ਮਨੋਰੰਜਨ
ਮਿਸ ਵਰਲਡ
ਹੁਸਨ ਦੀ ਦੁਨੀਆ 'ਚ ਮਾਨੁਸ਼ੀ ਤੋਂ ਪਹਿਲਾਂ ਇਨ੍ਹਾਂ ਪੰਜ ਭਾਰਤੀ ਸੁੰਦਰੀਆਂ ਦੇ ਸਿਰ ਸੱਜ ਚੁੱਕਿਆ ਹੈ ਸੁੰਦਰਤਾ ਦਾ ਤਾਜ
- ਪੀ ਟੀ ਟੀਮ
ਹੁਸਨ ਦੀ ਦੁਨੀਆ 'ਚ ਮਾਨੁਸ਼ੀ ਤੋਂ ਪਹਿਲਾਂ ਇਨ੍ਹਾਂ ਪੰਜ ਭਾਰਤੀ ਸੁੰਦਰੀਆਂ ਦੇ ਸਿਰ ਸੱਜ ਚੁੱਕਿਆ ਹੈ ਸੁੰਦਰਤਾ ਦਾ ਤਾਜ



ਭਾਰਤੀ ਔਰਤਾਂ ਸੁੰਦਰ ਹੁੰਦੀਆਂ ਹਨ, ਇਸ 'ਚ ਕੋਈ ਸ਼ੱਕ ਨਹੀਂ। ਉਨ੍ਹਾਂ ਦੀ ਖੂਬਸੂਰਤੀ ਦੇ ਚਰਚੇ ਹਰ ਜ਼ੁਬਾਨ ਉੱਤੇ ਹੁੰਦੇ ਹਨ, ਦੇਸ਼ ਦੀ ਸਰਹੱਦ ਦੇ ਪਾਰ ਹੀ ਨਹੀਂ, ਸੱਤ ਸਮੁੰਦਰ ਪਾਰ ਵੀ। ਅਤੇ ਇਹ ਕਮਾਲ ਇੱਕ ਵਾਰ ਨਹੀਂ, ਕਈ ਵਾਰ ਹੋਇਆ ਹੈ। ਇਸ ਦੀ ਮਿਸਾਲ ਹੈ ਸੁੰਦਰਤਾ ਦੀ ਰੇਸ ਵਿੱਚ ਭਾਰਤੀ ਔਰਤਾਂ ਦਾ ਸੰਸਾਰ ਪੱਧਰ ਉੱਤੇ ਖਿਤਾਬ ਆਪਣੇ ਨਾਮ ਕਰਨਾ।

ਭਾਰਤ ਦੀ ਪਹਿਲੀ ਮਿਸ ਵਰਲਡ ਰੀਤਾ ਫਾਰਿਆ ਤੋਂ ਲੈ ਕੇ ਇਸ ਸਾਲ ਮਿਸ ਵਰਲਡ ਚੁਣੀ ਗਈ ਮਾਨੁਸ਼ੀ ਛਿੱਲਰ ਤੱਕ ਅਜਿਹੇ ਤਮਾਮ ਉਦਾਹਰਣ ਮੌਜੂਦ ਹਨ ਜੋ ਇਹ ਸਾਬਤ ਕਰਦੇ ਹਨ ਕਿ ਭਾਰਤੀ ਔਰਤਾਂ ਸੁੰਦਰਤਾ ਦੇ ਮਾਮਲੇ ਵਿੱਚ ਕਿਸੇ ਵੀ ਦੂਜੇ ਦੇਸ਼ ਦੀਆਂ ਔਰਤਾਂ ਤੋਂ ਘੱਟ ਨਹੀਂ ਹਨ।
ਮਾਨੁਸ਼ੀ ਛਿੱਲਰ ਦੇਸ਼ ਦੀ ਛੇਵੀਂ ਮਿਸ ਵਰਲਡ ਹੈ। ਇਸ ਤੋਂ ਪਹਿਲਾਂ ਪੰਜ ਹੋਰ ਭਾਰਤੀ ਮਹਿਲਾਵਾਂ ਨੇ ਮਿਸ ਵਰਲਡ ਦਾ ਖਿਤਾਬ ਆਪਣੇ ਨਾਮ ਕੀਤਾ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਭਾਰਤੀ ਮਹਿਲਾਵਾਂ ਦੇ ਬਾਰੇ ਜਿਨ੍ਹਾਂ ਨੇ ਦੁਨੀਆ ਭਰ ਵਿੱਚ ਆਯੋਜਿਤ ਹੋਣ ਵਾਲੇ ਸਮਾਰੋਹ ਵਿੱਚ ਸੁੰਦਰੀਆਂ ਨੂੰ ਪਛਾੜ ਕੇ ਮਿਸ ਵਰਲਡ ਦਾ ਖਿਤਾਬ ਆਪਣੇ ਨਾਮ ਕੀਤਾ:

