ਪੰਜਾਬ

Monthly Archives: MAY 2016


ਪਟਿਆਲਾ ਦੇ ਤ੍ਰਿਪੜੀ ਇਲਾਕੇ 'ਚੋਂ ਬੱਚਾ ਅਗਵਾ ਕਰਨ ਵਾਲੇ ਚਾਰ ਅਗਵਾਕਾਰ ਕਾਬੂ
25.05.16 - ਟੀਮ ਪੀ ਟੀ
ਪਟਿਆਲਾ ਦੇ ਤ੍ਰਿਪੜੀ ਇਲਾਕੇ  'ਚੋਂ ਬੱਚਾ ਅਗਵਾ ਕਰਨ ਵਾਲੇ ਚਾਰ ਅਗਵਾਕਾਰ ਕਾਬੂ



ਪਟਿਆਲਾ ਦੇ ਤ੍ਰਿਪੜੀ ਇਲਾਕੇ  'ਚੋਂ  ਬੀਤੀ 13 ਅਪਰੈਲ ਨੂੰ ਫਿਰੌਤੀ ਕਾਰਨ ਅਗਵਾ ਕੀਤੇ ਗਏ 13 ਸਾਲਾਂ ਦੇ ਬੱਚੇ ਮਨੀ ਦੇ ਮਾਮਲੇ ਦੀ ਪਟਿਆਲਾ ਪੁਲਿਸ ਵੱਲੋਂ ਗੁੱਥੀ  ਸੁਲਝਾ ਲਈ ਗਈ ਹੈ ਅਤੇ ਬੱਚੇ ਨੂੰ ਮਾਪਿਆਂ ਦੇ ਹਵਾਲੇ ਕਰਨ ਦੇ ਨਾਲ-ਨਾਲ  ਤ੍ਰਿਪੜੀ ਪੁਲਿਸ ਵੱਲੋਂ ਇਸ ਵਾਰਦਾਤ ਵਿੱਚ ਸ਼ਾਮਲ 4 ਦੋਸ਼ੀਆਂ ਨੂੰ ਕਾਬੂ ਕਰਨ ਵਿੱਚ ਸਫ਼ਲਤਾ ਹਾਸਲ ਕੀਤੀ ਹੈ। ਜਿਹਨਾਂ ਵਿੱਚੋਂ 2 ਦੋਸ਼ੀ ਗੁਜਰਾਤ ਤੋਂ ਕਾਬੂ ਕੀਤੇ ਗਏ। 
 
