ਮਨੋਰੰਜਨ

Monthly Archives: MARCH 2018


ਗਾਇਕ ਸਿੱਪੀ ਗਿੱਲ ਖਿਲਾਫ ਮੁਕੱਦਮਾ ਦਰਜ ਕਰਨ ਦੀ ਮੰਗ
29.03.18 - ਪੀ ਟੀ ਟੀਮ
ਗਾਇਕ ਸਿੱਪੀ ਗਿੱਲ ਖਿਲਾਫ ਮੁਕੱਦਮਾ ਦਰਜ ਕਰਨ ਦੀ ਮੰਗ



ਵੀਰਵਾਰ ਨੂੰ ਨਵਾਂਸ਼ਹਿਰ ਵਿਖੇ ਪੰਜਾਬ ਪੁਲਿਸ ਨੂੰ ਗਾਇਕ ਸਿੱਪੀ ਗਿੱਲ ਖਿਲਾਫ ਸ਼ਿਕਾਇਤ ਕੀਤੀ ਗਈ। ਆਰ.ਟੀ.ਆਈ. ਐਕਟੀਵਿਸਟ ਪਰਵਿੰਦਰ ਸਿੰਘ ਕਿੱਤਣਾ ਵੱਲੋਂ ਅਸ਼ਲੀਲ ਗਾਣਾ ਗਾਉਣ ਕਾਰਨ ਸਿੱਪੀ ਗਿੱਲ ਖਿਲਾਫ ਮੁਕੱਦਮਾ ਦਰਜ ਕਰਨ ਦੀ ਮੰਗ ਕੀਤੀ ਗਈ ਹੈ।

ਇਹ ਮੰਗ ਸਿੱਪੀ ਗਿੱਲ ਵੱਲੋਂ ਦੋ ਸਾਲ ਪਹਿਲਾਂ ਗਾਏ ਗਏ ਗਾਣੇ "ਕੁੜੀ ਏਂ ਤੂੰ ਅਫ਼ੀਮ ਅਫ਼ਗਾਨੀ ਵਰਗੀ ਨੀ ਤੇਰਾ ਚਸਕਾ ਪੈ ਗਿਆ ਜੱਟ ਨੂੰ…" ਕਾਰਨ ਕੀਤੀ ਗਈ ਹੈ ਕਿਉਂਕਿ ਇਹ ਗਾਣਾ ਨਾ ਸਿਰਫ਼ ਅਸ਼ਲੀਲ ਹੈ ਬਲਕਿ ਔਰਤਾਂ ਲਈ ਨਿਰਾਦਰ ਦੀ ਭਾਵਨਾ ਨਾਲ ਭਰਿਆ ਹੈ। ਸ਼ਿਕਾਇਤਕਰਤਾ ਦਾ ਕਹਿਣਾ ਹੈ ਕਿ ਭਾਵੇਂ ਇਹ ਗਾਣਾ ਲਗਭਗ ਦੋ ਸਾਲ ਪਹਿਲਾਂ ਤੋਂ ਚੱਲ ਰਿਹਾ ਹੈ ਪਰ ਉਸ ਨੂੰ ਇਸ ਬਾਰੇ ਕੁਝ ਦਿਨ ਪਹਿਲਾਂ ਹੀ ਪਤਾ ਲੱਗਿਆ ਹੈ।