  • ਰੀਤਾ ਫਾਰਿਆ
ਦੇਸ਼ ਤੋਂ ਬਾਹਰ ਭਾਰਤੀ ਔਰਤਾਂ ਦੀ ਸੁੰਦਰਤਾ ਦਾ ਪਰਚਮ ਸਭ ਤੋਂ ਪਹਿਲਾਂ ਰੀਤਾ ਫਾਰਿਆ ਨੇ ਲਹਿਰਾਇਆ ਸੀ। 7 ਨਵੰਬਰ 1966 ਨੂੰ ਰੀਤਾ ਫਾਰਿਆ ਨੇ ਮਿਸ ਵਰਲਡ ਦਾ ਖਿਤਾਬ ਆਪਣੇ ਨਾਮ ਕੀਤਾ ਸੀ। ਮਿਸ ਵਰਲਡ ਬਣਨ ਵਾਲੀ ਉਹ ਪਹਿਲੀ ਭਾਰਤੀ ਮਹਿਲਾ ਸੀ। ਰੀਤਾ ਦਾ ਜਨਮ ਮੁੰਬਈ ਵਿੱਚ 1945 ਵਿੱਚ ਹੋਇਆ ਸੀ।

  • ਐਸ਼ਵਰਿਆ ਰਾਏ
ਬਾਲੀਵੁੱਡ ਦੀ ਖੁਬਸੂਰਤ ਆਦਾਕਾਰਾ ਐਸ਼ਵਰਿਆ ਰਾਏ ਸਾਲ 1994 ਵਿੱਚ ਮਿਸ ਵਰਲਡ ਦਾ ਤਾਜ ਆਪਣੇ ਨਾਮ ਕਰਨ ਵਾਲੀ ਦੂਜੀ ਭਾਰਤੀ ਮਾਡਲ ਹੈ। ਐਸ਼ਵਰਿਆ ਰਾਏ ਬੱਚਨ ਨੂੰ 2014 ਦੇ ਮਿਸ ਵਰਲਡ ਪੀਜੈਂਟ ਦੇ ਦੌਰਾਨ ਸਭ ਤੋਂ ਸਕਸੈੱਸਫੁੱਲ ਮਿਸ ਵਰਲਡ ਦਾ ਸਨਮਾਨ ਦਿੱਤਾ ਗਿਆ ਸੀ।

  • ਡਾਇਨਾ ਹੇਡਨ
ਹੈਦਰਾਬਾਦ ਦੀ ਰਹਿਣ ਵਾਲੀ ਡਾਇਨਾ ਹੇਡਨ ਨੇ 1997 ਵਿੱਚ ਮਿਸ ਵਰਲਡ ਦਾ ਤਾਜ ਆਪਣੇ ਨਾਮ ਕੀਤਾ ਸੀ। ਡਾਇਨਾ 'ਬਿਗ ਬਾਸ 2' ਦੇ ਇਲਾਵਾ ਕਈ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਹੈ। ਡਾਇਨਾ ਫਰੋਜ਼ਨ ਐੱਗ ਤੋਂ ਪ੍ਰੈਗਨੈਂਟ ਹੋਣ ਦੀ ਵਜ੍ਹਾ ਨਾਲ ਵੀ ਚਰਚਾ ਵਿੱਚ ਆ ਚੁੱਕੀ ਹੈ।

  • ਯੁਕਤਾ ਮੁਖੀ
ਯੁਕਤਾ ਮੁਖੀ ਨੇ 1999 ਵਿੱਚ 49ਵਾਂ ਮਿਸ ਵਰਲਡ ਦਾ ਖਿਤਾਬ ਆਪਣੇ ਨਾਮ ਕੀਤਾ ਸੀ। ਉਸ ਨੇ 93 ਦੇਸ਼ਾਂ ਦੇ ਪ੍ਰਤੀਯੋਗੀਆਂ ਨੂੰ ਹਰਾਉਂਦੇ ਹੋਏ ਇਹ ਤਾਜ ਜਿੱਤਿਆ ਸੀ। ਯੁਕਤਾ ਮੁਖੀ ਨੇ 2002 ਵਿੱਚ ਆਫਤਾਬ ਸ਼ਿਵਦਾਸਾਨੀ ਦੇ ਨਾਲ ਫਿਲਮ 'ਪਿਆਸਾ' ਰਾਹੀਂ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ ਸੀ।