ਇਸ ਮਾਮਲੇ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਦਿੰਦਿਆਂ ਪਟਿਆਲਾ ਦੇ ਐਸ.ਐਸ.ਪੀ. ਸ਼੍ਰੀ ਗੁਰਮੀਤ ਸਿੰਘ ਚੌਹਾਨ ਨੇ ਦੱਸਿਆ ਕਿ ਮਿਤੀ 13/04/2016 ਨੂੰ ਮਨੀ ਪੁੱਤਰ ਦੇਸ ਰਾਜ ਵਾਸੀ ਗਲੀ ਨੰ 2 ਵਿਕਾਸ ਨਗਰ ਪਟਿਆਲਾ ਉਮਰ ਕਰੀਬ 13/14 ਸਾਲ ਦੁਪਿਹਰ ਸਮੇਂ ਕਿਤਾਬਾਂ ਲੈਣ ਲਈ ਤ੍ਰਿਪੜੀ ਬਜਾਰ ਪਟਿਆਲਾ ਆਇਆ ਸੀ ਜੋ ਵਾਪਸ ਘਰ ਨਹੀ ਗਿਆ ਸੀ ਜਿਸ ਦਾ ਮੋਬਾਇਲ ਫੋਨ ਨੰਬਰ 98551-35442 ਵੀ ਬੰਦ ਸੀ ਮਨੀ ਦੇ ਸਕੇ ਭਰਾ ਗੋਪਾਲ ਦਾਸ ਪੁੱਤਰ ਦੇਸ ਰਾਜ ਵਾਸੀ ਗਲੀ ਨੰ 2 ਵਿਕਾਸ ਨਗਰ ਪਟਿਆਲਾ ਨੇ ਪੁਲਿਸ ਨੂੰ ਇਤਲਾਹ ਦਿੱਤੀ ਸੀ ਕਿ ਉਸਦੇ ਭਰਾ ਮਨੀ ਉਮਰ ਕਰੀਬ 13/14 ਸਾਲ ਜੋ ਕਿ ਦੁਪਹਿਰ 2 ਵਜੇ ਤੋ ਘਰੋਂ ਗਿਆ ਹੈ ਵਾਪਸ ਨਹੀ ਆਇਆ ਤੇ ਰਾਤ 9 ਵਜੇ ਦੇ ਕਰੀਬ ਉਸ ਦੇ ਮੋਬਾਇਲ ਤੇ ਇੱਕ ਵਿਅਕਤੀ ਦੀ ਕਾਲ ਆਈ ਹੈ ਜਿਸ ਨੇ ਕਿ ਮਨੀ ਨੂੰ ਛੱਡਣ ਦੇ ਬਦਲੇ 10 ਲੱਖ ਰੁਪਏ ਦੀ ਫਿਰੋਤੀ ਦੀ ਮੰਗ ਕੀਤੀ ਹੈ ਐਸ.ਐਸ.ਪੀ. ਨੇ ਦੱਸਿਆ ਕਿ ਪੁਲਿਸ ਨੇ ਹਰਕਤ ਵਿੱਚ ਆਉਦੇ ਹੋਏ ਮੁਕੱਦਮਾ ਨੰ 93 ਮਿਤੀ 14/04/2016 ਅ/ਧ 364 ਥਾਣਾ ਤ੍ਰਿਪੜੀ ਪਟਿਆਲਾ ਦਰਜ ਕੀਤਾ ਗਿਆ ਸ਼੍ਰੀ ਚੌਹਾਨ ਨੇ ਦੱਸਿਆ ਕਿ ਮਨੀ ਦੀ ਭਾਲ ਵਿੱਚ ਪਟਿਆਲਾ ਪੁਲਿਸ ਦੀਆਂ ਵੱਖ ਵੱਖ ਟੀਮਾਂ ਐਸ ਪੀ ਸਿਟੀ ਸ਼੍ਰੀ ਦਲਜੀਤ ਸਿੰਘ ਰਾਣਾ ਦੀ ਅਗਵਾਈ ਵਿੱਚ ਮਾਨਸਾ ਅਤੇ ਬਰਨਾਲੇ ਦੇ ਏਰੀਏ ਵਿੱਚ 13 ਅਪ੍ਰੈਲ ਦੀ ਰਾਤ ਨੂੰ ਹੀ ਪਹੁੰਚ ਗਈਆ ਸਨ ਕਿਉਂਕਿ ਅਗਵਾਕਾਰਾਂ ਦਾ ਇਸ ਏਰੀਏ ਵਿੱਚ ਹੀ ਹੋਣ ਬਾਰੇ ਪੁਲਿਸ ਪਾਸ ਪੱਕੀ ਖਬਰ ਸੀ ਇਹਨਾਂ ਟੀਮਾਂ ਵਿੱਚ ਇੰਸਪੈਕਟਰ ਸ਼ਮਿੰਦਰ ਸਿੰਘ, ਐਸ.ਆਈ ਅਮ੍ਰਿਤਪਾਲ ਸਿੰਘ ਅਤੇ ਏ.ਐਸ.ਆਈ ਹਰਿੰਦਰ ਸਿੰਘ ਅਤੇ ਹੋਰ ਮੁਲਾਜਮ ਸਨ ਅਤੇ ਮਿਤੀ 14/04/2016 ਨੂੰ ਪੁਲਿਸ ਮਨੀ ਨੂੰ ਅਗਵਾਕਾਰਾਂ ਤੋ ਛੁਡਾਉਣ ਵਿੱਚ ਸਫਲ ਰਹੀ ਸੀ। ਅਗਵਾਕਾਰਾਂ ਵੱਲੋਂ ਪੁਲਿਸ ਦੇ ਦਬਾਅ ਦੇ ਡਰੋਂ ਮਨੀ ਨੂੰ 100 ਰੁਪਏ ਦੇ ਕੇ ਬਰਨਾਲਾ ਤੋਂ ਪਟਿਆਲਾ ਵਾਲੀ ਬੱਸ ਵਿੱਚ ਬਿਠਾ ਦਿੱਤਾ ਸੀ। 
 
