਵਾਲੇ ਦਿਨ ਮਹਿਲਾ ਮਿੱਤਰ ਵੱਲੋਂ ਜ਼ਖਮੀ 26 ਸਾਲਾ ਨੌਜਵਾਨ ਦੀ ਹੋਈ ਮੌਤ
27.12.16 - ਹਰਜਿੰਦਰ ਸਿੰਘ ਬਸਿਆਲਾ
ਕ੍ਰਿਸਮਸ ਵਾਲੇ ਦਿਨ ਮਹਿਲਾ ਮਿੱਤਰ ਵੱਲੋਂ ਜ਼ਖਮੀ 26 ਸਾਲਾ ਨੌਜਵਾਨ ਦੀ ਹੋਈ ਮੌਤ



ਇਸ ਵਾਰ ਆਕਲੈਂਡ ਵਿਖੇ ਕ੍ਰਿਸਮਸ ਅਤੇ ਨਵੇਂ ਸਾਲ ਦੇ ਜਸ਼ਨਾਂ ਦੌਰਾਨ ਇਕ ਹਰਿਆਣਵੀ ਮੁੰਡੇ ਦੀ ਮੌਤ ਨਾਲ ਭਾਰਤੀ ਭਾਈਚਾਰੇ ਵਿਚ ਮਾਤਮ ਪਨਪ ਪਿਆ ਹੈ। 26 ਸਾਲਾ ਹਰਦੀਪ ਸਿੰਘ ਨਾਂਅ ਦਾ ਹਰਿਆਣਵੀ ਮੁੰਡਾ ਕ੍ਰਾਈਸਟਚਰਚ ਸ਼ਹਿਰ ਦੇ ਕੈਸ਼ਮੀਰ ਖੇਤਰ 'ਚ ਰਹਿੰਦਾ ਸੀ। ਛਪੀਆਂ ਖਬਰਾਂ ਅਨੁਸਾਰ ਉਸ ਦੀ ਮਹਿਲਾ ਮਿੱਤਰ ਨੇ ਹੀ ਕਿਸੇ ਗੱਲੋਂ ਗੁੱਸੇ ਹੋ ਕੇ ਕ੍ਰਿਸਮਸ ਵਾਲੇ ਦਿਨ ਉਸ ਉਤੇ ਚਾਕੂ ਨਾਲ ਵਾਰ ਕਰ ਦਿੱਤਾ।

ਇਕ 22 ਸਾਲਾ ਔਰਤ (ਫ੍ਰੈਚਹੇਸਕਾ ਕੋਰੋਰੀਆ ਬੋਰੈਲ) ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ, ਜਿਸ ਉਤੇ ਪਹਿਲਾਂ ਜ਼ਖਮੀ ਅਤੇ ਬੁਰੀ ਤਰ੍ਹਾਂ ਸਰੀਰਕ ਨੁਕਸਾਨ ਪਹੁੰਚਾਉਣ ਦੇ ਦੋਸ਼ ਸਨ, ਪਰ ਹੁਣ ਇਨ੍ਹਾਂ ਦੋਸ਼ਾਂ ਨੂੰ ਕਤਲ ਦੇ ਕੇਸ ਵਿਚ ਪੁਲਿਸ ਬਦਲ ਸਕਦੀ ਹੈ। ਇਸ ਔਰਤ ਨੂੰ ਅੱਜ ਅਦਾਲਤ ਦੇ ਵਿਚ ਪੇਸ਼ ਕੀਤਾ ਗਿਆ ਸੀ, ਜਿਸ ਦੌਰਾਨ ਉਸ ਨੇ ਜ਼ਖਮੀ ਕਰਨ ਵਾਲਾ ਆਪਣਾ ਗੁਨਾਹ ਕਬੂਲ ਕਰ ਲਿਆ ਸੀ।