  • ਪ੍ਰਿਅੰਕਾ ਚੋਪੜਾ
ਸਾਲ 2000 ਵਿੱਚ ਪ੍ਰਿਅੰਕਾ ਚੋਪੜਾ ਨੇ ਮਿਸ ਵਰਲਡ ਦਾ ਖਿਤਾਬ ਆਪਣੇ ਨਾਮ ਕੀਤਾ। ਮਿਸ ਵਰਲਡ ਬਣਨ ਦੇ ਬਾਅਦ ਫਿਲਮ 'ਦ ਹੀਰੋ' ਤੋਂ ਪ੍ਰਿਅੰਕਾ ਨੇ ਆਪਣੇ ਬਾਲੀਵੁੱਡ ਕੈਰੀਅਰ ਦੀ ਸ਼ੁਰੂਆਤ ਕੀਤੀ ਅਤੇ ਇੱਕ ਦੇ ਬਾਅਦ ਇੱਕ ਕਈ ਸੁਪਰਹਿਟ ਫਿਲਮਾਂ ਦੇ ਕੇ ਉਹ ਬੀ-ਟਾਊਨ ਦੀ ਸਭ ਤੋਂ ਪਾਪੂਲਰ ਐਕਟਰੈਸ ਬਣੀ। ਬਾਲੀਵੁੱਡ ਦੇ ਬਾਅਦ ਹੁਣ ਹਾਲੀਵੁੱਡ ਵਿੱਚ ਆਪਣਾ ਜਲਵਾ ਦਿਖਾ ਰਹੀ ਪ੍ਰਿਅੰਕਾ ਚੋਪੜਾ ਮਿਸ ਵਰਲਡ ਦਾ ਖਿਤਾਬ ਆਪਣੇ ਨਾਮ ਕਰਨ ਵਾਲੀ ਪੰਜਵੀਂ ਭਾਰਤੀ ਮਹਿਲਾ ਹੈ।

  • ਮਾਨੁਸ਼ੀ ਛਿੱਲਰ
2017 ਵਿੱਚ 17 ਸਾਲ ਬਾਅਦ ਭਾਰਤੀ ਸੁੰਦਰਤਾ ਨੇ ਅੰਤਰਰਾਸ਼ਟਰੀ ਪੱਧਰ ਉੱਤੇ ਆਪਣਾ ਪਰਚਮ ਲਹਿਰਾਇਆ। ਮੁਕਾਬਲੇ ਵਿੱਚ ਦੁਨੀਆ ਭਰ ਤੋਂ ਹਿੱਸਾ ਲੈ ਰਹੀਆਂ 118 ਸੁੰਦਰੀਆਂ ਨੂੰ ਪਛਾੜਦੇ ਹੋਏ ਮਾਨੁਸ਼ੀ ਛਿੱਲਰ ਨੇ ਮਿਸ ਵਰਲਡ ਦਾ ਖਿਤਾਬ ਆਪਣੇ ਨਾਮ ਕੀਤਾ। ਮਾਨੁਸ਼ੀ ਹਰਿਆਣਾ ਦੇ ਸੋਨੀਪਤ ਸ਼ਹਿਰ ਦੀ ਰਹਿਣ ਵਾਲੀ ਹੈ। 20 ਸਾਲ ਦੀ ਮਾਨੁਸ਼ੀ ਛਿੱਲਰ ਸੋਨੀਪਤ ਦੇ ਭਗਤ ਫੂਲ ਸਿੰਘ ਮੈਡੀਕਲ ਕਾਲਜ ਦੀ ਵਿਦਿਆਰਥਣ ਹੈ ਅਤੇ ਕਾਰਡੀਏਕ ਸਰਜਨ ਬਣਨਾ ਚਾਹੁੰਦੀ ਹੈ।
 
ਵੇਖੋ ਵੀਡੀਓ:






Comment

your name*

email address*

comments*
You may use these HTML tags:<p> <u> <i> <b> <strong> <del> <code> <hr> <em> <ul> <li> <ol> <span> <div>

verification code*
 







MOST VISITED
YOU MAY LIKE

TOPIC CLOUD

TAGS CLOUD

ARCHIVE



Copyright © 2016-2017










NEWS LETTER