ਸ਼੍ਰੀ ਚੌਹਾਨ ਨੇ ਦੱਸਿਆ ਕਿ ਲੜਕੇ ਮਨੀ ਨੂੰ ਛੁਡਾਉਣ ਤੋ ਬਾਅਦ ਪਟਿਆਲਾ ਪੁਲਿਸ ਬਹੁਤ ਹੀ ਬਰੀਕੀ ਨਾਲ ਇਸ ਕੇਸ ਦੇ ਅਗਵਾਕਾਰਾਂ ਨੂੰ ਲੱਭਣ ਲਈ ਜੁਟੀ ਹੋਈ ਸੀ ਇਸੇ ਦੌਰਾਨ ਹੀ ਪੁਲਿਸ ਨੂੰ ਬਰਨਾਲਾ ਸ਼ਹਿਰ ਵਿਖੇ ਉਸ ਜਗਾ ਦਾ ਪਤਾ ਲੱਗਾ ਜਿੱਥੇ ਕਿ ਮਨੀ ਨੂੰ ਅਗਵਾ ਕਰਕੇ 13/14 ਅਪ੍ਰੈਲ ਦੀ ਦਰਮਿਆਨੀ ਰਾਤ ਨੂੰ ਰੱਖਿਆ ਗਿਆ ਸੀ ਜਿਸ 'ਤੇ ਪੁਲਿਸ ਨੇ ਹਰਕਤ ਵਿੱਚ ਆਉਂਦੇ ਉਕਤ ਮੁਕੱਦਮੇ ਵਿੱਚ ਮਿਤੀ 02/05/2016 ਨੂੰ ਇੱਕ ਦੋਸ਼ੀ ਗੱਬੂ ਕੁਮਾਰ ਉਰਫ ਗੱਬਰ ਪੁੱਤਰ ਬਾਲੇਸ਼ਵਰ ਰਿਸ਼ੀ ਦੇਵ ਵਾਸੀ ਪਿੰਡ ਖਨਾਮਾ ਸ਼ੰਕਰ ਥਾਣਾ ਦਾਮਦਾਹਾ ਜ਼ਿਲ੍ਹਾ ਪੁਰਨੀਆਂ ਹੁਣ ਵਾਸੀ ਬਰਨਾਲਾ ਨੂੰ ਗ੍ਰਿਫਤਾਰ ਕੀਤਾ ਜਿਸ ਦੇ ਕਮਰੇ ਵਿੱਚ ਅਗਵਾਕਾਰਾਂ ਨੇ ਮਨੀ ਨੂੰ ਰੱਖਿਆ ਹੋਇਆ ਸੀ। ਐਸ.ਐਸ.ਪੀ. ਨੇ ਦੱਸਿਆ ਕਿ ਗ੍ਰਿਫਤਾਰੀ ਤੋਂ ਬਾਅਦ ਵਿੱਚ ਇਹ ਗੱਲ ਸਾਹਮਣੇ ਆਈ ਕਿ ਇਸ ਅਗਵਾ ਕਾਂਡ ਵਿੱਚ ਅਸ਼ੋਕ ਕੁਰਪ ਪੁੱਤਰ ਰਾਮਾ ਕ੍ਰਿਸ਼ਨ ਵਾਸੀ ਪਿੰਡ ਅਨੇਸਰੀ ਜਿਲ੍ਹਾ ਥ੍ਰੀਸੁਰ ਕੇਰਲਾ ਹੁਣ ਵਸਨੀਕ ਤਰਨਤਾਰਨ, ਨਵੀਨ ਕੁਮਾਰ ਉਰਫ ਕਰਨ ਪੁੱਤਰ ਰੋਸ਼ਨ ਲਾਲ ਵਾਸੀ ਖਨੂਆ ਜਿਲਾ ਪੂਰਨੀਆ ਹੁਣ ਵਸਨੀਕ ਬਰਨਾਲਾ, ਸਤਵਿੰਦਰ ਸਿੰਘ ਉਰਫ ਸੋਨੂੰ ਪੁੱਤਰ ਜਸਪਾਲ ਸਿੰਘ ਮਕਾਨ ਨੰ 126 ਗਲੀ ਨੰ 18 ਗੁਰੂ ਨਾਨਕ ਨਗਰ ਪਟਿਆਲਾ ਦਾ ਹੱਥ ਹੈ । ਸ਼੍ਰੀ ਚੌਹਾਨ ਨੇ ਦੱਸਿਆ ਕਿ ਬਾਕੀ ਦੋਸ਼ੀਆਂ ਅਸ਼ੋਕ, ਨਵੀਨ ਉਰਫ ਕਰਨ ਅਤੇ ਸਤਵਿੰਦਰ ਉਰਫ ਸੋਨੂੰ ਦੀ ਪਟਿਆਲਾ ਪੁਲਿਸ ਕਾਫੀ ਦੇਰ ਤੋ ਭਾਲ ਕਰ ਰਹੀ ਸੀ ਅਤੇ ਪੁਲਿਸ ਅੰਮ੍ਰਿਤਸਰ, ਬਰਨਾਲਾ, ਬਠਿੰਡਾ, ਅੰਬਾਲਾ, ਆਗਰਾ, ਭਰਤਪੁਰ (ਰਾਜਿਸਥਾਨ)ਆਦਿ ਥਾਵਾਂ 'ਤੇ ਦੋਸ਼ੀਆਂ ਦੀ ਤਲਾਸ਼ ਕਰ ਰਹੀ ਸੀ ਐਸ.ਐਸ.ਪੀ. ਨੇ ਦੱਸਿਆ ਕਿ ਇੰਸਪੈਕਟਰ ਸ਼ਮਿੰਦਰ ਸਿੰਘ ਦੀ ਅਗਵਾਈ ਵਿੱਚ ਸਬ ਇੰਸਪੈਕਟਰ ਅਮ੍ਰਿਤਪਾਲ ਸਿੰਘ ਅਤੇ ਏ ਐਸ ਆਈ ਹਰਿੰਦਰ ਸਿੰਘ ਦੀ ਪੁਲਿਸ ਪਾਰਟੀ ਪਾਸ ਪੱਕੀ ਸੂਚਨਾ ਸੀ ਕਿ ਅਸ਼ੋਕ ਕੁਰਪ ਅਤੇ ਨਵੀਨ ਉਰਫ ਕਰਨ ਅਹਿਮਦਾਬਾਦ (ਗੁਜਰਾਤ) ਵਿਖੇ ਹਨ ਜਿਸ 'ਤੇ ਇਹਨਾਂ ਨੂੰ ਮਿਤੀ 22/05/2016 ਨੂੰ ਅਹਿਮਦਾਬਾਦ (ਗੁਜਰਾਤ) ਤੋ ਗ੍ਰਿਫਤਾਰ ਕਰ ਲਿਆ ਹੈ ਜੋ ਅਸ਼ੋਕ ਕੁਰਪ ਅਤੇ ਨਵੀਨ ਉਰਫ ਕਰਨ ਨੂੰ ਪਟਿਆਲਾ ਪੁਲਿਸ ਨੇ ਗੁਜਰਾਤ ਤੋ ਰਾਹਦਾਰੀ ਰਿਮਾਂਡ ਹਾਸਲ ਕਰਕੇ ਲੈ ਆਦਾਂ ਹੈ ਅਤੇ ਇਹਨਾਂ ਦੇ ਸਾਥੀ ਤੀਸਰੇ ਦੋਸ਼ੀ ਸਤਵਿੰਦਰ ਸਿੰਘ ਉਰਫ ਸੋਨੂੰ ਨੂੰ ਵੀ ਪਟਿਆਲਾ ਤੋ ਗ੍ਰਿਫਤਾਰ ਕਰ ਲਿਆ ਹੈ।
 
