Monthly Archives: MAY 2019

ਚੋਣਾਂ ਦੇ ਨਤੀਜੇ ਆ ਗਏ ਹਨ। ਦੇਸ਼ ਭਰ ਵਿੱਚ ਖਲਕਤ ਹੁਣ 303 ਵਾਰੀ ਮੋਦੀ-ਮੋਦੀ-ਮੋਦੀ ਉਚਾਰ ਰਹੀ ਹੈ। ਹਾਰੀ ਹੋਈ ਧਿਰ ਸੁੰਨ ਹੋਈ ਬੈਠੀ ਹੈ। ਇੰਜ ਜਾਪ ਰਿਹਾ ਹੈ ਜਿਵੇਂ ਕੋਈ ਮਿੱਟੀ ਚਿਰਾਂ ਬਾਅਦ ਕੁੱਟਿਆਂ ਭੁਰ ਗਈ ਹੋਵੇ। ਸਮਾਜਿਕ ਨਿਆਂ ਦੀ ਗੱਲ ਕਰਨ ਵਾਲੇ ਮੂੰਹ ਪਰਨੇ ਡਿੱਗੇ ਪਏ ਹਨ। ਲਖਨਊ ਤੋਂ ਰਾਏਸਿਨਾ ਪਹਾੜ ਵੱਲ ਨੂੰ ਤੁਰੇ ਜਾਂਦੇ ਹਾਥੀ ਨੂੰ ਭਗਵੀਂ ਝੰਡੀ ਵਿਖਾ ਥਾਏਂ ਰੋਕ ਦਿੱਤਾ ਗਿਆ ਹੈ। ਧਰਮ ਨਿਰਪੱਖਤਾ ਵਾਲੇ ਮਧੋਲੇ ਗਏ ਹਨ। ਰਾਜਨੀਤੀ ਵਿੱਚ ਲੋਹੀਆ ਦਾ ਜਾਪ ਕਰਨ ਵਾਲਿਆਂ ਦੀ ’ਵਾਜ ਨਹੀਂ ਨਿਕਲ ਰਹੀ। ਲਾਲ ਪਰਚਮ ਵਾਲੀ ਭੀੜ ਪਤਾ ਨਹੀਂ ਦਾਤੀ-ਹਥੌੜੇ ਕਿੱਥੇ ਵਿਸਾਰ, ਪਿੜ ਵਿੱਚੋਂ ਗਾਇਬ ਹੋਈ ਪਈ ਹੈ। ਬੰਗਾਲ ਦੀ ਖਾੜੀ ਵਾਲੇ ਪਾਸੇ ਪਰਿਵਰਤਨ ਮੂੰਹ ਨੂੰ ਆਇਆ ਪਿਆ ਏ। ਜਿਹੜਾ ਅੱਠ ਲੱਖ ਵੋਟਾਂ ਦੇ ਮਹਾਂ-ਫ਼ਰਕ ਨਾਲ ਜਿੱਤਿਆ, ਉਹ ਚਾਰੋਂ ਖਾਨੇ ਚਿੱਤ ਪਿਆ ਅਸਲੋਂ ਹਾਰਿਆ ਦਿਸ ਰਿਹਾ ਹੈ। ਨਯਾ ਹੁਕਮਨਾਮਾ ਦੇ ਤਸੱਵਰ ਅਨੁਸਾਰ ਪਾਰਲੀਮੈਂਟ ਵਿੱਚ ਲਗਭਗ ਦੋ ਤਿਹਾਈ ਫੁੱਲ ਹੁਣ ਯਕਰੰਗੀ ਹੀ ਖਿੜੇ ਹਨ।

ਚੁੱਪ ਦੀ ਆਵਾਜ਼ ਕਿਹੋ ਜਿਹੀ ਹੁੰਦੀ ਹੈ, ...