ਹਰਦੀਪ ਸਿੰਘ ਦੋ ਕੁ ਸਾਲ ਪਹਿਲਾਂ ਇਥੇ ਪੜ੍ਹਨ ਆਇਆ ਸੀ ਅਤੇ ਇਸ ਵੇਲੇ ਜਾਬ ਸਰਚ ਵੀਜ਼ੇ ਉਤੇ ਦੱਸਿਆ ਜਾ ਰਿਹਾ ਹੈ। ਉਸਦਾ ਪਿੰਡ ਰਣੀਆ (ਸਿਰਸਾ) ਸੀ। ਕ੍ਰਾਈਸਟਚਰਚ ਵਿਖੇ ਇਕ ਸਹਾਇਤਾ ਫੰਡ ਵੀ ਖੋਲ੍ਹਿਆ ਗਿਆ ਹੈ ਤਾਂ ਕਿ ਇਕੱਤਰ ਪੈਸਿਆਂ ਨਾਲ ਉਸ ਦਾ ਮ੍ਰਿਤਕ ਸਰੀਰ ਇੰਡੀਆ ਭੇਜਿਆ ਜਾ ਸਕੇ। ਉਸ ਦੇ ਭਰਾ ਨੂੰ ਪੁਲਿਸ ਨੇ ਸੂਚਿਤ ਕਰ ਦਿੱਤਾ ਹੈ।




[home] [1] 2 3 4  [prev.]1-5 of 19


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਇੰਝ ਲਿਆ ਬਦਲਾ ਬਕਾਇਆ ਨਾ ਦੇਣ ਦਾ: ਰੈਸਟੋਰੈਂਟ ਦੇ ਸਾਹਮਣੇ ਟਰੱਕ ਭਰ ਕੇ ਗੰਦ ਸੁੱਟਿਆ
25.12.16 - ਹਰਜਿੰਦਰ ਸਿੰਘ ਬਸਿਆਲਾ
ਇੰਝ ਲਿਆ ਬਦਲਾ ਬਕਾਇਆ ਨਾ ਦੇਣ ਦਾ: ਰੈਸਟੋਰੈਂਟ ਦੇ ਸਾਹਮਣੇ ਟਰੱਕ ਭਰ ਕੇ ਗੰਦ ਸੁੱਟਿਆ



ਸੈਂਡਰਿੰਗਮ ਦੇ ਵਿਚ ਇਕ ਭਾਰਤੀ ਰੈਸਟੋਰੈਂਟ 'ਐਗਜ਼ੋਟਿਕ ਸਵੀਟਸ ਐਂਡ ਸਨੈਕਸ' ਕੋਲੋਂ ਇਕ ਟਰੱਕਿੰਗ ਕੰਪਨੀ ਨੇ ਆਪਣਾ ਬਕਾਇਆ ਜੋ ਕਿ 30,000 ਡਾਲਰ ਦੇ ਕਰੀਬ ਹੈ, ਲੈਣਾ ਸੀ, ਪਰ ਨਾ ਮਿਲਣ ਦੇ ਰੋਸ ਵਜੋਂ ਬਦਲਾ ਲੈਂਦਿਆਂ ਟਰੱਕ ਕੰਪਨੀ ਦੇ ਮਾਲਕ ਨੇ ਅੱਜ ਸਵੀਟ ਸ਼ਾਪ ਦੇ ਮੂਹਰੇ ਗੰਦ ਦੇ ਢੇਰ ਲਾ ਦਿੱਤੇ। ਇਹ ਗੰਦਗੀ ਬਹੁਤ ਹੀ ਬੁਦਬੂਦਾਰ ਹੈ ਜਿਸ ਕਾਰਣ ਇਥੇ ਕੋਈ ਗਾਹਕ ਆਉਣਾ ਪਸੰਦ ਨਹੀਂ ਕਰੇਗਾ, ਜੋ ਕਿ ਗੰਦ ਸੁੱਟਣ ਦਾ ਮਨੋਰਥ ਹੈ।

ਟਰੱਕ ਕੰਪਨੀ ਦੇ ਮਾਲਕ ਨੇ ਕਿਹਾ ਹੈ ਕਿ ਜੇਕਰ ਉਸ ਨੇ ਤੁਰੰਤ ਪੈਸੇ ਨਾ ਚੁਕਾਏ ਤਾਂ ਅਗਲੇ ਮੰਗਲਵਾਰ ਦੁਬਾਰਾ ਫਿਰ ਹੋਰ ਗੰਦ ਸੁੱਟਿਆ ਜਾਵੇਗਾ।

ਰੈਸਟੋਰੈਂਟ ਦੇ ਨਿਰਦੇਸ਼ਕ ਜਸਪਾਲ ਸਿੰਘ ਦੀ ਪਤਨੀ ਜਸਮੀਤ ਕੌਰ ਨੇ ਇਸ ਹਰਕਤ ਨੂੰ ਮੂਰਖਤਾ ਭਰਿਆ ਦੱਸਿਆ ਹੈ।

ਘਟਨਾ ਨੇ ਪੂਰੇ ਸ਼ਹਿਰ ਵਿਚ ਤੂਲ ਫੜ ਲਿਆ ਹੈ ਅਤੇ ਪੁਲਿਸ ਵੀ ਪਹੁੰਚ ਚੁੱਕੀ ਹੈ। ਬੁਦਬੂ ਨਾਲ ਆਲੇ-ਦੁਆਲੇ ਦੇ ਲੋਕਾਂ ਨੂੰ ਵੀ ਕਾਫੀ ਪ੍ਰੇਸ਼ਾਨੀ ਹੋਵੇਗੀ।




[home] [1] 2 3 4  [prev.]1-5 of 19


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਕੈਨੇਡੀਅਨ ਔਰਤ ਨੇ ਹੈਂਡ ਬੈਗ ਵਿਚ ਲਿਆਂਦੀ ਬਿੱਲੀ ਪਰ ਫੜੀ ਗਈ, ਦੋਵੇਂ ਵਾਪਿਸ ਭੇਜੇ
22.12.16 - ਹਰਜਿੰਦਰ ਸਿੰਘ ਬਸਿਆਲਾ
ਕੈਨੇਡੀਅਨ ਔਰਤ ਨੇ ਹੈਂਡ ਬੈਗ ਵਿਚ ਲਿਆਂਦੀ ਬਿੱਲੀ ਪਰ ਫੜੀ ਗਈ, ਦੋਵੇਂ ਵਾਪਿਸ ਭੇਜੇ



ਬੀਤੇ ਕੱਲ੍ਹ ਆਕਲੈਂਡ ਅੰਤਰਰਾਸ਼ਟਰੀ ਹਵਾਈ ਅੱਡੇ ਉਤੇ ਇਕ ਕੈਨੇਡੀਅਨ ਔਰਤ ਜੋ ਕਿ ਆਪਣੇ ਹੈਂਡ ਬੈਗ ਵਿਚ ਇਕ ਜਿਉਂਦੀ ਜਾਗਦੀ ਬਿੱਲੀ ਲੈ ਕੇ ਆ ਰਹੀ ਸੀ, ਅਧਿਕਾਰੀਆਂ ਨੇ ਫੜ ਲਈ।

ਇਸ ਔਰਤ ਨੇ ਡੈਕਲਾਰੇਸ਼ਨ ਵਿਚ ਇਹ ਹੀ ਲਿਖਿਆ ਸੀ ਕਿ ਉਸ ਕੋਲ ਗੰਦੇ ਜਿਹੇ ਬੂਟ ਹਨ। ਜਦੋਂ ਇਹ ਬੈਗ ਐਕਸ-ਰੇਅ ਵਿਚ ਲੰਘਿਆ ਤਾਂ ਅਧਿਕਾਰੀਆਂ ਨੇ ਬਾਇਓ ਸਿਕਿਓਰਿਟੀ ਤੋਂ ਅਗਲੀ ਜਾਂਚ ਵਾਸਤੇ ਭੇਜਣ ਵਾਸਤੇ ਕਿਹਾ। ਆਪਣੇ ਆਪ ਨੂੰ ਫਸਦੀ ਵੇਖ ਕੇ ਉਸ ਨੇ ਬਿੱਲੀ ਦਾ ਰਾਜ ਖੋਲ੍ਹ ਦਿੱਤਾ।

ਅਧਿਕਾਰੀਆਂ ਨੇ ਉਸ ਨੂੰ 'ਕੈਟ ਸਮਗਲਿੰਗ' ਦੇ ਦੋਸ਼ ਅਧੀਨ ਦੇਸ਼ ਅੰਦਰ ਦਾਖਲ ਹੋਣ ਤੋਂ ਮਨ੍ਹਾਂ ਕਰ ਦਿੱਤਾ ਅਤੇ ਵਾਪਸੀ ਏਅਰ ਫਲਾਈਟ ਵਿਚ ਕੈਨੇਡਾ ਬੇਰੰਗ ਡਾਕ ਵਾਂਗ ਭੇਜ ਦਿੱਤਾ।




[home] [1] 2 3 4  [prev.]1-5 of 19


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਚੀਨ ਨੇ ਭਾਰਤ ਨੂੰ ਕਿਹਾ ਵਿਗੜਿਆ ਬੱਚਾ, ਦਿੱਤੀ ਨਸੀਹਤ
22.12.16 - ਪੀ ਟੀ ਟੀਮ
ਚੀਨ ਨੇ ਭਾਰਤ ਨੂੰ ਕਿਹਾ ਵਿਗੜਿਆ ਬੱਚਾ, ਦਿੱਤੀ ਨਸੀਹਤ