ਸ਼੍ਰੀ ਚੌਹਾਨ ਨੇ ਅੱਗੇ ਹੋਰ ਦੱਸਿਆ ਕਿ ਤਫਤੀਸ਼ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਅਸ਼ੋਕ ਕੁਰਪ ਜੋ ਕਿ ਕੇਰਲਾ ਦਾ ਰਹਿਣ ਵਾਲਾ ਹੈ ਅਤੇ ਕੈਂਪਫੋਰਡ ਇੰਗਲਿਸ਼ ਕਾਲਜ ਤਰਨਤਾਰਨ ਵਿਖੇ ਪੜਾਉਂਦਾ ਸੀ ਜੋ ਕਿ ਆਪ ਵੀ ਕਾਫੀ ਪੜਿਆ ਲਿਖਿਆ ਹੈ ਅਤੇ ਐਮ.ਆਈ.ਟੀ. ਨਾਗਪੁਰ ਤੋਂ ਬੀ.ਟੈਕ ਦੀ ਡਿਗਰੀ ਕੀਤੀ ਹੋਈ ਹੈ ਅਤੇ ਇਸ ਦੇ ਨਾਲ ਨਵੀਨ ਉਰਫ ਕਰਨ ਵੀ ਇਸੇ ਇੰਸੀਟਿਊਟ ਵਿੱਚ ਕੁੱਕ ਦੇ ਤੌਰ 'ਤੇ ਕੰਮ ਕਰਦਾ ਸੀ ਜਿਸ ਕਾਰਨ ਦੋਹਾਂ ਦੀ ਆਪਸ ਵਿੱਚ ਕਾਫੀ ਨੇੜਤਾ ਸੀ ਅਤੇ ਗੱਬਰ ਉਰਫ ਗੱਬੂ ਨਵੀਨ ਉਰਫ ਕਰਨ ਦਾ ਰਿਸ਼ਤੇਦਾਰ ਹੈ । ਅਸ਼ੋਕ ਅਤੇ ਨਵੀਨ ਉਰਫ ਕਰਨ ਨੂੰ ਤਰਨਤਾਰਨ ਕਾਲਜ ਤੋਂ ਫਰਵਰੀ ਮਹੀਨੇ 2016 ਵਿੱਚ ਕੱਢ ਦਿੱਤਾ ਸੀ ਜਿਸ ਕਾਰਨ ਹੀ ਇਹ ਦੋਵੇ ਵੇਹਲੇ ਸਨ ਇਸੇ ਦੌਰਾਨ ਹੀ ਇਹਨਾਂ ਦੀ ਮੁਲਾਕਾਤ ਸਤਵਿੰਦਰ ਸਿੰਘ ਉਰਫ ਸੋਨੂੰ ਜੋ ਕਿ ਪਟਿਆਲਾ ਦਾ ਰਹਿਣ ਵਾਲਾ ਹੈ ਦੇ ਨਾਲ ਬਿਆਸ ਵਿਖੇ ਹੋ ਗਈ ਜੋ ਸਤਵਿੰਦਰ ਸੋਨੂੰ ਵੀ ਪੈਸੇ ਦਾ ਕਰਜਾਈ ਹੋਣ ਕਰਕੇ ਕਾਫੀ ਦੇਰ ਤੋ ਬਿਆਸ ਹੀ ਰਹਿ ਰਿਹਾ ਸੀ ਇਹ ਤਿੰਨੋ ਸਤਵਿੰਦਰ, ਅਸ਼ੋਕ ਅਤੇ ਨਵੀਨ ਉਰਫ ਕਰਨ ਮਾਰਚ 2016 ਦੇ ਮਹੀਨੇ ਵਿੱਚ ਬਿਆਸ ਵਿਖੇ ਇੱਕ ਦੂਜੇ ਨੂੰ ਮਿਲੇ ਸੀ ਜਿਸ ਤੋ ਬਾਅਦ ਕਿ ਅਸ਼ੋਕ ਅਤੇ ਨਵੀਨ ਅਤੇ ਸਤਵਿੰਦਰ ਸੋਨੂੰ ਦੀਪ ਨਗਰ ਪਟਿਆਲਾ ਵਿਖੇ ਕਿਰਾਏ 'ਤੇ ਰਹਿਣ ਲੱਗ ਪਏ ਸੀ। ਸ਼੍ਰੀ ਚੌਹਾਨ ਨੇ ਦੱਸਿਆ ਕਿ ਇਹਨਾਂ ਨੇ ਪੈਸੇ ਕਮਾਉਣ ਲਈ ਕਿਸੇ ਬੱਚੇ ਨੂੰ ਅਗਵਾ ਕਰਨ ਦੀ ਯੋਜਨਾ ਬਣਾਈ ਜਿਸ ਦੇ ਤਹਿਤ ਹੀ ਇਹ ਪਟਿਆਲਾ ਦੇ ਇਨਵਾਇਰਮੈਟ ਪਾਰਕ ਵਿੱਚ ਇੱਕ ਹਫਤੇ ਦੇ ਕਰੀਬ ਘੁੰਮਦੇ ਰਹੇ ਜਿੱਥੇ ਕਿ ਮਨੀ ਵੀ ਬਾਕੀ ਬੱਚਿਆ ਨਾਲ ਖੇਡਣ ਆਉਦਾ ਸੀ ਅਤੇ ਇੱਥੇ ਹੀ ਕਰਨ ਉਰਫ ਨਵੀਨ ਨੇ ਪਹਿਲਾ ਮਨੀ ਨਾਲ ਨੇੜਤਾ ਵੀ ਬਣਾ ਲਈ ਸੀ ਅਤੇ ਫਿਰ ਮੌਕਾ ਦੇਖ ਕੇ ਮਿਤੀ 13/04/2016 ਨੂੰ ਇਸ ਨੂੰ ਅਗਵਾ ਕਰਕੇ ਬਰਨਾਲੇ ਚੋਥੇ ਦੋਸ਼ੀ ਗੱਬਰ ਉਰਫ ਗੱਬੂ ਪਾਸ ਲੈ ਗਏ ਸੀ ਉਹਨਾਂ ਦੱਸਿਆ ਕਿ ਅਗਵਾਕਾਰਾਂ ਮਨੀ ਨੂੰ ਪਲਸਰ ਮੋਟਰਸਾਈਕਲ ਉਪੱਰ ਹੀ ਪਟਿਆਲੇ ਤੋ ਬਰਨਾਲੇ ਲੈ ਗਏ ਅਤੇ ਰਸਤੇ ਵਿੱਚ ਇੱਕ ਜਗ੍ਹਾ ਮਨੀ ਨੂੰ ਰੋਲਾ ਨਾ ਪਾਉਣ ਲਈ ਡਰਾਇਆ ਅਤੇ ਮਨੀ ਦੀ ਮਾਰ ਕੁਟਾਈ ਵੀ ਕੀਤੀ ਮਨੀ ਸਰੀਰਕ ਪੱਖੋ ਕਾਫੀ ਕਮਜੋਰ ਹੈ ਇਸ ਤੋ ਬਾਅਦ ਫਿਰ ਬਣਾਈ ਯੋਜਨਾ ਮੁਤਾਬਿਕ ਸਤਵਿੰਦਰ ਸੋਨੂੰ ਨੇ ਮਾਨਸਾ ਜਾ ਕੇ ਰਾਤ ਨੂੰ 9/10 ਵਜੇ ਦੇ ਕਰੀਬ ਮਨੀ ਦੇ ਭਰਾ ਨੂੰ 10 ਲੱਖ ਰੁਪਏ ਦਾ ਇੰਤਜਾਮ ਕਰਨ ਅਤੇ ਇਸ ਸ਼ਰਤ ਉੱਤੇ ਮਨੀ ਨੂੰ ਛੱਡਣ ਬਾਰੇ ਕਿਹਾ ਸੀ। ਪਰ ਪੁਲਿਸ ਦੀ ਚੌਕਸੀ ਸਦਕਾ ਮਨੀ ਨੂੰ ਅਗਵਾਕਾਰਾਂ ਨੇ 14 ਅਪ੍ਰੈਲ ਨੂੰ ਛੱਡ ਦਿੱਤਾ ਸੀ। ਸ਼੍ਰੀ ਚੌਹਾਨ ਨੇ ਦੱਸਿਆ ਕਿ ਤਿੰਨੇ ਦੋਸ਼ੀਆ ਅਸ਼ੋਕ,ਨਵੀਨ ਅਤੇ ਸਤਵਿੰਦਰ ਸੋਨੂੰ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਹਾਸਲ ਕਰਕੇ ਹੋਰ ਪੁੱਛ ਗਿੱਛ ਕੀਤੀ ਜਾਵੇਗੀ ਅਤੇ ਇਹਨਾਂ ਦਾ ਚੌਥਾ ਸਾਥੀ ਗੱਬਰ ਉਰਫ ਗੱਬੂ ਪਹਿਲਾਂ ਹੀ ਪਟਿਆਲਾ ਜੇਲ ਵਿਖੇ ਜੁਡੀਸ਼ੀਅਲ ਹਿਰਾਸਤ ਵਿੱਚ ਹੈ। ਉਹਨਾਂ ਦੱਸਿਆ ਕਿ ਇਸ ਮਾਮਲੇ ਦੇ ਹੱਲ ਲਈ ਸੀ.ਸੀ.ਟੀ.ਵੀ. ਕੈਮਰਿਆਂ ਤੋਂ ਅਹਿਮ ਸਰਾਗ ਮਿਲੇ ਹਨ। 