ਕਿੱਤਣਾ ਨੇ ਆਪਣੀ ਸ਼ਿਕਾਇਤ ਵਿਚ ਲਿਖਿਆ ਕਿ "ਇੰਡੀਅਨ ਪੀਨਲ ਕੋਡ ਦੀ ਧਾਰਾ 294 ਮੁਤਾਬਕ ਅਜਿਹੇ ਗੀਤ ਗਾਉਣਾ ਪੁਲਸ ਦੁਆਰਾ ਹੱਥ ਪਾਉਣਯੋਗ ਅਪਰਾਧ ਹੈ। ਮੇਰੀ ਸਿੱਪੀ ਗਿੱਲ ਨਾਲ ਕੋਈ ਨਿੱਜੀ ਰੰਜ਼ਸ ਨਹੀਂ ਹੈ ਤੇ ਨਾ ਹੀ ਮੈਂ ਉਸ ਨੂੰ ਨਿੱਜੀ ਤੌਰ 'ਤੇ ਜਾਣਦਾ ਹਾਂ। ਇਹ ਸ਼ਿਕਾਇਤ ਕਰਨ ਦੀ ਮੇਰੀ ਕੋਈ ਛੁਪੀ ਹੋਈ ਮਨਸ਼ਾ ਨਹੀਂ ਹੈ। ਆਪ ਜੀ ਦੇ ਧਿਆਨ 'ਚ ਲਿਆਉਣਾ ਉਚਿਤ ਰਹੇਗਾ ਕਿ ਥਾਣਾ ਸਿਟੀ ਨਵਾਂਸ਼ਹਿਰ ਵਿਖੇ ਹੀ ਮੇਰੇ ਵਲੋਂ ਦਿੱਤੀ ਦਰਖਾਸਤ 'ਤੇ ਮਾਣਯੋਗ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੀ ਦਖਲਅੰਦਾਜ਼ੀ ਉਪਰੰਤ ਗਾਇਕ ਹਨੀ ਸਿੰਘ ਖਿਲਾਫ ਮੁਕੱਦਮਾ ਦਰਜ ਹੋਇਆ ਸੀ। ਅੱਜ-ਕੱਲ੍ਹ ਵੀ ਹਾਈਕੋਰਟ ਵਿਚ ਅਸ਼ਲੀਲ ਗਾਣਿਆਂ ਸਬੰਧੀ ਚੱਲ ਰਹੀ ਇਕ ਜਨਹਿੱਤ ਪਟੀਸ਼ਨ ਦੌਰਾਨ ਹਾਈਕੋਰਟ ਨੇ ਬਹੁਤ ਗੰਭੀਰ ਟਿੱਪਣੀਆਂ ਕੀਤੀਆਂ ਹਨ। ਕਿਰਪਾ ਕਰਕੇ ਅਸ਼ਲੀਲ ਗਾਣੇ ਗਾਉਣ ਲਈ ਸਿੱਪੀ ਗਿੱਲ ਖ਼ਿਲਾਫ਼ ਮੁਕੱਦਮਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾਵੇ।"




[home] 1-3 of 3


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਸੂਫ਼ੀਅਾਨਾ ਤੇ ਮਿਅਾਰੀ ਗਾੲਿਕੀ ਦੇ ਸ਼ੈਦਾੲੀਅਾਂ ਨੂੰ ਵੱਡਾ ਘਾਟਾ
ਅਾਖਿਰ ਟੁੱਟ ਗੲੀ ਵਡਾਲੀ ਭਰਾਵਾਂ ਦੀ ਜੋੜੀ...
09.03.18 - ਪੀ ਟੀ ਟੀਮ
ਅਾਖਿਰ ਟੁੱਟ ਗੲੀ ਵਡਾਲੀ ਭਰਾਵਾਂ ਦੀ ਜੋੜੀ...



ਸੂਫ਼ੀ ਗਾਇਕੀ ਦੇ ਇਕ ਹੋਰ ਸ਼ਾਗਿਰਦ ਵਡਾਲੀ ਭਰਾਵਾਂ 'ਚੋਂ ਛੋਟੇ ਪਿਆਰੇ ਲਾਲ ਵਡਾਲੀ ਚਲੇ ਗਏ। ਉਨ੍ਹਾਂ ਆਪਣਾ ਆਖਰੀ ਸਾਹ ਸ਼ੁੱਕਰਵਾਰ ਸਵੇਰ ਅੰਮ੍ਰਿਤਸਰ ਦੇ ਫੋਰਟਿਸ ਐਸਕਾਰਟ ਹਸਪਤਾਲ 'ਚ ਲਿਆ। ਵੀਰਵਾਰ ਸ਼ਾਮ ਦਿਲ ਦਾ ਦੌਰਾ ਪੈਣ ਕਾਰਨ ਉਨ੍ਹਾਂ ਨੂੰ ਹਸਪਤਾਲ ਦਾਖਲ ਕਰਵਾੲਿਅਾ ਗਿਅਾ ਸੀ। ਉਹ 75 ਸਾਲ ਦੇ ਸਨ।