ਤਿੱਬਤੀ ਧਰਮ ਗੁਰੂ ਦਲਾਈ ਲਾਮਾ ਨੂੰ ਲੈ ਕੇ ਚੀਨ ਨੇ ਭਾਰਤ ਨੂੰ ਚੇਤਾਵਨੀ ਦਿੱਤੀ ਹੈ। ਬੀਜਿੰਗ ਦੇ ਸਰਕਾਰੀ ਮੀਡੀਆ ਨੇ ਕਿਹਾ, "ਨਵੀਂ ਦਿੱਲੀ ਨੂੰ ਵਿਗੜੇ ਬੱਚੇ ਦੀ ਤਰ੍ਹਾਂ ਵਿਹਾਰ ਕਰਨਾ ਬੰਦ ਕਰ ਦੇਣਾ ਚਾਹੀਦਾ ਹੈ। ਚੀਨ ਨੇ ਵਨ-ਚਾਈਨਾ ਪਾਲਿਸੀ ਉੱਤੇ ਅਮਰੀਕਾ ਦੇ ਪ੍ਰੈਜ਼ੀਡੈਂਟ-ਇਲੈਕਟ ਡੋਨਾਲਡ ਟਰੰਪ ਨੂੰ ਜਿਸ ਤਰ੍ਹਾਂ ਹੈਂਡਲ ਕੀਤਾ, ਉਸ ਤੋਂ ਭਾਰਤ ਨੂੰ ਸਬਕ ਲੈਣਾ ਚਾਹੀਦਾ ਹੈ।"

ਦਲਾਈ ਲਾਮਾ ਨੇ ਹਾਲ ਹੀ ਵਿੱਚ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਨਾਲ ਮੁਲਾਕਾਤ ਕੀਤੀ ਸੀ। ਚੀਨ ਇਸ ਗੱਲ ਉੱਤੇ ਭੜਕਿਆ ਹੋਇਆ ਹੈ। ਨਿਊਜ਼ ਏਜੰਸੀ ਦੇ ਮੁਤਾਬਿਕ, ਚੀਨ ਦੇ ਸਰਕਾਰੀ ਅਖਬਾਰ 'ਗਲੋਬਲ ਟਾਈਮਸ' ਦੇ ਇੱਕ ਆਰਟੀਕਲ ਵਿੱਚ ਲਿਖਿਆ ਹੈ, ਕੁੱਝ ਮੌਕਿਆਂ ਉੱਤੇ ਭਾਰਤ ਇੱਕ ਵਿਗੜੇ ਬੱਚੇ ਦੀ ਤਰ੍ਹਾਂ ਵਰਤਾਓ ਕਰਦਾ ਹੈ, ਦੁਨੀਆ ਦੀ ਸਭ ਤੋਂ ਵੱਡੀ ਡੈਮੋਕਰੇਸੀ ਦਾ ਤਾਜ ਰੱਖਣ ਵਾਲੇ ਲਈ ਇਹ ਠੀਕ ਨਹੀਂ ਹੈ।

ਭਾਰਤ ਦੇ ਕੋਲ ਇੱਕ ਮਹਾਨ ਦੇਸ਼ ਬਣਨ ਦੀ ਸਮਰੱਥਾ ਹੈ, ਲੇਕਿਨ ਉਸ ਦਾ ਦ੍ਰਿਸ਼ਟੀਕੋਣ ਕਲੀਅਰ ਨਹੀਂ ਹੈ। ਭਾਰਤ ਨੂੰ ਤਾਇਵਾਨ ਉੱਤੇ ਬੀਜਿੰਗ ਅਤੇ ਟਰੰਪ ਦੀ ਹਾਲ ਵਿੱਚ ਹੋਈ ਮੁਲਾਕਾਤ ਨਾਲ ਕੁੱਝ ਸਬਕ ਲੈਣਾ ਚਾਹੀਦਾ ਹੈ।