[home] 1-2 of 2


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



'ਚੀਮਾ ਕਿੰਨੇ ਪੈਸਿਆਂ ਲਈ ਖੁਦਕੁਸ਼ੀ ਕਰ ਸਕਦੇ ਹਨ ?' : ਕਿਸਾਨ ਯੂਨੀਅਨ
02.05.16 - ਪੀ ਟੀ ਟੀਮ
'ਚੀਮਾ ਕਿੰਨੇ ਪੈਸਿਆਂ ਲਈ ਖੁਦਕੁਸ਼ੀ ਕਰ ਸਕਦੇ ਹਨ ?' : ਕਿਸਾਨ ਯੂਨੀਅਨ



ਭਾਰਤੀ ਕਿਸਾਨ ਯੂਨੀਅਨ ਨੇ ਪੰਜਾਬ ਮੰਡੀ ਬੋਰਡ ਦੇ ਉਪ ਚੇਅਰਮੈਨ ਅਤੇ ਆੜਤੀ ਐਸੋਸੀਏਸ਼ਨ ਦੇ ਪ੍ਰਧਾਨ ਰਵਿੰਦਰ ਚੀਮਾ ਦੇ ਬਿਆਨ ਨੂੰ ਹੱਦ ਦਰਜੇ ਦਾ ਘਟਿਆ ਅਤੇ ਬੇਸ਼ਰਮੀ ਨਾਲ ਦਿੱਤਾ ਬਿਆਨ ਦੱਸਿਆ | ਪ੍ਰੈੱਸ ਨੋਟ ਜਾਰੀ ਕਰਦਿਆਂ ਯੂਨੀਅਨ ਦੇ ਕੌਮੀਂ ਪ੍ਰਧਾਨ ਅਤੇ ਸਾਬਕਾ ਐਮ ਪੀ ਭੁਪਿੰਦਰ ਸਿੰਘ ਮਾਨ , ਪੰਜਾਬ ਪ੍ਰਧਾਨ ਬਲਦੇਵ ਸਿੰਘ ਮੀਆਂਪੁਰ, ਗੁਰਬਚਨ ਸਿੰਘ ਬਾਜਵਾ ਅਤੇ ਬਲਵੰਤ ਸਿੰਘ ਬ੍ਰ੍ਹਾਮਕੇ ਦੋਨੋਂ ਜਨ. ਸਕੱਤਰ ਪੰਜਾਬ ਅਤੇ ਸੁਖਵਿੰਦਰ ਸਿੰਘ ਸ਼ੇਰਪੁਰ ਪ੍ਰਧਾਨ ਜਿਲਾ ਗੁਰਦਾਸਪੁਰ ਨੇ ਇਸ ਬਿਆਨ ਪਿਛੇ ਬਾਦਲ ਸਰਕਾਰ ਦਾ ਹਥ ਦੱਸਿਆ |
 
ਮਾਨ ਨੇ ਕਿਹਾ ਕਿ ਇਹ ਸੰਭਵ ਨਹੀਂ ਕਿ ਚੀਮਾ ਇਸ ਤਰਾਂ ਦਾ ਬਿਆਨ ਆਪਣੇ ਤੌਰ ਤੇ ਦੇ ਸਕਣ ਇਸ ਸਾਰੇ ਘਟਨਾਕ੍ਰਮ ਪਿਛੇ ਪੰਜਾਬ ਸਰਕਾਰ ਅਤੇ ਖਾਸ ਕਰਕੇ ਬਾਦਲਾਂ ਦੀ ਇੱਕ ਸਾਜਿਸ ਹੈ | ਕਿਓਂਕਿ ਅਗਰ ਇਹ ਸਰਕਾਰੀ ਸਾਜਿਸ ਨਾਂ ਹੁੰਦੀ ਤਾਂ ਉਸੇ ਵੇਲੇ ਚੀਮਾ ਨੂੰ ਅਹੁਦੇ ਤੋਂ ਫਾਰਗ ਕੀਤਾ ਹੁੰਦਾ |ਚੀਮਾ ਦਾ ਇਹ ਬਿਆਨ ਬਾਦਲਾਂ ਦੀ ਇਸ ਸਰਕਾਰ ਦੇ ਤਾਬੂਤ ਦਾ ਆਖਰੀ ਕਿਲ ਸਾਬਿਤ ਹੋਵੇਗਾ | 
 
ਉਹਨਾਂ ਕਿਹਾ ਕਿ ਇਸ ਬਿਆਨ ਨੇ ਨਾ ਸਿਰਫ ਕਿਸਾਨਾਂ ਦਾ ਬਲਕਿ ਪੂਰੇ ਪੰਜਾਬ ਵਾਸੀਆਂ ਦੇ ਦਿਲਾਂ ਨੂੰ ਸੱਟ ਮਾਰੀ ਹੈ ਜੋ ਕਿ ਬਹੁਤ ਨਿੰਦਣਯੋਗ ਹੈ ਅਤੇ ਨਾ ਕਾਬਲ ਏ ਬਰਦਾਸ਼ਤ ਹੈ | ਇਹ ਸਰਕਾਰੀ ਬਿਆਨ ਕਿਸੇ ਤਰਾਂ ਨਾਲ ਵੀ ਮਾਫ਼ੀ ਦੇ ਕਾਬਲ ਨਹੀਂ ਹੈ ਅਤੇ ਨਾ ਹੀ ਕਿਸਾਨ ਕਦੇ ਇਹਨਾਂ ਨੂੰ ਮੁਆਫ ਕਰਨਗੇ |
 