ਪਿਆਰੇ ਲਾਲ ਵਡਾਲੀ ਦੀ ਮੌਤ ਨੂੰ ਵੱਡਾ ਘਾਟਾ ਦੱਸਦਿਆਂ ਜਗਮੋਹਨ ਲੋਹੀਆਂ ਨੇ ਆਪਣੀ ਫੇਸਬੁੱਕ ਪੋਸਟ 'ਚ ਲਿਖਿਆ: "ੲਿਸ ਵਿਚ ਕੋੲੀ ਸ਼ੱਕ ਨਹੀਂ ਕਿ ਪਿਅਾਰੇ ਲਾਲ ਵਡਾਲੀ ਦੀ ਮੌਤ ਨਾਲ ਨਾ ਸਿਰਫ਼ ਉਨ੍ਹਾਂ ਦੇ ਵੱਡੇ ਭਰਾ ਪੂਰਨ ਚੰਦ ਵਡਾਲੀ, ਪ੍ਰਸਿੱਧ ਗਾੲਿਕ ਲਖਵਿੰਦਰ ਵਡਾਲੀ ਅਤੇ ਪਰਿਵਾਰ ਨੂੰ ਅਸਹਿ ਸਦਮਾ ਲੱਗਿਅਾ ਹੈ…… ਬਲਕਿ ਪੂਰੇ ਪੰਜਾਬ ਦੇ ਸੂਫ਼ੀਅਾਨਾ ਤੇ ਮਿਅਾਰੀ ਗਾੲਿਕੀ ਦੇ ਸ਼ੈਦਾੲੀਅਾਂ ਨੂੰ ਵੱਡਾ ਘਾਟਾ ਪਿਅਾ ਹੈ।"

ਅੰਮ੍ਰਿਤਸਰ ਦੇ ਨੇੜੇ ਇੱਕ ਛੋਟੇ ਜਿਹੇ ਪਿੰਡ ਦੇ ਰਹਿਣ ਵਾਲੇ ਵਡਾਲੀ ਭਰਾ ਦੁਨੀਆਭਰ ਵਿੱਚ ਆਪਣੀ ਸੂਫੀ ਗਾਇਕੀ ਲਈ ਬਹੁਤ ਮਸ਼ਹੂਰ ਸਨ। ਉਨ੍ਹਾਂ ਦੀ ਜੋੜੀ ਨੂੰ 'ਵਡਾਲੀ ਬ੍ਰਦਰਜ਼' ਦੇ ਨਾਮ ਨਾਲ ਜਾਣਿਆ ਜਾਂਦਾ ਸੀ। ਦੋਵਾਂ ਨੇ ਜਲੰਧਰ ਦੇ ਹਰਬੱਲਾ ਮੰਦਿਰ ਵਿੱਚ ਗਾਣਾ ਸ਼ੁਰੂ ਕੀਤਾ ਸੀ। ਵਡਾਲੀ ਬ੍ਰਦਰਜ਼ ਨੇ ਬਾਲੀਵੁੱਡ ਵਿੱਚ 'ਏ ਰੰਗਰੇਜ਼ ਮੇਰੇ', 'ਇੱਕ ਤੂੰ ਹੀ ਤੂੰ ਹੀ' ਵਰਗੇ ਕਈ ਸ਼ਾਨਦਾਰ ਗਾਣੇ ਵੀ ਦਿੱਤੇ। ਉਨ੍ਹਾਂ ਵੱਲੋਂ ਕੋਕ ਸਟੂਡੀਓ ਵਿਚ ਗਾਇਆ ਗਾਣਾ 'ਤੂੰ ਮਾਨੇ ਯਾ ਨਾ ਮਾਨੇ' ਬਹੁਤ ਪਸੰਦ ਕੀਤਾ ਗਿਆ।