ਅਖਬਾਰ ਨੇ ਕਿਹਾ, 'ਚੀਨ ਦੀ ਪ੍ਰਭੁਤਾ, ਅਖੰਡਤਾ ਅਤੇ ਰਾਸ਼ਟਰੀ ਏਕਤਾ ਨੂੰ ਕੋਈ ਛੂ ਤੱਕ ਨਹੀਂ ਸਕਦਾ। ਝੰਝਟ ਵਿੱਚ ਪੈਣ ਤੋਂ ਪਹਿਲਾਂ ਅਮਰੀਕਾ 2 ਵਾਰ ਸੋਚਦਾ ਹੈ। ਭਾਰਤ, ਮੰਗੋਲੀਆ ਨੂੰ ਇੱਕ ਬਿਲੀਅਨ ਡਾਲਰ ਦੀ ਮਦਦ ਦੇ ਰਿਹਾ ਹੈ, ਇਸ ਦੇ ਬਾਵਜੂਦ ਬੀਜਿੰਗ ਨੇ ਉਲਾਨਬਤਾਰ (ਮੰਗੋਲੀਆ ਦੀ ਰਾਜਧਾਨੀ) ਉੱਤੇ ਦਬਾਅ ਪਾ ਕੇ ਪਿਛਲੇ ਮਹੀਨੇ ਉੱਥੇ ਦਲਾਈ ਲਾਮਾ ਦੀ ਮੇਜਬਾਨੀ ਉੱਤੇ ਰੋਕ ਦਿੱਤੀ। ਭਾਰਤ ਵਿੱਚ ਮੰਗੋਲੀਆ ਦੇ ਅੰਬੈਸਡਰ ਨੇ ਚੀਨ ਦੇ ਦਬਾਅ ਨੂੰ ਕਾਊਂਟਰ ਕਰਨ ਵਿੱਚ ਮਦਦ ਮੰਗੀ ਸੀ, ਲੇਕਿਨ ਫਿਰ ਵੀ ਮੰਗੋਲੀਅਨ ਸਰਕਾਰ ਨੇ ਦਲਾਈ ਲਾਮਾ ਨੂੰ ਆਪਣੇ ਇੱਥੇ ਦੁਬਾਰਾ ਇਨਵਾਈਟ ਨਾ ਕਰਨ ਦਾ ਵਾਅਦਾ ਕੀਤਾ ਹੈ।'

ਟਰੰਪ ਨੇ ਇਸ ਮਹੀਨੇ ਤਾਇਵਾਨ ਦੇ ਪ੍ਰੈਜ਼ੀਡੈਂਟ ਤਸਾਈ ਇੰਗ-ਵੇਨ ਨਾਲ ਫੋਨ ਉੱਤੇ ਗੱਲ ਕੀਤੀ ਸੀ। ਜਿਸ ਉੱਤੇ ਚੀਨ ਨੇ ਇਤਰਾਜ਼ ਜਤਾਇਆ ਸੀ। ਚੀਨ ਨੇ ਟਰੰਪ ਦੇ ਉਸ ਕਦਮ ਨੂੰ ਆਪਣੀ ਵਨ ਚਾਈਨਾ ਪਾਲਿਸੀ ਉੱਤੇ ਅਮਰੀਕਾ ਦੇ ਪਹਿਲੇ ਦੇ ਰੁੱਖ ਵਿੱਚ ਬਦਲਾਅ ਦੇ ਤੌਰ ਉੱਤੇ ਵੇਖਿਆ। ਚੀਨ ਨੇ ਅਮਰੀਕਾ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਉਹ ਇਸ ਪਾਲਿਸੀ ਉੱਤੇ ਆਪਣੇ ਪਹਿਲਾਂ ਦੇ ਰੁੱਖ ਨੂੰ ਨਾ ਬਦਲੇ।

ਦਰਅਸਲ, ਚੀਨ ਇਹ ਮੰਨਦਾ ਹੈ ਕਿ ਤਾਇਵਾਨ ਉਸਦਾ ਹਿੱਸਾ ਹੈ ਜੋ ਉਸ ਤੋਂ ਵੱਖ ਹੋ ਗਿਆ ਅਤੇ ਅਖੀਰ ਵਿੱਚ ਤਾਇਵਾਨ ਚੀਨ ਦਾ ਹੀ ਹਿੱਸਾ ਬਣ ਜਾਵੇਗਾ।




[home] [1] 2 3 4  [prev.]1-5 of 19


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 







MOST VISITED
YOU MAY LIKE

TOPIC CLOUD

TAGS CLOUD

ARCHIVE




Copyright © 2016-2017










NEWS LETTER