ਉਹਨਾਂ  ਅੱਗੇ ਕਿਹਾ ਕਿ ਸਰਕਾਰ ਦਾ ਇਹ ਬਿਆਨ ਠੀਕ ਉਸ ਵੇਲੇ ਆਇਆ ਹੈ ਜਦੋਂ ਪੰਜਾਬ ਵਿੱਚ ਕਰਜ਼ੇ ਦੇ ਮਾਰੇ ਦੋ ਤਿੰਨ ਕਿਸਾਨ ਹਰ ਰੋਜ਼ ਖੁਦਕੁਸ਼ੀਆਂ  ਕਰ ਰਹੇ ਹਨ | ਇਸੇ ਸਬੰਧ ਵਿੱਚ ਸਾਡੀ ਜਥੇਬੰਦੀ ਨੇ ਬੀਤੇ ਦਿਨ ਭਾਰਤ ਪਾਕ ਸੀਮਾ ਤੇ ਗੁਰੂ ਨਾਨਕ ਦੇਵ ਜੀ ਦੇ ਕ੍ਰਮ ਅਸਥਾਨ ਗੁਰੂਦਵਾਰਾ ਸ਼੍ਰੀ ਕਰਤਾਰਪੁਰ ਸਹਿਬ ਦੇ ਸਨਮੁੱਖ ਅਰਦਾਸ ਬੇਨਤੀ ਕੀਤੀ ਅਤੇ ਇਹ ਵੀ ਬਿਆਨ ਦਿੱਤਾ ਕਿ ਕਿਸਾਨੀ ਖੁਦਕੁਸ਼ੀਆਂ ਅਸਲ ਵਿੱਚ ਸਰਕਾਰੀ ਕਤਲ ਹਨ ਅਤੇ ਇਹਨਾਂ ਲਈ ਸਰਕਾਰੀ ਤੰਤਰ ਜਿੰਮੇਵਾਰ ਹੈ | ਇਸ ਲਈ ਇਹਨਾਂ ਵਿਰੁਧ ਮੌਤ ਲਈ ਉਕਸਾਉਣ ਵਾਲੇ ਕਾਨੂੰਨ ਤਹਿਤ ਪਰਚਾ ਦਰਜ ਕਰਕੇ ਕਾਰਵਾਈ ਕੀਤੀ ਜਾਵੇ |
 
ਉਹਨਾਂ ਮੰਡੀ ਬੋਰਡ ਦੇ ਉਪ ਚੇਅਰਮੈਨ  ਚੀਮਾ ਨੂੰ ਕਿਹਾ ਕਿ ਉਹ ਦੱਸ ਸਕਦੇ ਹਨ ਕਿ ਜੇ ਉਹਨਾਂ ਨੂੰ ਕਿਹਾ ਜਾਵੇ ਤਾਂ ਉਹ ਕਿੰਨੇ ਪੈਸਿਆਂ ਖਾਤਰ ਖੁਦਕੁਸ਼ੀ ਕਰਨਗੇ  ?
 
ਮੀਆਂਪੁਰ ਨੇ ਕਿਹਾ ਕਿ   ਚੀਮਾ ਕੋਲੋਂ ਦਵਾਇਆ ਗਿਆ ਬਿਆਨ ਸੱਤਾ ਅਤੇ ਪੈਸੇ ਦੇ ਹੰਕਾਰ ਦਾ ਪ੍ਰਗਟਾਵਾ ਕਰਦਾ ਹੈ | ਕਿਓਂਕਿ ਮੌਕੇ ਦੀ ਸਰਕਾਰ ਨੇ ਦਸ ਸਾਲ ਹਥਿਆ ਕੇ ਪੰਜਾਬ ਦੇ ਪੱਲੇ ਕੱਖ ਵੀ ਨੀ ਛੱਡਿਆ ਅਤੇ ਅਤੇ ਲੋਕਾਂ ਦੇ ਵਿਰੋਧ ਨੂੰ ਨਾਂ ਝਲਦਿਆਂ ਹੋਇਆਂ ਇਹ ਆਪਣਾ ਮਾਨਸਿਕ ਸੰਤੁਲਨ ਗਵਾ ਬੈਠੇ ਹਨ | ਜਿਸ ਕਰਕੇ ਆਪਣੀ ਘਟੀਆ ਸੋਚ ਦਾ ਪ੍ਰਗਟਾਵਾ ਆਪਣੇ ਮੁਲਾਜਮਾਂ ਜਾਂ ਚਮਚਿਆਂ ਰਾਹੀਂ ਕਰ ਰਹੀ ਹੈ |
 