ਪਿਆਰੇ ਲਾਲ ਵਡਾਲੀ ਨੂੰ ਅਲਵਿਦਾ ਆਖਦਿਆਂ ਯਾਦਵਿੰਦਰ ਕਰਫਿਊ ਨੇ ਆਪਣੀ ਫੇਸਬੁੱਕ ਪੋਸਟ 'ਚ ਲਿਖਿਆ: "ਸੂਫ਼ੀਆਂ ਤੇ ਸੂਫ਼ੀ ਗਾਇਕੀ ਦਾ ਪੰਜਾਬ ਦੀ ਧਰਤੀ 'ਤੇ "ਸਹਿਹੋਂਦ ਸੱਭਿਆਚਾਰ" ਬੁਣਨ 'ਚ ਬਹੁਤ ਵੱਡਾ ਯੋਗਦਾਨ ਹੈ। 47 ਦੀ ਸਾਜਿਸ਼ ਨੂੰ ਛੱਡ ਕੇ ਹਜ਼ਾਰਾਂ ਖ਼ਤਰਨਾਕ ਕੋਸ਼ਿਸ਼ਾਂ ਦੇ ਬਾਵਜੂਦ ਪੰਜਾਬ ਦੀ ਧਰਤੀ 'ਤੇ ਭਾਈਚਾਰਿਆਂ 'ਚ ਸਿੱਧਾ ਭੇੜ ਨਹੀਂ ਹੋਇਆ। ਬੇਹੱਦ ਸੰਵੇਦਨਸ਼ੀਲ ਮਾਹੌਲ 'ਚ ਵੀ ਪੰਜਾਬ 'ਚ ਦੰਗੇ ਨਹੀਂ ਹੋਏ। ਸੂਫ਼ੀਆਂ ਨੇ ਪੰਜਾਬ ਦੇ ਅਚੇਤ ਨੂੰ ਸਭ ਕਾਸੇ ਤੋਂ ਅਨਹੱਦ ਕੀਤਾ। ਅੱਜ ਵੀ ਸੂਫ਼ੀ ਗਾਇਕੀ ਹੱਦ ਤੋਂ ਅਨਹੱਦ ਹੋਣ ਦੀ ਰਵਾਇਤ ਤੇ ਸੁਨੇਹਾ ਦਾ ਰਾਹ ਦਸੇਰਾ ਹੈ। ਸੂਫ਼ੀ ਗਾਇਕੀ ਦੇ ਪਿਆਰੇ ਗਾਇਕ ਦਾ ਜਾਣਾ ਇਸ ਲਈ ਵੀ ਪੰਜਾਬ ਨੂੰ ਵੱਡਾ ਘਾਟਾ ਹੈ ਕਿ ਪੁਰਾਣੇ ਜਾ ਰਹੇ ਨੇ ਤੇ ਨਵਾਂ ਕੋਈ ਸੂਫ਼ੀਆਂ ਦੇ ਰਾਹ ਚੱਲਣ ਨੂੰ ਤਿਆਰ ਨਹੀਂ ਹੈ। ਬੰਦੇ ਨੂੰ ਸਾਰਾ ਕੁਝ ਹੋਣ ਤੋਂ ਪਹਿਲਾਂ (ਜੋ ਉਹ ਹੁੰਦਾ ਨਹੀਂ) ਬੰਦਾ ਹੋਣ ਦਾ ਸੁਨੇਹਾ ਦੇਣ ਵਾਲਿਆਂ ਦਾ ਹੋਣਾ/ਰਹਿਣਾ ਬਹੁਤ ਜ਼ਰੂਰੀ ਹੈ।"




[home] 1-3 of 3


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 



ਫਿਲਮ
ਖੂਬਸੂਰਤੀ ਦੀ ਧਾਰਨਾ 'ਤੇ ਕਟਾਕਸ਼ ਕਰਦੀ ਫਿਲਮ: ਖੂਬਸੂਰਤ
02.03.18 - ਕੁਲਦੀਪ ਕੌਰ
ਖੂਬਸੂਰਤੀ ਦੀ ਧਾਰਨਾ 'ਤੇ ਕਟਾਕਸ਼ ਕਰਦੀ ਫਿਲਮ: ਖੂਬਸੂਰਤ



ਖੂਬਸੂਰਤੀ ਦੀ ਧਾਰਨਾ 'ਤੇ ਸਦੀਆਂ ਤੋਂ ਬਹਿਸ ਜਾਰੀ ਹੈ। ਦੁਨੀਆਂ ਇੰਨੀ ਜ਼ਿਆਦਾ ਰੰਗ-ਬਿਰੰਗੀ ਹੈ ਕਿ ਖੂਬਸੂਰਤੀ ਦਾ ਕੋਈ ਆਲਮੀ ਮਿਆਰ ਜਾਂ ਪੈਮਾਨਾ ਤੈਅ ਕਰਨ ਦਾ ਯਤਨ ਆਪਣੇ-ਆਪ ਵਿੱਚ ਹਾਸੋ-ਹੀਣਾ ਭਾਸਦਾ ਹੈ। ਖੂਬਸੂਰਤੀ ਬਾਰੇ ਪੰਜਾਬ ਵਿੱਚ ਕਿਹਾ ਜਾਂਦਾ ਹੈ ਕਿ 'ਕੰਮ ਪਿਆਰਾ ਹੈ, ਚੰਮ ਨਹੀਂ'। ਜੇਕਰ ਇਸ ਤਰਕ ਨੂੰ ਥੋੜ੍ਹੀ ਹੋਰ ਜ਼ਰਬ ਦਿੱਤੀ ਜਾਵੇ ਤਾਂ ਲੋਕ-ਦਲੀਲ ਹੈ ਕਿ, 'ਸੋਹਣਾ ਉਹ ਜੋ ਸੁਹਣੇ ਕੰਮ ਕਰੇ'। ਰਿਸ਼ੀਕੇਸ਼ ਮੁਖਰਜੀ ਨੇ ਆਪਣੀ ਫਿਲਮ 'ਖੂਬਸੂਰਤ' ਦੀ ਪਟਕਥਾ ਖੂਬਸੂਰਤੀ ਦੀ ਪਰਿਭਾਸ਼ਾ ਅਤੇ ਜ਼ਿੰਦਾਦਿਲੀ ਦੇ ਮਾਇਨਿਆਂ ਦੇ ਆਸ-ਪਾਸ ਬੁਣੀ ਹੈ। 1980 ਵਿੱਚ ਆਈ ਇਹ ਫਿਲਮ ਰਿਸ਼ੀਕੇਸ਼ ਮੁਖਰਜੀ ਦੀਆਂ ਸਫਲ ਫਿਲਮਾਂ ਵਿੱਚੋਂ ਇੱਕ ਹੈ। ਇਸ ਨਾਲ ਅਦਾਕਾਰਾ ਦੇ ਤੌਰ 'ਤੇ ਰੇਖਾ ਨੂੰ ਵੀ ਨਵੀਂ ਪਹਿਚਾਣ ਮਿਲੀ।

ਇਸ ਫਿਲਮ ਦੀ ਕਹਾਣੀ ਕਾਫੀ ਸਧਾਰਨ ਹੈ ਪਰ ਇਹ ਸਾਬਿਤ ਕਰਨ ਲਈ ਕਾਫੀ ਹੈ ਕਿ ਕਿਵੇਂ ਇੱਕ ਆਮ ਕਹਾਣੀ ਰਾਹੀਂ ਸਮਾਜਿਕ ਨਜ਼ਰੀਏ ਵਿੱਚ ਵੀ ਤਬਦੀਲੀ ਲਿਆਉਣ ਦੀ ਸੰਭਾਵਨਾ ਹੁੰਦੀ ਹੈ। ਫਿਲਮ ਦੀ ਕਹਾਣੀ ਅਨੁਸਾਰ ਲਾਲਾ ਰਾਮ ਦਿਆਲ (ਡੇਵਿਡ) ਦੀ ਕੁੜੀ ਅੰਜੂ ਦਾ ਵਿਆਹ ਇੱਕ ਅਜਿਹੇ ਘਰ ਵਿੱਚ ਹੋਣਾ ਤੈਅ ਹੁੰਦਾ ਹੈ ਜਿੱਥੇ ਘਰ ਦੀ ਮਾਲਕਣ ਨਿਰਮਲਾ ਦੇਵੀ (ਦੀਨਾ ਪਾਠਕ) ਦੀ ਤਾਨਾਸ਼ਾਹੀ ਚੱਲਦੀ ਹੈ। ਉਸ ਨੇ ਘਰ ਵਿੱਚ ਤੁਰਨ-ਫਿਰਨ, ਖਾਣ-ਪੀਣ ਅਤੇ ਆਪਸੀ ਵਰਤੋਂ-ਵਿਹਾਰ ਲਈ ਇੰਨੇ ਕਾਇਦੇ ਲਾਗੂ ਕੀਤੇ ਹੋਏ ਹਨ ਕਿ ਘਰ ਦੇ ਮੈਂਬਰਾਂ ਨੂੰ ਘਰ ਇੱਕ ਜੇਲ੍ਹ-ਖਾਨਾ ਜਾਪਦਾ ਹੈ। ਉਸ ਦਾ ਪਰਿਵਾਰ ਦੇ ਮੈਂਬਰਾਂ 'ਤੇ ਇਸ ਤਰ੍ਹਾਂ ਦਾ ਦਬਦਬਾ ਹੈ ਕਿ ਉਹ ਆਪਣੇ ਮੁੰਡਿਆਂ ਦੀਆਂ ਵਹੁਟੀਆਂ ਵੀ ਆਪਣੀ ਪਸੰਦ ਦੀਆਂ ਲੈਕੇ ਆਉਂਦੀ ਹੈ। ਵਿਚਕਾਰਲੇ ਮੁੰਡੇ ਦਾ ਵਿਆਹ ਜਦੋਂ ਅੰਜੂ ਨਾਲ ਹੁੰਦਾ ਹੈ ਤਾਂ ਉਸ ਦੀ ਛੋਟੀ ਭੈਣ ਮੰਜੂ ਵੀ ਉਸ ਨਾਲ ਕੁਝ ਦਿਨ ਰਹਿਣ ਲਈ ਆਉਂਦੀ ਹੈ।