ਇਸ ਤੋਂ ਇਲਾਵਾ ਇਹਨਾਂ ਕਿਸਾਨ ਨੇਤਾਵਾਂ ਨੇ ਕਿਸਾਨ ਜਥੇਬੰਦੀਆਂ ਨੂੰ ਅਪੀਲ ਕੀਤੀ ਕਿ ਇਹ ਸਮਾਂ ਹੈ ਕਿ ਜਦੋਂ ਸਾਨੂੰ ਇਕਠਿਆਂ ਹੋ ਕੇ ਇਸ ਜੁਲਮ ਦਾ ਸਾਹਮਣਾ ਕਰਨਾ ਚਾਹੀਦਾ ਹੈ ਨਹੀਂ ਤਾਂ ਜਿਸ ਤਰਾਂ ਦੀਆਂ ਸਾਜਿਸਾਂ ਅਤੇ ਲਾਲਚ ਦੇ ਕੇ ਇਹਨਾਂ ਨੇ ਕਿਸਾਨਾਂ ਨੂੰ ਪਾੜੋ ਅਤੇ ਰਾਜ ਕਰੋ ਨੀਤੀ ਤਹਿਤ ਵੱਖ ਵੱਖ ਕੀਤਾ ਹੋਇਆ ਹੈ, ਉਹ ਦਿਨ ਦੂਰ ਨਹੀਂ ਜਦੋਂ ਇਹਨਾਂ ਨੇ ਇੱਕ ਇੱਕ ਕਰਕੇ ਕਿਸਾਨਾਂ ਉੱਪਰ ਇਸ ਤਰਾਂ ਦੇ ਕੇਸ ਦਰਜ ਕਰਕੇ ਕਿਸਾਨੀਂ ਮੰਗਾਂ ਦੀ ਆਵਾਜ ਉਠਾਉਣ ਵਾਲਿਆਂ ਦਾ ਗਲਾ ਘੁੱਟ ਦੇਣਾ ਹੈ | ਸਰਕਾਰੀ ਪਿੱਠੂ ਲੋਕਾਂ ਦਾ ਤੇ ਪਤਾ ਨਹੀਂ  ਪਰ ਸਾਨੂੰ ਬਾਕੀ ਸਾਰਿਆਂ ਨੂੰ ਇੱਕ ਹੋਣਾ ਚਾਹੀਦਾ ਹੈ ਅਤੇ ਸਾਡੀ ਜਥੇਬੰਦੀ  ਹਰ ਤਰਾਂ ਨਾਲ ਕਿਸੇ ਵੀ ਕਿਸਾਨ ਨੇਤਾ ਉੱਤੇ ਕੋਈ ਵੀ ਨਜਾਇਜ ਕੇਸ ਚਲਾਉਣ ਦਾ ਡਟ ਕੇ ਵਿਰੋਧ ਕਰੇਗੀ |
 
ਚਾਹੀਦਾ ਤਾਂ ਇਹ ਹੈ ਕਿ ਬਾਦਲ ਸਰਕਾਰ ਦੀ ਕਠਪੁਤਲੀ ਰਵਿੰਦਰ ਚੀਮਾ ਜਿਸ ਨੇ ਕਰਜਿਆਂ ਤੋਂ ਅੱਤ ਦੇ ਦੁਖੀ ਹੋਣ ਕਰਕੇ ਕਿਸਾਨਾਂ ਨੂੰ , ਹੰਕਾਰ ਨਾਲ ਭਰੀਆਂ ਟਿੱਚਰਾਂ  ਕਰਕੇ ਸਾਰੇ ਕਿਸਾਨਾਂ ਦੇ ਮਨਾਂ ਵਿੱਚ ਅੱਗ ਦੇ ਭਾਂਬੜ ਬਾਲ ਕੇ ਪੰਜਾਬ ਵਿੱਚ ਇੱਕ ਨਵੀਂ ਅੱਗ ਬਾਲੀ ਹੈ, ਨੂੰ ਕਾਨੂੰਨ ਦੇ ਕਟਿਹਰੇ ਵਿੱਚ ਖੜਾ ਕੀਤਾ ਜਾਂਦਾ ਪਰ ਬਾਦਲ ਸਰਕਾਰ ਦੇ ਇਸ ਚਹੇਤੇ ਨੇ ਆਪਣੇ ਆਪ ਤਾਂ ਇਸ ਤਰਾਂ ਦੀ ਤੀਲੀ ਨਹੀਂ ਬਾਲੀ ਹੋ ਸਕਦੀ | 
 
ਕਿਸਾਨਾਂ ਨੂੰ ਖੁਦਕੁਸ਼ੀਆਂ ਲਈ ਮਜਬੂਰ ਕਰਨ ਵਾਲਿਆਂ ਨੂੰ ਸਲਾਖਾਂ ਪਿਛੇ ਕਰਨ ਦੀ ਜੋਰਦਾਰ ਮੰਗ ਨੂੰ ਠਿੱਬੀ ਲਾਉਣ ਲਈ ਸਰਕਾਰ ਵੱਲੋਂ ਚੱਲੀ ਗਈ ਇਹ ਘਿਨਾਉਣੀ ਚਾਲ ਹੈ |   




[home] 1-2 of 2


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 







MOST VISITED
YOU MAY LIKE

TOPIC CLOUD

TAGS CLOUD

ARCHIVE






Copyright © 2016-2017










NEWS LETTER