ਮੰਜੂ (ਰੇਖਾ) ਇੱਕ ਆਜ਼ਾਦ ਖਿਆਲ ਤੇ ਪੜ੍ਹੀ-ਲਿਖੀ ਕੁੜੀ ਹੈ ਜਿਸ ਨੂੰ ਇਨ੍ਹਾਂ ਕਾਇਦਿਆਂ ਵਿੱਚੋਂ ਔਰਤਾਂ ਦੀ ਨਾਬਰਾਬਰੀ ਅਤੇ ਖਿਆਲਾਂ ਦੀ ਆਜ਼ਾਦੀ 'ਤੇ ਪਾਬੰਦੀ ਦਾ ਝਲਕਾਰਾ ਪੈਂਦਾ ਹੈ। ਹੌਲੀ-ਹੌਲੀ ਉਸ ਨੂੰ ਸਮਝ ਲੱਗਣ ਲੱਗਦੀ ਹੈ ਕਿ ਕਿਵੇਂ ਘਰ ਦੇ ਸਾਰੇ ਮੈਂਬਰ ਇਨ੍ਹਾਂ ਪਾਬੰਦੀਆਂ ਕਾਰਨ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚੋਂ ਹਾਸਾ ਤੇ ਖੂਬਸੂਰਤੀ ਕਿਰ ਰਹੀ ਹੈ। ਉੱਧਰ ਉਸ ਦੇ ਆਜ਼ਾਦ ਖਿਆਲ ਸੁਭਾਅ ਅਤੇ ਸੋਚ ਕਾਰਨ ਨਿਰਮਲਾ ਉਸ ਨੂੰ ਇੱਕਦਮ ਹੀ ਰੱਦ ਕਰ ਦਿੰਦੀ ਹੈ।

ਨਿਰਮਲਾ ਦਾ ਪਤੀ ਵੀ ਉਸ ਦੀ ਤਾਨਾਸ਼ਾਹੀ ਤੋਂ ਦੁਖੀ ਤਾਂ ਹੈ ਪਰ ਉਸ ਵਿੱਚ ਹਿੰਮਤ ਨਹੀਂ ਕਿ ਉਹ ਆਪਣੀ ਪਤਨੀ ਦਾ ਸਾਹਮਣਾ ਕਰ ਸਕੇ। ਉਹ ਅਤੇ ਉਸ ਦਾ ਛੋਟਾ ਬੇਟਾ ਇੰਦਰ (ਰਾਕੇਸ਼ ਰੋਸ਼ਨ) ਦਿਲੋਂ ਮੰਜੂ ਨੂੰ ਪਸੰਦ ਕਰਨ ਦੇ ਨਾਲ-ਨਾਲ ਪਹਿਲੀ ਵਾਰ ਆਪਣੀ ਜ਼ਿੰਦਗੀ ਦਾ ਹਾਲ ਉਸ ਦੀਆਂ ਅੱਖਾਂ ਨਾਲ ਦੇਖਦੇ ਹਨ। ਉਨ੍ਹਾਂ ਨੂੰ ਆਪਣੀ ਜ਼ਿੰਦਗੀ ਵਿਚਲੀ ਗੁੰਝਲ ਦੀ ਸਮਝ ਆਉਣੀ ਸ਼ੁਰੂ ਹੋ ਜਾਂਦੀ ਹੈ।

ਇਸ ਮਸਲੇ ਦਾ ਹੱਲ ਲੱਭਣ ਲਈ ਮੰਜੂ ਜਾਣ-ਬੁੱਝ ਕੇ ਇੱਕ ਨਾਟਕ ਖੇਡਦੀ ਹੈ ਜਿਸ ਵਿੱਚ ਉਹ ਘਰ ਦੇ ਸਾਰੇ ਮੈਂਬਰਾਂ ਨੂੰ ਸ਼ਾਮਿਲ ਕਰ ਲੈਂਦੀ ਹੈ। ਜਦੋਂ ਉਹ ਸਾਰੇ ਨਿਰਮਲਾ ਬਾਰੇ ਆਪਣੀਆਂ ਅਸਲ ਭਾਵਨਾਵਾਂ ਨਾਟਕ ਰਾਹੀਂ ਪ੍ਰਗਟਾ ਰਹੇ ਹੁੰਦੇ ਹਨ ਤਾਂ ਅਚਾਨਕ ਆਈ ਉਰਮਲਾ ਲਈ ਇਹ ਸਭ ਸੁਣਨਾ ਕਿਸੇ ਸਦਮੇ ਤੋਂ ਘੱਟ ਨਹੀਂ ਹੁੰਦਾ। ਉਸ ਨੂੰ ਜਾਪਦਾ ਹੈ ਕਿ ਮੇਰੀ ਉਮਰ ਭਰ ਦੀ ਕਮਾਈ ਮਿੱਟੀ ਹੋ ਗਈ ਹੈ। ਉਸ ਦਾ ਆਪਣੇ ਪਤੀ ਨਾਲ ਜ਼ਬਰਦਸਤ ਝਗੜਾ ਹੁੰਦਾ ਹੈ ਜਿਸ ਕਾਰਨ ਦੁਆਰਕਾ ਪ੍ਰਸਾਦ ਨੂੰ ਦਿਲ ਦਾ ਦੌਰਾ ਪੈ ਜਾਂਦਾ ਹੈ। ਜਦੋਂ ਸਾਰੇ ਪਰਿਵਾਰਕ ਮੈਂਬਰ ਘਬਰਾ ਜਾਂਦੇ ਹਨ ਤਾਂ ਮੰਜੂ ਆਪਣੀ ਹੁਸ਼ਿਆਰੀ ਨਾਲ ਉਸ ਦੀ ਜਾਨ ਬਚਾ ਲੈਂਦੀ ਹੈ ਤੇ ਨਿਰਮਲਾ ਦੇਵੀ ਨੂੰ ਜ਼ਿੰਦਗੀ ਦਾ ਨਵਾਂ ਸਬਕ ਮਿਲਦਾ ਹੈ।

ਇਸ ਫਿਲਮ ਦਾ ਸੰਗੀਤ ਵੀ ਸਧਾਰਨ ਪਰ ਫਿਲਮ ਦੀ ਪਟਕਥਾ ਮੁਤਾਬਿਕ ਢੁਕਵਾਂ ਹੈ। 'ਸਾਰੇ ਨਿਯਮ ਤੋੜ ਦੋ, ਨਿਯਮ ਪੇ ਚਲਨਾ ਛੋੜ ਦੋ' ਅਤੇ 'ਸੁਨ ਦੀਦੀ ਸੁਨ ਦੀਦੀ ਤੇਰੇ ਲੀਏ ਏਕ ਰਿਸ਼ਤਾ ਆਇਆ ਹੈ' ਉਸ ਸਮੇਂ ਦੀ ਅੱਲੜ੍ਹ ਪੀੜ੍ਹੀ ਵਿੱਚ ਖੂਬ ਮਕਬੂਲ ਹੋਏ ਸਨ। ਇਸ ਫਿਲਮ ਨੂੰ ਇੱਕ ਤੰਦਰੁਸਤ ਜੀਵਨ ਦਾ ਮੰਤਰ ਦੇਣ ਲਈ ਵੀ ਯਾਦ ਕੀਤਾ ਜਾਂਦਾ ਰਹੇਗਾ।




[home] 1-3 of 3


Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 







MOST VISITED
YOU MAY LIKE

TOPIC CLOUD

TAGS CLOUD

ARCHIVE



Copyright © 2016-2017










NEWS LETTER